{"id":14145,"date":"2024-06-04T11:23:54","date_gmt":"2024-06-04T09:23:54","guid":{"rendered":"https:\/\/transparency.mk\/?p=14145"},"modified":"2024-06-04T11:23:54","modified_gmt":"2024-06-04T09:23:54","slug":"barometri-paster-turbullt-korrupsioni-vazhdon-te-lulezoje-ne-burgje","status":"publish","type":"post","link":"https:\/\/transparency.mk\/sq\/2024\/06\/04\/barometri-paster-turbullt-korrupsioni-vazhdon-te-lulezoje-ne-burgje\/","title":{"rendered":"Barometri past\u00ebr-turbullt, korrupsioni vazhdon t\u00eb lul\u00ebzoj\u00eb n\u00eb burgje"},"content":{"rendered":"

Korrupsioni dhe \u201caferat e turbullta\u201d n\u00ebp\u00ebr burgje jan\u00eb nj\u00eb nga problemet kryesore t\u00eb konstatuara n\u00eb raportin e fundit t\u00eb organizat\u00ebs Trasnsparence Internacional p\u00ebr Maqedonin\u00eb e Veriut, p\u00ebr muajin maj. N\u00eb k\u00ebt\u00eb raport citohet edhe K\u00ebshilli i Evrop\u00ebs, i cili thekson se kushtet higjienike n\u00eb Maqeonin\u00eb e Veriut n\u00ebp\u00ebr burgje jan\u00eb p\u00ebrmir\u00ebsuar, por trajtimi i t\u00eb burgosurve nga personeli nuk ka ndryshuar ende dhe po vazhdon t\u00eb ket\u00eb edhe korrupsion.<\/span><\/b><\/p>\n

Sa i p\u00ebrket rast\u00ebve \u201ct\u00eb turbullta\u201d t\u00eb muajit t\u00eb fundit, organizata ka ve\u00e7uar disa raste t\u00eb hetimit, n\u00eb mesin e tyre ve\u00e7ojn\u00eb rastin p\u00ebr hetimin p\u00ebr mitmarrje nga ana e gjykat\u00ebsit suprem dhe an\u00ebtar i K\u00ebshillit t\u00eb Prokuror\u00ebve.<\/span><\/p>\n

TRASNSPARENCE INTERNACIONAL<\/b><\/span><\/p>\n

\u201cGjyqtari i procedur\u00ebs paraprake n\u00eb Gjykat\u00ebn Themelore Penale Shkup ia ka shqiptuar 30 dit\u00eb paraburgim gjyqtarit suprem Nake Georgiev, pasi i nj\u00ebjti \u00ebsht\u00eb arrestuar p\u00ebr gjoja marrjen e ryshfetit prej 10.000 euro, p\u00ebrkat\u00ebsisht p\u00ebr vepr\u00ebn penale marrje e shp\u00ebrblimit p\u00ebr ndikim t\u00eb kund\u00ebrligjsh\u00ebm. Dyshimet jan\u00eb se Ixhet Memeti s\u00eb bashku me Nake Gorgiev kan\u00eb influencuar duke keqp\u00ebrdorur pozit\u00ebn e an\u00ebtarit t\u00eb K\u00ebshillit t\u00eb Prokuror\u00ebve Publik\u00eb n\u00eb rastin e marrjes s\u00eb ryshfetit p\u00ebr rrethana leht\u00ebsuese p\u00ebr ish-kryetarin e Novosell\u00ebs, Boro Stoj\u00e7ev\u201d.<\/span><\/i><\/p>\n

Si ngjarja e dyt\u00eb \u201cm\u00eb e err\u00ebt\u201d p\u00ebr muajin maj, \u00ebsht\u00eb q\u00eb Komisioni per antikorrupsion ka marr\u00eb iniciativ\u00eb p\u00ebr t\u00eb p\u00ebrcaktuar p\u00ebrgjegj\u00ebsin\u00eb p\u00ebr drejtorin dhe Bordin Drejtues t\u00eb Akademis\u00eb s\u00eb Gjyqtar\u00ebve dhe Prokuror\u00ebve Publik\u00eb.<\/span><\/p>\n

TRASNSPARENCE INTERNACIONAL<\/b><\/span><\/p>\n

\u201cKomisioni kund\u00ebr korrupsionit njoftoi se \u00ebsht\u00eb duke nisur nj\u00eb iniciativ\u00eb tek t\u00eb gjitha institucionet kompetente p\u00ebr t\u00eb p\u00ebrcaktuar p\u00ebrgjegj\u00ebsin\u00eb p\u00ebr drejtorin dhe Bordin Drejtues t\u00eb Akademis\u00eb p\u00ebr Gjyqtar\u00eb dhe Prokuror\u00eb Publik\u00eb p\u00ebr shkak t\u00eb shkeljeve t\u00eb Ligjit p\u00ebr Parandalimin e Korrupsionit dhe Konfliktin e Interesit si dhe Kodin Zgjedhor. Institucionet kompetente kan\u00eb nj\u00eb afat prej 60 dit\u00ebsh p\u00ebr ta shqyrtuar dhe vepruar sipas k\u00ebsaj nisme\u201d.<\/span><\/i><\/p>\n

Ngjarja e tret\u00eb \u201ce turbullt\u201d p\u00ebr muajin maj \u00ebsht\u00eb aktakuza ndaj 12 personave, p\u00ebrfshir\u00eb drejtorin aktual t\u00eb Agjencis\u00eb p\u00ebr Rini dhe Sport, Naum\u00e7e Mojsovski, ish-drejtorin e ARS-s\u00eb, Darko Kaevski dhe drejtorin e Komitetit Olimpik t\u00eb Maqedonis\u00ebs s\u00eb Veriut, Darko Dimevski, p\u00ebr keqp\u00ebrdorim n\u00eb kuponin sportiv.<\/span><\/p>\n

Gjykata Penale ka urdh\u00ebruar q\u00eb t\u00eb 12 t\u00eb pandehurit t\u00eb paraqiten te nj\u00eb zyrtar i caktuar n\u00eb gjykat\u00eb nj\u00eb her\u00eb n\u00eb jav\u00eb\u201d.<\/span><\/p>\n

N\u00eb \u201cngjarjet e pastra\u201d p\u00ebr muajin maj, theksohet kall\u00ebzim penal q\u00eb \u00ebsht\u00eb b\u00ebr\u00eb kund\u00ebr ish drejtorit t\u00eb PIOM-it i cili akuzohet se ka keqp\u00ebrdorur buxhetin e shtetit, procedura e nisur ndaj dy polic\u00ebve q\u00eb kan\u00eb k\u00ebrkuar ryshfet si dhe kall\u00ebzim penal ndaj drejtorit t\u00eb nj\u00eb shkolle n\u00eb Dell\u00e7ev\u00eb, i cili pa kryer procedur\u00eb transparente p\u00ebr prokurimin e mallrave dhe sh\u00ebrbimeve, ka b\u00ebr\u00eb blerje nga disa persona juridik\u00eb n\u00eb vler\u00eb t\u00eb p\u00ebrgjithshme prej 905.482 denar\u00eb.<\/p>\n

<\/span><\/p>\n