Укажувањето е еден од најефикасните начини за откривање на корупцијата, измамите, лошото управување и други неправилности што го загрозуваат јавното здравје и безбедност, финансискиот интегритет, човековите права и животната средина. Укажувањето е откривање на информации за сомнителни неправилности на поединци или субјекти за коишто се верува дека може да се реагира за да се спречат. Самите организации честопати се најдобро поставени да се справат со неправилностите што се случуваат во рамките на нивните надлежности, и во пракса, повеќето укажувачи најпрво пријавуваат сомневање за неправилност во рамките на нивната организација. Затоа, од суштинско значење е организациите, без разлика дали се приватни компании или јавни институции, да обезбедат безбедни и ефективни механизми за примање и решавање на овие пријави, како и силна заштита на укажувачите.
Транспаренси Интернешнл ја разви оваа рамка за самооценување за да ги поддржи организациите во воспоставувањето, спроведувањето и прегледот на нивните внатрешни системи за укажување, така што тие се ефективни и во согласност со најдобрата практика и меѓународните стандарди, најдобрата практика на внатрешен систем за укажување на Транспаренси Интернешнл за јавен и за приватен сектор и ISO Упатства за системи за управување со укажување. Исто така, се обидува да им помогне на организациите коишто работат во рамките на ЕУ да ги исполнат своите обврски според Директивата на ЕУ за заштита на укажувачите.
Рамката е наменета за организации низ јавниот, приватниот и „третиот“ сектор во која било јурисдикција, вклучувајќи ги и меѓународните организации. Вклучува 130 прашања што покриваат осум димензии на ефективен внатрешен систем за укажување, од неговиот опсег и заштитата што ја нуди, до комуникација во и за системот и следење на неговата ефикасност. Прашањата се дизајнирани да ги откријат сите фактори што би можеле да го компромитираат внатрешниот систем за укажување на организацијата. Со адресирање на наодите, организациите можат да обезбедат дека нивниот внатрешен систем за укажување е ефективен и ги исполнува најдобрите практики и меѓународните стандарди.
Internal-whistleblowing-systems-Self-assessment-framework-for-public-and-private-organisations_Word
Internal-whistleblowing-systems-Self-assessment-framework-for-public-and-private-organisations_Excel
Извор: Транспаренси Интернешнл
