Укажувањето е еден од најефективните начини за откривање на корупција, измами, лошо управување или друга неправилност што ги загрозува јавното здравје и безбедност, финансискиот интегритет, човековите права и животната средина
Укажувањето е откривање на информации за сомневањата за неправилности на поединци или субјекти за кои се верува дека може да преземат дејствија. Самите организации често се во најдобра позиција да се справат со неправилностите што се случуваат во рамките на нивната надлежност и, во практиката, најголемиот број укажувачи прво ги пријавуваат таквите сомневања за неправилности во рамките на нивната организација. Оттаму, од суштинско значење е организациите, без оглед на тоа дали се приватни компании или јавни институции, да обезбедат безбедни и ефективни механизми за примање и решавање на овие пријави, како и робусна заштита на укажувачите.
Како последица од тоа, сè поголем број национални закони бараат од организациите да имплементираат внатрешни системи за укажување (ВСУ), познати и како „зборувај слободно“ или внатрешни системи за пријавување. Од декември 2021 година ова е случајот во земјите членки на ЕУ; на пример, во согласност со Директивата на ЕУ за заштита на укажувачи.
Но, организациите не треба да ги сметаат внатрешните системи за укажување само како правна обврска. Ефективните ВСУ помагаат да се заштитат организациите од последиците од несоодветното однесување – вклучително од правна одговорност, трајна штета на угледот и од сериозни финансиски загуби. Овозможувајќи им на персоналот и на другите релевантни засегнати страни да проговорат за неетичкото или незаконското однесување, ВСУ поттикнуваат организациска култура на доверба, транспарентност и отчетност. Според тоа, тие носат вистински придобивки за културата, брендот, создавањето вредност и растот на организацијата.
Оваа публикација има за цел да ги поддржи организациите во спроведувањето ефективни внатрешни системи за укажување. Таа, исто така, се обидува да им помогне на организациите да ги исполнат своите обврски од Директивата на ЕУ за заштита на укажувачи.
Публикацијата може да се превземе на следниот линк : ВНАТРЕШНИ СИСТЕМИ ЗА УКАЖУВАЊЕ Принципи за најдобра практика за јавни и приватни организации
