Ќе се кастрат 2.200 прописи?

 07.03.2007 Проектот Регулаторна гилотина со кој треба да се намали бројот на административни прописи се одвива одлично. Од почетокот на неговото спроведување досега се собрани 2.200 прописи што допрва ќе се ревидираат. Ова било заедничката оценка од вчерашната средба на вицепремиерот Зоран Ставрески и Марго Томасима, која го предводи Советодавното тело за странски инвестиции при Светската банка.
– Во првата фаза се собрани околу 2.200 прописи. Нивната проверка за евентуално елиминирање, поедноставување или скратување ќе се реализира со локални и странски експерти, како и со учество на сите бизнис асоцијации во Македонија. Очекуваме проектот да биде заокружен ова лето по што веднаш ќе пристапиме кон измена на прописите. Потоа ќе формираме единствен национален регистар во кој ќе биде содржана прочистената регулатива, валидна за бизнисот и граѓаните – изјави Ставрески.
Процесот треба да заврши до септември годинава, а паралелно со него, се реализира и втора компонента од регулаторната реформа – почетокот на процесот за оценка на влијанието на регулативата.
Томасима порача дека регулативата што ги обременува бизнисот и граѓаните во Македонија мора да се прочисти. 

Извор;Вечер