Работилницата за политички интегритет: Интегритет на политичкото финансирање се одржа на 24-ти и 25-ти октомври 2024 година во Берлин, Германија. Кампот беше организиран од страна на Секретаријатот на Транспаренси Интернешнл и ОБСЕ- ОДИХР, а учествуваа повеќе од 40 претставници од националните ограноци на ТИ, ОБСЕ, национални институции, професори и други релевантни чинители-експерти од областа на финансирањето на политичките партии. За време на работилницата се отворија различни теми, а ТИ-Македонија ја претставуваа Генералниот Секретар Методи Зајков и Марија Сунчевска, програмски менаџер.
Првиот ден започна со дискусија за јавниот интегритет, политичките финансии и законодавните стандарди за политичките партии во регионот на ОБСЕ и беше презентирана Алатка за јавна етика и интегритет на ОДИХР: Насоки за политичките партии. Со оваа алатка, ОДИХР има за цел дополнително да придонесе полето на зајканувањето на помошта во парламентарната етика и интегритет. Овој таргетиран пакет на алатки е создаден за да ги поддржи земјите-учеснички, нивните парламенти и политичките партии во развивање, унапредување и спроведување на инструментите за етички и јавен интегритет. Во текот на излагањата беа проследени и резултатите од набљудувачките мисии на ОДИХР. Во вториот дел од денот беа опфатени Глобалните стандарди за политичко финансирање на Транспаренси Интернешнл. Оваа година ТИ спроведе опширни консултации за најитните предизвици за интегритетот на политичките финансирања, вклучувајќи експерти, засегнати страни и национални ограноци на кои беа развиени нови ТИ стандарди за интегритет на политичккото финансирање. Претставниците од ТИ-Секретаријатот ја претставија својата позиција на политиката за интегритетот на политичките финансии, наведувајќи ги шесте принципи: транспарентност, чисти пари, правичност, родова еднаквост, неутралност на државата и одговорност.
На вториот ден, националните ограноци на Транспаренси Интернешнл имаа можност да ги споделат своите искуства, добри практики и празнини во националното законодавство поврзани со политичкото финансирање. Дополнително, подетално беше дискутирано за шесте принципи развиени од ТИ за политички интегритет. Учесниците ги споделија своите ставови, искуства од нивните земји, практичната имплементација и други прашања поврзани со принципите за политички интегритет.
Работилницата овозможи добра средина за вмрежување на сите учесници и поврзување за идни проекти како и продлабочена комуникација помеѓу присутните.
