Транспаренси Интернешнл-Македонија во партнерство со ПИНА- Платформа за истражувачко новинарство и анализи се добитници на грант за проект „Зајакнување на граѓански ангажман во борбата против корупцијата“ преку програмата „Граѓаните против корупцијата“.
Главната цел на проектот е поддршка на граѓаните во Северна Македонија да бараат правично остварување на своите права пред институциите и активно да учествуваат во борбата против корупцијата.
Програмата „Граѓаните против корупцијата“ се реализира од Македонскиот центар за меѓународна соработка (МЦМС) во партнерство со Центарот за граѓански комуникации (ЦГК), Институтот за демократија „Социетас Цивилис“ – Скопје (ИДСЦС), Стопанската комора на Северна Македонија (СКСМ), 360 Степени, Истражувачка репортерска лабораторија Македонија (ИРЛ) и Балканската истражувачка репортерска мрежа Македонија (БИРН). Финансирана е од Американската агенција за меѓународен развој – УСАИД/Северна Македонија.
