Организација Асоцијација за демократски иницијативи го спроведе проектот: „Демократија водена од податоци: Следење на политичките партии за потранспарентна иднина“ добиен како под-грант во рамките на проектот: ,,Следење на интегритетот во Западен Балкан и Турција: граѓански организации во борбата против корупцијата со податоци за политичкиот интегритет” имплементиран од Транспаренси Интернешнл – Македонија, а финансиран од Европската унија.
Цел на проектот беше зајакнување на политичкиот интегритет и намалување на ризиците од корупција во Македонија преку подобрување на транспарентноста на политичките партии, поттикнување на граѓански надзор и унапредување на отчетноста во политичкото финансирање и законодавството.
Во рамки на проектот беа објавени три политички брифови, и тоа за следните области: транспарентност во политичкото финансирање, внатрешно партиско управување поврзано со законодавниот процес и врски со фаворизирање при јавни набавки.
Следните полиси брифови беа подготвени и објавени:
- Транспарентност на хартија или транспарентност во пракса. Онлајн пристап до податоци за финансирањето на политичките партии во Северна Македонија, автор: Снежана Камиловска
Овој документ се анализира состојбата со транспарентноста на политичките партии во Северна Македонија, со посебен фокус на тоа колку е едноставно и интуитивно за граѓаните да пронајдат релевантни податоци на официјалните интернет страници на партиите, особено податоците поврзани со финансирањето и донаторите.
- Внатрепартиско управување и избор на кандидати: Влијанието врз законодавниот процес и парламентарната отчетност во Република Северна Македонија, автор: Нино Сотировски
Овој документ го анализираше нормативниот дизајн на парламентарните политички партии во Северна Македонија – особено статутарните правила за внатрепартиска организација и селекција на кандидати – и неговото влијание врз парламентарното однесување, законодавната дебата и механизмите на отчетност. Анализата се заснова на систематско разгледување на статутите и релевантните интерни акти на парламентарните партии, во комбинација со наоди од релевантни меѓународни, национални и аналитички извештаи.
- Врски помеѓу нетранспарентноста на политичките партии и фаворизирањето во јавните набавки во Република Северна Македонија: Анализа на системските слабости и препораки за унапредување на јавниот интегритет
Овој документ за јавни политики ја анализира поврзаноста помеѓу нетранспарентноста на политичките партии и ризиците од фаворизирање во јавните набавки, со фокус на структурните слабости во постојниот систем на политичка и институционална отчетност. Анализата се базира на преглед на релевантната законска рамка, јавно достапните финансиски извештаи на политичките партии, нивните статути и внатрешни акти, како и извештаи и податоци од надзорните институции, вклучително Државната комисија за спречување на корупцијата (ДКСК), Државниот завод за ревизија (ДЗР) и Државната изборна комисија (ДИК). Дополнително, користени се најнови извештаи и препораки од Европската комисија, GRECO, OECD и релевантна академска литература за клиентелизам и политичка патронажа.
Документите се достапни на македонски и албански јазик на следните линкови:
https://adi.org.mk/mk/publikacii/
https://adi.org.mk/sq/publikime/
Овие документи беа презентирани и пред претставниците на граѓанскиот сектор и пред претставниците на политичките партии и институциите во два одделни настани:
Овие документи беа презентирани и пред претставниците на граѓанскиот сектор и пред претставниците на политичките партии и институциите во два одделни настани:
https://www.facebook.com/share/p/1DmHcQkiAH/
https://www.facebook.com/share/p/1Kr1t7U4p5/
Беа подготвени и инфографици и спроведена дигитална кампања за подигање на свеста со цел да се зајакнат локалните граѓански организации, младинските совети и малцинските групи да продолжат со надзор на транспарентноста и по завршување на проектот, обезбедувајќи долгорочно влијание врз интегритетот.
