Прва генерација на Академијата за судии и јавни обвинители

19.09.2007 Отпочнувањето на обуката на првата генерација кандидати на Академијата за обуки на судии и јавни обвинители ќе биде свечено одбележано денеска во Скопје.

Според најавите на свечената церемонија ќе присуствуваат високи домашни и странски претставници. Воведни обраќања ќе имаат премиерот Никола Груевски, евроамбасадорот, Ерван Фуере, американската амбасадорка во Македонија, Џилиен Миловановиќ, како и директорката на Академијата, Анета Арнаудовска

„Обуката на првата генерација кандидати е продолжение на континуираните активности што Академијата ги спроведува во насока на остварување на определбите на Македонија за приближување на правосудниот систем кон модерните европски и меѓународни реформи“, се наведува во соопштението од Академијата.

Извор: Макфакс