Предлог-закон за судир на интереси

15.02.2007 Собранието вчера едногласно го усвои Предлогот за донесување закон за спречување судир на интереси. Предлогот ја утврдува постапката во случаи кај кои ќе се утврди постоење судир на интереси, начинот на однесување на службените лица при вршење на службената должност и други прашања од значење за сузбивање на оваа општествена негативна и штетна појава заради заштита на јавниот интерес.
Службеното лице не треба да се раководи од лични, семејни, етнички, верски или политички интереси и да стекнува лична имотна корист или да врши приватна дејност што е во судир со неговата јавна функција. Надлежен орган за спроведување на Законот се предлага да биде Државната комисија за спречување на корупцијата.  

Извор: Вечер