Ќе се конфискува корумпиран имот

14.03.2007  Државата ќе им го конфискува имотот на сите они на коишто ќе им биде изречена извршна пресуда за криминал и корупција. Ова го предвидува законот за конфискација на имот создаден со криминал и корупција, за кој вчера расправаше Владата. Законот е експресно подготвен откако премиерот Никола Груевски го задолженил министерот за правда Михајло Маневски да го сработи како приоритет.
Конфискација на имот досега имаше само за кривични дела. Со законот Владата сака, тврдат наши извори, првенствено да ги казни олигарсите за кои има сомневања дека дел од имотот го создале незаконски. Во Владата не сакаат да кажуваат имиња на потенцијални случаи, но велат дека проверките и истрагите течат интензивно и дека, зависно од тежината на криминалното дело, со секоја извршна пресуда ќе следи и одземање на спорниот имот.