Судскиот совет ќе се комплетира неделава

13.05.2007 Судскиот совет ќе биде комплетиран во текот на неделава, ветуваат припадниците на етничките заедници. Според извори на Вечер, малцинските групи се подготвени да попуштат во дел од новните барања, по што Советот по половина година конечно ќе може да ги добие останатите пет члена, двајца по предлог на претседателот Бранко Црвенковки и тројца избрани од страна на пратениците во Собранието. Според нашиот извор, во текот на неделата ќе биде надмината спрегата меѓу припадниците на етничките заедници и ставот на Владата.

И пратеникот Кенан Хасипи, претседател на пратеничката група на етничките заедници вели дека иако до сега немало нови преговори со Владата, време е неделава конечно да се затвори тоа прашање.
Мораме во текот на неделава да го дефинираме тоа и конечно д а се донесе став. Веќе влеговме во теснец со време и мислам дека треба да се заврши со тоа. Верувам дека ќе има поконкретни работи за зборување деновиве, крајно време е да се стави крај на тоа и да се формира Судскиот совет" – ни изјави вчера Хасипи.

Според него, тие остануваат со истите барања, но сепак, како што кажа има простор да се најде соодветно решение.  

Нивните услови за да го поддржат предлогот за останатите членови на Советот остануваат исти. Тоа се гарантирани места на етничките заедници, Закон за правата на малцинските заедници, како и Министерство за човекови права и права на малцински заедници.
Хасипи претпоставува дека се успорува работата на Судскиот совет и дека и покрај тоа што одлуките од Судскиот совет можат да се носат и без тие пет члена, бидејќи за тоа е потребно дветретинско мнозинство, а во овој момент две третини од членовите се избрани, треба да се има целосен Совет.

Во меѓувреме забелешките на Европската унија постојано се упатувани на адреса на судството. И во Кабинетот на претседателот Бранко Црвенковски велат дека во сите разговори со претставници на ЕУ прва точка за критикување е токму некомплетирањето на Судскиот совет. На таа тема, објаснуваат тие, нема простор за правдање.

Извор: Вечер