Вести - Транспаренси Интернешнл

Антикорупциска ја „покрива“ корупцијата

08.11.2011 Комисијата за спречување на корупцијата ја изгуби својата првенствена функција, да биде контролор на власта. Домашната стручна јавност посочува дека е потребна брза трансформација на овој орган, за да се врати довербата во неговата работа.
Поранешниот антикорупционер Слаѓана Тасева вели дека комисијата мора да обезбеди целосна транспарентност во работењето. Не ја исклучува можноста дека комисијата е под директни или индиректни притисоци од надвор.
„Едноставно се претвори во институција која што ги потврдува сите активности за коишто во јавноста ќе се појави било какво прашање или сомнеж во однос на трошењето на јавни пари, тендери, јавни набавки, судири на интереси или било што друго“, вели Тасева.

Прочитај повеќе

Компаниите од растечките џинови Кина и Русија, најверојатно плаќаат поткуп во странство

02.11.2011 (Лондон/Берлин) Поткупувањето на јавни службеници кога се склучува бизнис надвор од сопствената држава е редовна појава, според истражувањето на 3000 (три илјади) бизнисмени од развиени и земји во развој.
Индексот на поткупувачи на Transparency International за 2011 година, објавен денес, ги рангира 28те водечки меѓународни и регионални земји извознички по веројатноста на нивните компании да поткупуваат во странство. Компании од Русија и Кина, кои имаа 120 билиони долари прекуокеански инвестиции во 2010тата година, се претставени како земји кои веројатно плаќаат најмногу поткуп во странство. Компаниите од Холандија и Швајцарија се претставени како земји кои веројатно најмалку поткупуваат.

Прочитај повеќе

Граѓанското општество е исклучено на Самитот на ОН за Спречување на Корупцијата

27.10.2011 (Маракеш) Опкружено од граѓански револуции и протести низ целиот свет, владите на Самитот на Обединетите Нации за борба против корупцијата, оваа недела во Маракеш, Мароко, одбраа да го исклучат граѓанското општество од процесот на спроведување на единствената вистински глобална анти–корупциска конвенција, Конвенцијата на Обединетите Нации Против Корупцијата (UNCAC).
„Отсуството на јасна одлука за вклучување на граѓанското општество ги остава работите опасно неограничени во овој критичен период во кој процесот на ревизија на конвенцијата се уште се формира и кога постои најголема потреба во регионот (се мисли на Африка и Арапските држави з. ТИМ) и пошироко за силна и сеопфатна конвенција,“ рече Слаѓана Тасева, Претседавач на UNCAC Коалицијата на граѓанското општество, говорејќи на конференцијата во Маракеш. „Со решението против учество на граѓанското општество, владите покажаа дека не се во допир со нивните граѓани и дека се на погрешната страна на историјата.“

Прочитај повеќе

Колку и како трошеле партиите?

26.10.2011 Државната комисија за спречување на корупција денеска расправа за извештајот за финансирање на партиите за време на изборниот процес. Од Аниткорупциска велат дека извештајот е обемен и содржи забелешки за повеќе партии и медиуми, но конкретните податоци за нерегуларностите ќе ги објават по одржувањето на седницата.

Првиот човек на Антикорупциска, Воислав Зафировски изјави дека ги зеле и банкарските изводи за финансирањето на партиите, бидејќи било неопходно да се вкрстат сите информации за да се извлечат клучните податоци и да се направи анализа со која ќе излезат пред Собранието.

Прочитај повеќе

Transparency International избра нови членови во Бордот

18.10.2011 Годишната средба на членките на Transparency International, антикорупциската организација, ја реизбраа на местото Претседател Хјуџет Лабел (Канада), и заменикот, Акере Муна (Камерун) во период од наредните три години како глобални лидери на TI.

Актуелните членови на Борд, Делиа Фереира Рубио (Аргентина) и Руебен Лифука (Замбија) исто така беа ре-избрани. Движењето на Transparency International избра четири нови членови на Борд, Џермин Брукс (Велика Британија), Елена Панфилова (Русија), Хозе Угас (Перу) и Елизабет Унгар Блиер (Колумбија).

Бордот на TI е избран од неговото движење, односно 87 национални ограноци од целиот свет и 27 индивидуални членови.

Прочитај повеќе

ТИ-М поднесе иницијатива до обвинителство за кривична одговорност на Ставрески

12.10.2011 На 12.10.2011 година врз основа на член 142 став 1 и 3 од Законот за кривичната постапка здружението Transparency International – Macedonia поднесе Иницијатива до Јавниот обвинител во Скопје за поведување постапка за утврдување на кривична одговорност за лицето Зоран Ставрески од Скопје, вработен во Владата на Република Македонија како Министер за финансии.

Здружението Иницијативата ја поднесе поради постоење на основи за сомневање дека на 20.04 2010 година со Решение бр.07-13441/01 на штета на средствата од Буџетот на Република Македонија, во својство на Министер за финансии именуваниот сторил дело опфатено со одредбите во член 353 став 5 во врска со став 1 од Кривичниот Законик.

inicijativa_do_ojo_ti-macedonia12.10.2011 455.41 Kb

Прочитај повеќе

Уставниот суд укина одредби по иницијатива на ТИ Македонија

22.09.2011 Уставниот суд на 21.09 2011 година, по усвоена Иницијатива поднесена од здружението Транспаренси Интернешнл – Македонија, ги укина ставовите 3 и 4 од членот 2а и ставовите 4, 5 и 6 од ставот 2б од Упатството за распределба на средствата од Буџетот на РМ за годишно финансирање на политичките партии. Упатството е донесено од Министерот за финансии во 2005 година и двапати дополнувано во 2007 и во 2010 година.

Со ова се укинуваат делови од дополнувањето до кое дојде по последните локални избори во Република Македонија во 2010 година. Со Упатството се врши распределба на Буџетски средства наменети за финансирање на годишното работење на политичките партии во Републиката, а не на некои конкретни избори или предизборни активности.

odluka_ubr16-11 83.82 Kb

Прочитај повеќе

ФЗО-монопол или институција во интерес на граѓаните

02.09.2011 Придонесот за здравствено осигурување кој го плаќа секој осигуреник е давачка, а Законот за здравствено осигурување безобразно напишан текст кој служи за манипулирање со средствата за здравствено осигурување преку ФЗО, за цели на оној кој е на власт, без разлика кој и да е.
Фондот за здравствено осигурување има монополска положба востановена со закон, а целиот систем на здравствено осигурување им служи на целите на оние што ги креираат политиките.
Транспаренси Интернешнел – Македонија (ТИ-М) следејќи го движењето на јавните пари воочи низа на законски и под законски решенија кои уредуваат различни полиња од јавен интерес за граѓаните, а на кои смета дека треба да се осврне. Овој пат тоа е реформата или поточно кажано еволуцијата на здравствениот систем.

Прочитај повеќе

Периодична публикација на Transparency International-Macedonia “АУДЕО”

26.08.2011 Почитувани, Ни причинува големо задоволство да Ви го проследиме првиот број на периодичната публикација “АУДЕО“.
Публикацијата ќе биде во електронски формат, па така лесно достапно за сите. Audeo е латински збор кој значи да се осмелиш храбро. Со тоа Transparency International-Macedonia им возвраќа на граѓаните кои пријавуваат корупција и со неа поврзани активности.

Истовремено ги повикува сите да се приклучат и да ги поддржат напорите за отстранување на ова зло. Сакаме да бидеме отворени и затоа ги очекуваме Вашите мислења, коментари и текстови со анализи кои Вие самите сте ги направиле, а кои се однесуваат за постапки поврзани со настани за кои сметате дека сериозно го загрозуваат владеењето на правото.

audeo_1_avgust_2011 764.86 Kb

Прочитај повеќе

Јавни набавки во четири очи

24.08.2011 Јавните набавки се вршат на нетранспарентен начин, при што се остава простор за манипулација со буџетските пари, а одговорноста треба да ја бара јавниот обвинител, велат упатените. Во минатата година на јавни набавки се потрошени 750 милиони евра. Според Бирото за јавни набавки најмногу пари потрошиле Електрани на Македонија, Министерството за транспорт и врски, Службата при Владата, како и Министерството за здравство и Македонски шуми.

Претседателката на Транспаренси Интернејшнал Македонија, Слаѓана Тасева, вели дека најчесто процесот на јавни набавки се врши преку склучување на договори со непосредна спогодба без тендерска постапка.

Прочитај повеќе