ТИ сериозно загрижена во врска со обвинувањата за изборни нерегуларности во Кенија

ti

07.01. 2008 Transparency International Кенија и глобалното движење Transparency International се длабоко загрижени од сериозните обвинувања за изборни нерегуларности на скорешните избори во Кенија, како и насилните немири кои ги предизвикаа. Прашањата за транспарентност и интегритет кои се наметнуваат над претседателските избори, всушност имаат потенцијал фатално да го поткопаат владеењето и борбата против корупција во Кенија.

 

Прочитај повеќе

Барометар на корупција за месец Декември 2007 г.

bistromatno

 
07.01.2008 Предлог законот за енергетика е најматен, а правосилната пресуда за Владислав Тамбурковски, најбистар настан во декември 2007 година.Ова е оценка на главните уредници во 18 највлијателни печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – Нулта корупција“.
 
 
Прочитај повеќе

Среќна Нова година

                                         Среќна Нова 2008 и Честит Божиќ Merry Christmas and a Happy New Year 2008  Gëzuar Vitin e Ri 2008 Sretan Božić i Nova godina 2008 С Рождеством Христовым и с новым годом 2008 Fröhliches Weihnachten und Gutes Neues Jahr 2008 Navidad Alegre y feliz…

Прочитај повеќе

Соопштение

Предлог на закон за изменување и дополнување на Законот за енергетика

што Владата на РМ го достави до Собранието на РМ

 

logo_eng_jpg                                                             
28.12.2007 “
Транспарентност Нулта Корупција е невладина организација чија главна определба е борбата против корупцијата и почитувањето на принципите за транспарентно, одговорно и отчетното однесување во процесите кои се одвиваат во Република Македонија.Во изминатите неколку години со внимание ја следиме состојбата и процесите за приватизација и либерализација во сферата на електростопанството, кои се имплементираат преку менување на законите во оваа сфера. Поради тоа, а имајќи го предвид значењето што процесите во оваа го имаат или би го имале за граѓаните и за стопанството, сметаме дека со поднесување на Предлогот за изменување и дополнување на Законот за енергетика се повредени основните принципи на доброто управување, кое подразбира транспарентност и отвореност на овие процеси.

Предложените измени на Законот за енергетика се носат крајно нетранспарентно, без јавна расправа и истите содржат одредби кои ќе креираат услови за нетранспарентно работење, создавање на монопол и фаворизирана положба на одделни субјекти на пазарот, како и услови за корупција. Со предложените измени се создава монопол на пазарот и фаворизирана положба на една компанија што е спротивно на владеењето на правото како темелна вредност на Уставот на РМ.

 

Прочитај повеќе

Предавање на Универзитетот на Југоисточна Европа во Тетово

predavanje_see25122007

25. 12. 2007.  Претседателот на организацијата Транспарентност- нулта корупција , доц. д-р Слаѓана Тасева во рамките на активностите на проектот  „Култура на законот наспроти корупција“ одржа предавање на Универзитетот на југоисточна Европа во Тетово.

Притоа, таа студентите од факултетот за Бизнис и администрација ги запозна со проблемот на корупцијата во Република Македонија и со студентите разговараше за потребата од воведување на култура на законието, концептите за добро владеење и владеење на правото, наспроти проблемот со корупцијата, како и за обезбедување на широка јавна поддршка во оваа смисла.

Прочитај повеќе

Полицајците и цариниците најосудувани за корупција

press19122007

 20.12.2007 Измамата и злоупотребата на службената положба се најчестите коруптивни дела по кои постапувале судовите во изминатите две и пол години. Во најголем број случаи, судењата се воделе против вработени на граничните премини од редовите на полицијата и на цариниците, покажало истражувањето на коалицијата Сите за правично судење и на Транспарентност-нулта корупција, финансиски поддржано од ОБСЕ. Истражувањето покажало и дека нема процес за дело од областа на корупцијата, кое не било одложувано и дека изречените казни се минимални.

 

             Во прилог е брошурата од проектот

pdf Потреба_од_следење_на_судски_предмети_од_областа_на_корупција 210.36 Kb

Прочитај повеќе

Основачот на Transparency International ја прими престижната германска награда

Петер Еиген награден со граѓанската награда Густав- Хејнеман за 2007 година

 

petereigen 19.12.2007 Петер Еиген, основач на Transparency International, ја имаше честа да ја добие граѓанската награда Густав- Хејнеман, престижно признание кое се доделува годишно на индивидуи и организации, кои значително придонеле кон слободно и правично општество.

 Почесниот говор од страна на Кофи А. Анан, поранешен Генерален секретар на Обединетите Нации, ја сумираше антикорупциската дејност на Еиген и нејзината важност, и ја наведе корупцијата како основен проблем на доброто управување и одржливиот развој.

Обраќајќи му се на Еиген како на глобален граѓанин, Анан рече дека тој и служел на сопствената земја и на целиот свет. Анан исто така го истакна Глобалниот договор на ОН, програма сочинета да ги вклучува бизнисите во остварување на општествени цели. Анан рече дека Еиген се борел за десеттиот принцип во пресретнување на корупцијата. Како резултат на тоа Анан го нарекува „принципот на Петер“.

 

Прочитај повеќе

Партиските кампањи ќе чинат и над 3 милиони евра

election2006
18.12.2007 Државната изборна комисија да биде одговорна за евиденцијата на Избирачкиот список, а во кампањата партиите да може да потрошат по 120 денари наместо сегашните 60 денари за запишан избирач во изборната единица, е предвидено со измените на Изборниот законик. Според нив, електронските и печатените медиуми да утврдат ценовник за рекламирање на изборните програми, од распишувањето до одржувањето на изборите, а државните органи не смеат да објавуваат реклами финансирани од буџет.

Овие предлози вчера ги презентираа Министерството за правда, Невладината организација МОСТ и ОБСЕ. За нив постигнаа консензус и поголемите партии.

Прочитај повеќе

Трошоците за рекламни кампањи не се опфатени во буџетот

coins

17.12.2007 Во буџетот за идната година кој го предлага владата нема посебна ставки во кои се предвидени пари за рекламирање и промоција на влaдини кампањи. Пратеникот од опозиционата Либерално демократска партија Слободан Најдовски тврди дека владата не сака да ја открие конкретната сума и поради тоа парите кој планира да ги даде ги става во други ставки:

„Владата ги крие тие средства, како змијата нозете, затоа што тие средства се скриени зад договорни услуги и зад стоки и услуги. Така што, не може од буџетот да се види колку се тие средства.“

Прочитај повеќе

Прогласени добитниците на Наградата за интегритет за 2007 година

Наградата на „Transparency International ги препознава интернационалните антикорпциските лидери и коренити активисти

 ti

12.12.2007 Виетнамскиот коренит антикорупциски активист и правен експерт кој работи против интернационалниот поткуп, беше избран за победник на изборот за Наградата за интегритет на „Transparency International” (ТI) за 2007 година. ТI е глобална антикорупциска организација со приближно 100 национални преставништва ширум светот.

 

По пензионирањето во 1984 година , Ле Хиен Дук, виетнамска учителка, стана истакнат антикорупциски борец со поднесување жалби и преку помагање на своите сограѓани да се спротистават на ситниот поткуп и големата корупција. Нејзиниот респект кон власта завршува онаму кадешто почнува корупцијата. Дук им влезе во трага на службеници од ниски и високи нивоа на различни начини, дома или во канцеларија, со цел да осигура дека тие не можат да ги игнорираат жртвите на корупција кои ги бараат своите права. И покрај многуте закани, таа даде надеж и храброст за запирање на прифаќањето на корупцијата.

Прочитај повеќе