Вести - Транспаренси Интернешнл

Корупцијата ја разниша правната држава

15.11.2010 Борбата против корупцијата како интергративна спрега од домашните и меѓународните активности е тема на регионалната конференција сто предпладнево почна во Охрид, во рамките на македонското претседателство, со комитетот на министри на Советот на Европа.

Конференцијата со седумдесетина учесници од 12 држави и министрите за правда од Македонија, Албанија, Хрватска и Црна Гора, треба да пвпзможи демонстрирање на резулаттите во борбата против корупцијата, со фокус на конфискацијата како една од мерките за справување со овој вид на криминал, меѓународните стандарди и нивната имплементација во националните законодавства.

Прочитај повеќе

Судиите кои судат во неразумен рок ќе бидат разрешени

14.10.2010 Судиите кои судат во неразумен рок ќе бидат разрешени, а доколку се укинат повеќе од 20 проценти од пресудите или се изменат 30 отсто од пресудите донесени од страна на еден судија, тоа може да биде основа за поведување на дисциплинска постапка. За судии во основните судови ќе можат да се кандидираат лица кои ја завршиле Академијата за обука на судии и јавни обвинители, а унапредувањето во повисоките судови ќе биде само од пониските судови. Ова меѓу другото го предвидуваат измените на Законот за судови, кој од вчера е во собраниска процедура.

Прочитај повеќе

Корупцијата во Македонија – голем проблем

12.10.2010 Нема подобрување во однос на степенот на корупција во Македонија е оценка на Транспаренси интернешнл, централата во Берлин. Корнелија Абел од оваа глоблана граѓанска организација која води битка против корупцијата во светот смета дека проблемот во Македонија заслужува поголемо внимание. „Со оглед на информациите што ги имаме и проблемите што беа наведени во поглавјето за вашата земја дефинитивно можам да кажам дека корупцијата во Македонија е се’ уште голем проблем. Жалам што морам да речам дека не постои доволно политичка волја за справување со корупцијата. Актуелната влада има други приоритети. Начинот на кој ги троши парите, начинот на кој гледа на системот укажува дека е потребно прашањето на добро управување да биде ставено повисоко на листата на приоритети“, изјави за Дојче веле Корнелија Абел од Транспаренси интернешнел.

Прочитај повеќе

Оглас за работно место

Асистент на проект “КРИНИС Западен Балкан –Осветлување на парите во политиката”

14.09.2010 Транспарентност – Нулта корупција (ТНК) е невладина организација која се бори против корупцијата и промовира интегритет, одговорност и транспарентност во јавниот живот. КРИНИС е регионален проект на Transparency International кој има за цел да прави мониторинг на корупцијата во финансирањето на политичките кампањи, како и да ја зацврсти јавната доверба во демократските институции во Албанија, Хрватска, Косово, Македонија и Србија. Проектот има за цел поголема транспарентност и институционални промени преку вклучување на сите клучни засегнати страни и преку евалуација на практиките кои се спроведуваат при политичките финансирања.

Прочитај повеќе

Слаѓана Тасева во советот на Интернационалната антикорупциска академија

02.09.2010 Професорката и претседателка на „Транспарентност нулта корупција“, Слаѓана Тасева, е избрана за член на Советодавниот академски комитет на новоформираната Интернационална антикорупциска академија со седиште во Австрија. Иако е информирана за основањето на Академијата, Македонија се’ уште не е потписник на договорот за нејзино основање.

Прочитај повеќе

Против корупцијата само на хартија

31.08.2010 Хармонизирано законодавство и обемна законска регулатива ги детерминираат областите во однос на криминализација на корупцијата и финансирањето на политичките партии, но без ефективна имплементација. Ова го констатира Групата на држави против корупција (ГРЕКО) на Советот на Европа за третиот круг на евалуација за Македонија во извештајот објавен вчера.

Прочитај повеќе

Партиското финансирање, непознаница?

31.08.2010 Увидот во начинот на изворите на финансирање на политичките партии покажува дека има нерегуларнсоти во нивниот начин на работа. Непознатите извори од каде им доаѓаат парите, а и начините како ги добиваат сретствата допринесува и натаму корупцијата да вирее. Се сведуваме на тоа партиите да ги пријавуваат потрошените средства. Има исчекор и во подобрувањето на регулативата, но тоа не е

доволно. На ова укажува и претседателот на Државната комисија за спречување корупција Иљми Селами. Комисијата навреме реагира и постојано укажува дека законите треба да се менуваат во делот на прикажувањето на изворите, но таквите укажувања не беа навремено прифатени, вели Селами:

Прочитај повеќе

Антикорупционерите останаа без пари

25.08.2010 Владата силно го стегна ременот околу Антикорупциска комисија. Се’ повеќе се зголемува притисокот врз работата на институцијата, која е конституирана за да ја лови корупцијата и да го открива криминалот првенствено во високите ешалони на власта. Кабинетот на Никола Груевски го постигнува тоа на два испробани начина.

Прво, со финансиски удар врз контото на комисионерите и со неизвесноста во исплатата на нивните хонорари. Антикорупциска комисија е оставена буквално без пари. Финансиските средства во ребалансираниот буџет не само што се драстично скратени туку не се предвидени за работењето до крајот на годината.

Прочитај повеќе

Против корупцијата само на хартија

09.08.2010 Дали Балканот навистина е корупциски рај? Колку ваквата перцепција содржана во извештаите на странските медиуми е реална и каде е Македонија во споредба со земјите од опкружувањето?

Се подмачкува од лулка до гроб. На Балканот корупцијата цвета подобро од кога и да е порано! „Законот на давање и примање“ е општо прифатен во сите слоеви на општеството. Вака неодамна дописникот на германската агенција ДПА ги воведува читателите во својот опширен текст, во кој ги опишува размерите на корупцијата во неколку земји од регионот: од Хрватска и Србија до Романија или Бугарија. За среќа или за несреќа, нашата земја не беше вклучена во анализата и само попатно се споменува на балканската „корупциска мапа“. Домашните познавачи на оваа материја, пак, тврдат дека Македонија не само што не е исклучок туку во некои сегменти дури и стои полошо отколку Србија, Хрватска, Романија или Бугарија.

Прочитај повеќе

Повеќе пари за судството

05.08.2010 Двојно повеќе средства до 2014 може да очекува македонското судство, најави премиерот со образложение дека на тој начин ќе се зголемат ресурсите, кадрите и опремата и ќе се придонесе за независно и ефикасно судство. Тоа дали ефектите од ваквиот потег ќе бидат правопропорционални со одлуката бара многу посериозна анализа, велат експертите, со оглед на долгогодишната позната состојба со македонското судство. Пари секогаш требаат, но на кој начин ќе се издвојуваат и каква политика стои зад тоа во наши услови се чини позначајно.

Прочитај повеќе