Вести - Транспаренси Интернешнл

Малите партии незадоволни од Законот за финансирање

24.09.2009 По месец и половина од примената на измените и дополнувањата на Законот за финансирање на политичките партии, на површина излегоа и првичните проблеми. Претставници на помалите политичките партии на работната средба со министерот за правда Михајло Маневски во врска со примената на Законот, најмногу забелешки упатија на обврската за објавување на извештаите во некој дневен весник и во „Службен весник“. Тие побараа да бидат ослободени од таа обврска бидејќи буџетите им се мали.

Прочитај повеќе

Корупцијата табу тема за бизнисмените

24.09.2009 Корупцијата во приватниот сектор многу малку е истражена, бидејќи македонските бизнисмени повеќе зборуваат за другата страна, отколку дали чесно и фер го водат својот бизнис.

Ова денеска го посочи претседателот на невладината „Транспарентност – Нулта корупција“, Слаѓана Тасева, презентирајќи го најновиот глобален извештај посветен на корупцијата во приватниот сектор.

Прочитај повеќе

Барометар на корупција за месец август 2009 г.

13.09.2009 Одлуката на Апелациониот суд во Скопје да ја укине пресудата со која ЕВН требаше да му плати на ЕЛЕМ 200 милиони евра е најбистар настан во август.

Тоа е речиси едногласна одлука на главните уредници на електронските и печатените медиуми кои учествуваа во анкетата Бистро – Матно на Новинската агенција Макфакс и на невладина организација „Транспарентност нулта корупција". За одлуката на Апелација гласаа 12 од вкупно 14 учесници во анкетата.

Матната страна на корупцијата во август речиси рамноправно ја одбележаа два настана. Одлуката на Министерството за внатрешни работи тендерот за набавка на маици за полицијата да го додели на маркетинг агенција е на прво место со 7 гласа.

Прочитај повеќе

Независното судство зависно од буџетски пари

09.09.2009 Секоја година се одвојуваат се' помалку пари од Буџетот за судовите во Македонија, со што се доведува во прашање независноста на судскиот систем во државата. Потребни се законски измени со кои ќе се одвојат најмалку 2 отсто од парите во Буџетот за да може да се изгради независна судска власт. Ова вчера го порача Јово Вангеловски, претседател на Врховниот суд на Македонија, на работната средба со претседателите на судовите, а на која беше присутен и министерот за правда Михајло Маневски. Тие разговараа за транспарентноста во работењето на судовите, за судењето во разумен рок и за начинот на финансирање на судовите.

Прочитај повеќе

Ќорсокак во Виена – загрозеноста на Конвенцијата на ОН против корупција

03.09.2009 Седум дена владини преговори во Виена не успеаја да ги решат разликите околу формирање на механизам за проверка на Конвенцијата на ОН против корупција (UNCAC). Неуспех на разговорите во Виена е голема пречка и предизвикува сериозен сомнеж врз можноста за ефективен механизам за испитување на спроведувањето на анти-корупциските обврски на самитот на 137 земји, која ќе се одржи во ноември.

Прочитај повеќе

Јавните информации зад седум катанци

02.09.2009 По три години од донесувањето на Законот за слободен пристап до информации институциите се уште се затворени за јавноста, покажуваат анализите на Комисијата за заштита на правото за слободен пристап до информации од јавен карактер. Експертите истакнуваат дека институциите, иако се должни, сепак вешто ги кријат информациите, па затоа ги потсетуваат дека доследно почитување на овој Закон треба да опфаќа и информирање на јавноста за секоја нова реклама, спот, за секој договор за рекламни услуги платени со буџетски пари. Исто така, посочуваат дека овој Закон ги обврзува сите јавни институции да назначат службеници чија должност е да ја дадат информацијата побарана од граѓанин, новинар, медиум, невладина организација или кој било субјект, а која се однесува на сите аспекти од работењето на институцијата. Законскиот рок за добивање информација од јавен карактер е 30 дена.

Прочитај повеќе

Најнетранспарентни образованието и државната власт

02.09.2009 Образовните и државните институции се најнетранспарентни, односно не го почитуваат законот за слободен пристап до информациите. Такви се барем податоците што вчера ги изнесе Државната комисија за заштита на слободниот пристап до информации од јавен карактер.

Прочитај повеќе

Професорите митаџии, студентите кукавици

31.08.2009 Македонските факултети се дават во корупција, но студентите се плашат да ги пријават поткупените професори, а надлежните молчат, тврдат неколку граѓански организации што ја истражувале оваа проблематика. Тие потсетуваат дека кај нас корупцијата е се уште табу тема, додека од светските медиуми одекнува скандалот за купување докторати на четири Универзитети во Германија, а неодамна јавноста ја потресе и акцијата „Индекс“ во Хрватска, во која беа уапсени стотина корумпирани професори.

Од организацијата „Транспарентност – нулта корупција“ посочуваат дека главна причина што не се пријавуваат случаите на поткупување на професорите е стравот на студентите дека тие ќе го откријат тоа и ќе им се одмаздат.

Прочитај повеќе

Законот за студентски правобранител да се донесе што поскоро

26.08.2009 Транспарентност Нулта корупција како и останатите невладини организации се согласни во едно : Корупција има, но ретко кој се решава гласно да проговори за неа.

Немањето на институција која ќе ги заштити студентите е само дел од причините зошто тие јавно не зборуваат за проблемите со кои се соочуваат во образовните лавиринти. Токму Проектот за антикорупциски мерки во образованието е иницијатор за донесување на Законот за студенстски правобранител. Од таму во специјална изјава за Антикорупција појаснуваат зошто на македонските студенти им е потребна ваква инститиција.

Прочитај повеќе

Митото оди преку пријателите на професорите

udripari 26.08.2009 Уплата на приватна жиро-сметка на професорот, плаќање на рака на негови блиски пријатели или негови асистенти, уплата во пошта или во банка со уплатница, на која пишува дека целта за која се уплаќаат парите е „донација за книга“… Ова се само некои од начините на кои студенти купуваат испити. Студенти што не сакаат да биде објавен нивниот идентитет ни зборуваа за ценовниците, за тоа колку ги чинеле испитите, како плаќале за нив. Но се плашат да ги кажат имињата на професорите, а уште повеќе да ги пријават во Министерството за внатрешни работи (МВР).

Тие самите признаваат: „Ние не сме жртви, еднакво сме одговорни за коруптивните дела колку што се и професорите и нивните посредници“.

Прочитај повеќе