Сведоштва за манипулации при исплата на годишниот регрес

 wb_logo.jpg
 
30.01.2015 Кога пред неколку месеци, вработени од една приватна компанија во сопственост на странски инвеститор, штрајкуваа и јавно се пожалија дека работодавецот не им ги исполнил ветувањата и им давал мали плати, со оправдување се јавија од менаџментот на компанијата. Кратко и јасно порачаа: „Дојдовме во Македонија да остваруваме профит“.
Сѐ беше кажано. Штрајкот експресно заврши, 19 вработени добија отказ, бидејќи се осмелиле и го кренале гласот, а другите и понатаму си продолжија да работат за 170 евра месечно.
Згора на сѐ, работодавците гордо се пофалија дека своите вработени ги плаќале повеќе од минималната плата во Македонија, и тоа дури за 20 евра! Значи, биле исклучително „дарежливи“!
А дарежливоста од државата, како да ја заборавија. Ослободени се од данок на добивка и од данок на додадена вредност во период од десет години. Добиваат помош за изградба на инфраструктура, поддршка за обука и усовршување на вработените, како и покривање на дел од трошоците за плати и придонеси.
 
 
 
Прочитај повеќе

Финансирањето на изборните кампањи со низа прекршувања на законите

13.01.2014 Јавното обвинителство ја отфрли кривичната пријава на ТИ-Македонија со прифаќање на факти кои не го исклучуваат туку го засилуваат сомнежот за незаконитост

За време на одржувањето на изборната кампања на претседателските и предвремените парламентарни избори во Република Македонија Транспаресни Интернешнл – Македонија (ТИ-М) презеде серија на активности, со цел расчистување на случајот со Јавно комунално претпријатие Прилеп, односно незаконско плаќање на трошоци за кампања 2014. Осoбeно по доставувањето на бараните информации од страна на јавните претпријатија како и за фактот дека одговорните лица од Општините можеа да бидат повикани на одговорност и казнети со казни од најмалку пет години.
Во конкретниот случај за ангажирањето на работниците на ЈКП “Комуналец” од Прилеп, јавното претпријатие изготвило фактура бр.216 од 04.04.2014 година, насловена на ОК на ВМРО ДПМНЕ од Прилеп, по која е извршено плаќање во готово за што е издадена на каса-прими бр.937/2014 од ЈКП Комуналец од Прилеп кон ОК на ВМРО ДПМНЕ Прилеп.

 

 

Прочитај повеќе

Платформа за антикорупција

platforma_za_antikorupcija_2.jpg

 

10.09.22014 година во Скопје, 15 граѓански организации ја основаа Платформата за антикорупција. Таа цели кон проактивно, динамично и оспособено граѓанско општество кое ќе игра значајна улога во борбата против корупцијата.

Платформата, преку заеднички реакции, ќе тежнее да биде коректив на состојбите, а ќе соработува и комуницира со сите засегнати страни вклучувајќи ги државните институции, политичките партии, бизнис заедницата и меѓународната заедница. Ќе ги следи и анализира правната рамка и актуелните јавни политики и активности за сузбивање на корупцијата, ќе иницира јавна дебата за квалитетот на законите и ќе иницира законски измени каде што е потребно. 

 

Прочитај повеќе

Индекс на Перцепција за Корупцијата за 2014

  cpi20114.jpg
03.12.2014 Корупцијата е проблем за сите економии и ова бара водечките финансиски центри во ЕУ и САД да соработуваат заедно со брзорастечките економии со цел да ги спречат корумпираните да се извлечат и да поминат неказнети, изјави денес групата за борба против корупцијата, Транспаренси Интернешнал.
Во 20-то издание на Индексот на Перцепција за Корупцијата, резултатите за Кина (со оцена 36 од 100), Турција (45) и Ангола (19) се со најголем пад од 4 или 5 поени и покрај просечниот економски раст за повеќе од 4% во последните четири години.
,,Индексот на Перцепција за Корупцијата за 2014 година, покажува дека економскиот пораст се потиснува и дека напорите да се запре корупцијата исчезнуваат кога лидерите и високите функционери ја злоупотребуваат својата моќ со цел да присвојат јавни средства за своја лична придобивка,” изјави Хозе Угаз, претседателот на Транспаренси Интернешнл.
 
 
 
 
 
 
 
 
Прочитај повеќе

Битолчани дишат на шкрги, властите го одлагаат решавањето на проблемот

 
19.tec.jpg11.2014 Иако во одредени делови од Пелагонискиот регион загадувањето на воздухот може да се види речиси и со голо око, многу често официјалните информации од надлежните институции не се совпаѓаат со затекнатите состојби на терен. Недоречената законска регулатива, нетранспарентните и „ненадлежни“ институции, се само дел од проблемите од субјективен карактер кои, барем кога се во прашање состојбите со животната средина, му стојат на патот на истражувачкото новинарство.

Истражувањето не успеа со сигурност да докаже дека еден од загадувачите на амбиентниот воздух во Битола е и РЕК „Битола“. Затоа пак не постојат никакви дилеми дека работењето на фабриката за шеќер „4.Ноември“ и на двете асфалтни бази на „Гранит“ и „Македонија пат“, се причина што воздухот во Битола е меѓу најзагадените во државата.

Многубројните мерења, анализи, мислења на експерти, лекари и други стручни лица и институции, покажуваат дека загадувањето на воздухот во Битола најмногу се должи на моторните возила кои ги немаат потребните стандарди за заштита на животната средина, како и на загревањето на домовите со дрва и јаглен.

 
 
Прочитај повеќе

Јавното здравство ќе колабира без работата на волонтерите

 ministerstvo_za_zdravstvo.jpg14.11.2014 Околу 2700 луѓе или 15 проценти од вкупно вработените во јавното здравство се волонтери. Станува збор за луѓе кои работат на исклучително одговорни работни места, како медицински сестри, болничари, лаборанти, таму каде што се спасуваат човечки животи. Некои од нив волонтираат по 10 до 15 години, за само 4500 денари во кои се предвидени трошоците за храна и превоз.

Според податоците од Фондот за здравствено осигурување во јавното здравство има вкупно 18 200 вработени, бројка која постојано варира бидејќи некои заминуваат, други одат во пензија. Испразнетите работни места во болниците тешко се пополнуваат бидејќи Министерството за финансии не одобрува средства, така што јавното здравство се потпира на волонтерите.

На овој начин македонското јавно здравство обезбедува луѓе кои го заменуваат кадарот. Армија луѓе кои веќе се докажале во својата професија бидејќи со години работат како медицински сестри, лаборанти, инструментарки во операциони сали, ренген техничари, болничари, работат за само 4500 денари месечен надомест со кои се покриваат само трошоците за храна и превоз. Како болничари тие транспортираат пациенти од внатрешноста до клиниките во Скопје, инструментарките се вклучени во комплицирани операции, медицински сестри даваат инфузии, лекови, инјекции, на пациентите им ставаат контрасни средства за време на снимање на апаратите за Комјутеризирана томографија и Магнетна резонанца.

 
 
Прочитај повеќе

Заспаната убавица и отровното јаболко

apples.jpg 10.11.2014 Преспа ја познавам од дете и покрај сите убавини со кои таа се опишува запаметив дека една од карактеристиките е и чистиот воздух. Доказ за тоа беше и Клиниката за белодробни заболувања изградена во Отешево во далечните седумдесетти години од минатиот век. Оваа убава асоцијација на Преспа со здравјето ми ја сруши една трагична случка.

Моја роднина на 42 години почина од рак на белите дробови. Докторот кај кој што ја имав однесено во Скопје ми ја соопшти фаталната прогноза. Го прашав како е можно релативно млад човек кој не е пушач и кој животот го минува во една од најубавите воздушни бањи во Македонија да има ваква дијагноза. Ми одговори дека, за жал, во Преспа имаа многу такви дијагнози. Негова претпоставка тогаш беше дека виновникот за бројните дијагнози на рак на белите дробови токму во тој регион се пестицидите кои масовно се користат во процесот на производството на славното преспанско јаболко. Тука започна и мојата љубопитност за фаталната чистота на преспанскиот воздух.

 
 
Прочитај повеќе

Основците учат како да се откажат од слободата!

 citizens.jpg

 

 

 

 

 

 

 

 

05.11.2014 Убаво стокмени корици со многу фотографии, примери и фино објаснета цел е првиот впечаток кога ќе го земете в раце учебникот по граѓанско образование за осмо одделение. Учениците, барем според описот во наставната програма, треба да научат како функционира современото општество, да учат за придобивките во областа на човековите права и слободи и нивната непосредна заштита.

Зборот „слобода“ дури и премногу често се спомнува во наставната програма по овој предмет – сето тоа со цел на 14-годишните идни академски граѓани да им се развие свеста што значи власта, но истовремено и што значи слободата, што значи моќта, но и како таа може да се злоупотреби.

И дотука сè е во ред, додека не стигнете до 14-та страница од учебникот, кога наидувате на дел кој во целост се коси со она што треба да значи „слобода на граѓанинот“.

Во лекцијата за „лојални граѓани“, меѓу другото, се вели дека „лојалните граѓани секогаш се подготвени да ги следат правилата и прописите во општеството и ПО ЦЕНА ДА МОРААТ ДА СЕ ОТКАЖАТ ОД СВОИТЕ СЛОБОДИ“!

 

 

Прочитај повеќе

Потпишана Декларација за слобода на медиумите

rt04112014-1.jpg 04.11.2014 Медиуми, невладини организации, други субјекти и поединци, потпишаа денеска Декларација за принципи за остварување на медиумската слобода во Република Македонија.
„Ние долупотпишаните претставници на медиумите и на невладиниот сектор сакаме да ја искажеме нашатa цврста определба за почитување и промовирање на принципиелни ставови во врска со медиумскиот сектор и потребата од негово реформирање, со крајна цел да се постигне посакуваната слобода на медиумите и правото на јавноста да биде информирана“ – се вели на почетокот на Декларацијата.
Документот го потпишаа шест медиуми, четири невладини организации, Самостојниот синдикат на новинари и медиусмки работници, една политичка партија и повеќе новинари поединци, како и други граѓани.
 
 
 
 
Прочитај повеќе

Покана

Потпишување на „Декларација за промовирање на принципиелни ставови за остварување на уставно и законски гарантираната слобода на медиумите во РМ”

03.11.2014 На 4 ноември 2014, во вторник, во хотелот Стоунбриџ во Скопје, со почеток од 11 часот, Transparency International Macedonia (ТИ – Македонија) има чест да Ве покани на потпишување на „Декларација за промовирање на принципиелни ставови за остварување на уставно и законски гарантираната слобода на медиумите во РМ”.


Оваа иницијатива е дел од проектот за поддршка на независни медиуми во РМ, што го спроведува Транспаренси Интернешнл-Македонија заедно со британската НВО ЕРИС, а е поддржан од Европската Унија, преку инструментот EIDHR.

 

 pdf deklaracija 209.15 Kb

 

 

 

Прочитај повеќе