Вести - Транспаренси Интернешнл

Случај: Нерегуларности во работењето на банкарскиот сектор во корист на поединци

18.11.2016 Она што Транспаренси Интернешнел во јануари оваа година го започна како случај Кубус в.с. Комерцијална Банка АД Скопје, во изминатиот период од 10 месеци прерасна во случај од кој можат да се согледаат многубројни неправилности во работењето на банкарскиот сектор. Анализите на Транспаренси Интернешнел Македонија, кои ги правиме во соработка со правните застапници и консултатнти на оштетените, покажаа дека:

• Станува збор за многубројни финансиски трансакции кои потекнуваат од кредити и позајмици;

• Во финансиските трансакции се вклучени поголем број на банки, компании и лица кои се деловно, сопственички и управувачки поврзани со банките;

Прочитај повеќе

9-ти декември Меѓународниот ден за борба против корупција

09.12.2016 Транспаренси Интернешнл – Македонија по повод 9-ти декември Меѓународниот ден за борба против корупција укажува дека борбата против корупцијата треба и понатаму да биде клучен приоритет на сите носители на политички функции, на институциите и на судството со цел да се надмине постоечката политичка криза предизвикана пред сѐ поради укажувањата за корупција.

„Слабото спроведување на антикорупциските закони, недостигот на владеењето на правото, ограничената институционална соработка, како и сериозните недостатоци во практиките на институциите во однос на независноста, транспарентноста, интегритетот и отчетноста“ се клучните проблеми наведени во Национален систем на интегритет – Оценка за Македонија, истражување кое беше спроведено од ТИ-Македонија. Меѓународната заедница во повеќе наврати апелираше дека токму непостоењето на политичка волја за справувањето со корупција во државата се покажа како значаен проблем кој може да ги доведе во прашање Евро-атлантските интеграции на државата.

Прочитај повеќе

Мониторинг на трошењата од буџетите и политичките партии во предизборниот и изборниот процес

05.12.2016 Траспаренси Интернешнл – Македонија, одржи прес-конференција на која ги презентираше наодите во врска со проектот „Мониторинг над трошењето од буџетите и политичките партии во предизборниот и изборниот процес финансиски поддржан од Амбасада на Кралството Холандија во Република Македонија.

Презентираните наоди се однесуваат за периодот од 21.11.2016 до 30.11.2016 година.

prezentacija_izborni_troshoci_21.11-30.12.2016 428.53 Kb.

Прочитај повеќе

Владите во Европа и Централна Азија прават малку за борбата против корупцијата

Новиот извештај на Транспаренси Интернешнл покажува дека луѓето се плашат да зборуваат за корупцијата

Берлин, 16 ноември 2016 година. Еден од тројца луѓе кои живеат во Европа и Централна Азија сметаат дека корупцијата е еден од најголемите проблеми со кои се соочува нивната земја, се вели во извештајот на Транспаренси Интернешнл објавен денес. Оваа бројка расте на двајца од секои тројца жители во Молдавија, Шпанија и Косово, покажувајќи дека се потребни итни дејствија против злоупотребата на моќта и тајните договори.

Речиси една третина од жителите на регионот веруваат дека нивната влада и законодавците се многу корумпирани, а мнозинството од луѓето велат дека нивните власти не прават доволно за да ја сузбијат корупцијата.

prezentacija_gcb_2016_-_ti_macedonia 907.62 Kb

najcesto_postavuvani_prasanja 78.52 Kb

Прочитај повеќе

Една година по донесувањето на Законот за заштита на укажувачите

14.11.2016 Законот за Заштита на укажувачите е донесен точно пред една година, но не се спроведува целосно во пракса. Институциите не им обезбедуваат заштита на вработените кои би сакале да пријават незаконско и неетичко однесување внатре во компанијата. Законот нема да заживее сè додека не се имплементира подеднакво од сите и подеднакво за сите, без никаква селективност и толеранција кон некои, изјави Слаѓана Тасева, претседател на „Транспаренси интернешнл“.

На денешната тркалезна маса, на која беа споделени искуствата од моментот на донесување на Законот до денес, беше укажано дека институциите мора да создадат соодветни услови, да го почитуваат Законот, а со тоа и да им дадат шанса на луѓето, односно на вработените да пријавуваат незаконско однесување.

Прочитај повеќе

Борбата против корупцијата не е успешна во земјите од Западен Балкан и Турција за пристапување воЕУ

Моќните елити и штетат на борбата против корупцијата во земјите од Западен Балкан и Турција кои пристапуваат кон ЕУ

10.11.2016 Берлин– Борбата против корупцијата во земјите од Западен Балкан и Турција не успева, ставајќи го членство во Европската унија во ризик. Политичките елити имаат преголема моќ и начините за остварување на одговорност на корумпираните се ограничени, според Транспаренси Интернешнл, глобалното движење за борба против корупцијата.

Новиот извештај Национален систем за интегритет во Западен Балкан и Турција: Приоритети за реформи ( http://bit.ly/2elTweW ), ги споредува наодите од седумте оценки на Национален систем за интегритет имплементирани од страна на Транспаренси Интернешнл ограноци и партнери во Албанија, Босна и Херцеговина, Косово, Македонија, Црна Гора, Србија и Турција. Се осврнува на тоа колку институциите ја исполнуваат својата цел во борба против корупцијата.

Прочитај повеќе

ДИК надлежностите и капацитетите за изготвување и ефективно одржување на Избирачкиот список

07.11.2016 Транспаренси интернешнл – Македонија го изработи Документот за јавни политики „ДРЖАВНА ИЗБОРНА КОМИСИЈА – Надлежностите и капацитетите за изготвување и ефективно одржување на Избирачкиот список“. Во документот се дава краток хронолошки осврт на проблемите во поглед на избирачкиот список во Република Македонија, анализирајќи ги законските измени во Изборниот законик, улогата и надлежностите на ДИК во поглед на Избирачкиот список, како и практичната примена на новите нормативни решенија. Анализата воедно посочува одредени препораки и предлози кои се однесуваат на неопходноста Република Македонија да обезбеди соодветни услови за остварување на избирачкото право на секој граѓанин токму преку организирање на легитимни избори и почитување на основните демократски вредности.

drzavna_izborna_komisiija_nis 1.19 Mb

Прочитај повеќе

Реакција на изјавата на Министерката за информатичко општество и администрација

Реакција на изјавата на Министерката за информатичко општество и администрација Марта Арсовска – Томовска дадена на прес конференција на 26.10.2016

27.10.2016 Транспаренси Интернешнел Македонија реагира на изјавата на Министерката за информатичко општество и администрација Марта Арсовска – Томовска дадена на прес конференција на 26.10.2016 година. Во неа таа вели дека согласно Законот за заштита на укажувачите административните службеници треба притисоците и уцените да ги пријавуваат согласно овој закон, прво во институцијата во која што работат, а доколку се исполнети законските претпоставки и во други надлежни институции, како што се Министерството за внатрешни работи, Јавното обвинителство, Државната комисија за спречување на корупцијата или Народниот правобранител.

Транспаренси Интернешнел Македонија напоменува дека иако постои законско решение за заштита на укажувачите, истото сè уште не се спроведува во практика поради тоа што надлежните институции сè уште немаат обезбедено услови за тоа, односно немаат назначено лице за примање на пријавите. Со таквото непостапување истите институции го оневозможуваат укажувањето и со тоа ги оневозможуваат намерите на потенцијалните укажувачи.

Прочитај повеќе

Реакција во врска со објавениот Конечен извештај на ДЗР за Министерството за образование и наука

26.10.2016 Транспаренси Интернешнел Македонија ги повикува надлежните инситуции да постапат по наодите од Конечниот извештај на овластениот државен ревизор за извршената ревизија на финансиските извештаи заедно со ревизија на усогласеност на Министерството за образование и наука на сметката на основниот буџет за 2015 година, според кој се констатирани бројни неправилности при вработување на лица и ненаменско трошење на јавните пари кои ова министерство ги имало на располагање.

Имајќи предвид дека Извештајот на Државниот завод за ревизија содржи основани сомневања за сторени неправилности кои во себе содржат обележја на одредени кривични дела, загрижувачки е тоа што надлежните институции сè уште не реагираат на нив.

Го повикуваме ДЗР согласно Законот за државната ревизија да го достави извештајот до Државната комисија за спречување на корупцијата и до ЈО на Р. Македонија со цел за нивно натамошно надлежно постапување.

Прочитај повеќе

Укажувач алармира за милионски криминал

Владата потроши над 4 милиони евра за да го загуби „Агроплод“?!

21.10.2016 Компанијата „Агроплод“ беше тема на јавен интерес кога се изврши нејзината приватизација во 2006 година. Владата на СДСМ ја продаде, а следната владејачка гарнитура на ВМРО-ДПМНЕ ја оспори и ја поништи продажбата. А потоа, наместо да ја задржи компанијата, потроши милиони од државниот буџет на меѓународен спор кој го доби, за на крајот повторно со договор да ја загуби. Новите детали, но и сомнежи за злоупотреби, во јавноста ги споделува „свиркач“ или укажувач, кој алармира за нелогичните бизнис-потези на владата, кои, пак, можат со себе да повлечат и кривична одговорност.

Странските инвестиции се адут во секој говор на лидерот на ВМРО-ДПМНЕ, Никола Груевски. Без разлика која и да е пригодата, тој не пропушта да најави нова „инвестиција“ од надвор, потенцирајќи го бројот на работните места што ќе се отворат.

Во трката да привлечат што е можно повеќе странски инвеститори, се оди и во минус, односно се чини повеќе пари се одлеваат за привлекување на инвеститорите во државата, отколку што тие го полнат државниот буџет. Па, така, државата им нуди даночни и царински ослободувања, инфраструктурна логистика и субвенции, за што се трошат милиони евра народни пари.

Странските инвеститори тријат раце од добрата заработувачка и од евтината работна сила, а владата си припишува заслуга за новоотворените работни места. Сите среќни и задоволни, освен народот, кој ги плаќа овие маркетиншки трикови.

Прочитај повеќе