„Транспаренси интернешенел“: Македонија нема напредок во борбата против корупцијата

ti 01.12.2008 БЕРЛИН – Македонија заедно со уште неколку земји во Југоисточна Европа нема постигнато значаен напредок во борбата против корупцијата, тврдат од меѓународниот секретаријат на „Транспаренси интернешенел“ во Берлин. Според програмскиот координатор за Европа, Корнелија Абел, промената на позицијата на земјава на листата на меѓународната организација не ја рефлектира реалната борба со корупцијата.
 
„Политичарите често повеќе внимание му посветуваат на местото на државата на листата, што не кажува многу. Напредокот се гледа во промената во пресметаниот индекс, кој доколку не надминува 0,4 индексни поени, нема значаен напредок во борбата против корупцијата“, вели Абел. Според неа, местоположбата на земјата на ранг-листата се менува поради други фактори, како што се неуспесите на други држави или, пак, додавање нови држави на листата.
 
Прочитај повеќе

Коалицијата одржа трибина во Штип

rtstip28112008 28.11.2008 Коалицијата ,,Македонија Нулта корупција,,  ја продолжи својата активност со одржување на трибина  во Штип. Целта на трибината е запознавање на граѓаните со  улогата  на Коалицијата, детектирање на проблемите на корупцијата, односно охрабрување и вклучување на граѓаните во борбарта против оваа појава,   како и   други проблеми со кои се соочуваат овие граѓани во  секојдневието на заедницата во која живеат.

На трибината учествуваа околу 30 претставници од разни невладини организации, локалната самоуправа,  медиуми, како и други учесници  од регионите на овие делови на Република  Македонија.

 

Прочитај повеќе

Законот на Маковеј ги плаши експертите

listeningdevice 27.11.2008 Се претвора ли Македонија во полициска држава во која секој за се' легално може да биде прислушуван или со измените на Законот за следењето на комуникациите државата само се обидува да биде поефикасна во борбата против организираниот криминал и корупцијата? Ова прашање вчера предизвика бурна дискусија меѓу македонските експерти од таа област со советничката на премиерот за прашања врзани со борбата со корупцијата, поранешната министерка за правда на Романија, Моника Маковеј, на тркалезна маса организирана од Хелсиншкиот комитет.

Експертите сметаат дека измените на Законот за следење на комуникациите беше донесен без јавна дискусија и без да се консултира стручната јавност, иако станува збор за закон кој навлегува длабоко во човековите права и слободи загарантирани во Уставот. Со измените се овозможи полицијата да ги применува специјалните истражни мерки и кога само се сомнева дека некој ќе стори кривично дело без за тоа да има ни основано сомневање.

Прочитај повеќе

Владата се фали седум дена по 24 часа

247vlada 14.11.2008 Јас бев анкетирана на улица. Никој не ми платил да зборувам добро или лошо за владината политика. Можев и да не одговорам,но не сум против анкети и сметам дека е добро секој да може да го каже своето мислење за определени прашања, вака познатата пејачка Калиопи Буклевска го објаснува своето појавување во еден од серијата спотови од кампањата „24 часа на ден/седум дена во неделата, преродбата продолжува“, што деновиве се „врти“ на програмите на електронските медиуми.Медиумите во последно време се преплавени со јавни личности што ја фалат Владата за тоа што и како сработила. Но, оние што се занимаваат со проблемот на корупцијата предупредуваат дека овој „феномен“ не може да се гледа само од аспект на нивното право да кажат што мислат и за тоа да добијат или да не добијат паричен надоместок.
 
Прочитај повеќе

Тркалезна маса:„Перманентен антикорупциски мониторинг на клучните приоритети во ЕУ-пристапен процес“

 ws12112008
  12.11.2008 Во организација на „Транспареност-нулта корупција“ денеска се одржа тркалезна маса на тема „Перманентен антикорупциски мониторинг на клучните приоритети во ЕУ-пристапниот процес“ на која беа соопштени состојбите од проектот за корупцијата во клучните сегметни на општественото живеење.

Проектот кој започна во јуни, а заврши во септември годинава, преку седум различни прашалници наменети за компетентни лица и фокусни групи имаше за цел да го формира мислењето околу клучните приоритети и услови кои Европската унија и ги постави на Македонија, како и нивната имплементација во земјава.

 
Прочитај повеќе

Барометар на корупција за месец октомври 2008

bistromatno 12.11.2008 Продолжувањето на праксата високи службеници и функционери од владините ресори да членуваат во управните и надзорните одбори на јавните институции е најматно во октомври, со седум гласа во анкетата „Бистро – Матно“.

Во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“, учествуваа 19 главни уредници во печатени и електронски медиуми во Македонија.

Во тек е постапка за утврдување дали е прекршен законот за спречување на корупција, со членството во одборите на шестмина службеници, што беше објавено во медиумите минатиот месец: Експертите предупредуваат на партизација.

 

Прочитај повеќе

Tl го поздравува нагласување на “антикорупцијата“ во новиот Извештај на ЕК

 ti

06.10.2008 Transparency International го поздравува новото нагласување на “антикорупцијата“ во новиот Извештај за напредокот на земјите за проширување во ЕУ оваа година кој што покрива осум земји. Transparency International ја поддржува целосната критична оценка од страна на Комисијата за нивоата на корупција во земјите кои што тежнеат за влез во Европската Унија, и нејзиното препознавање на слабиот напредок кој што бил направен во борбата против корупцијата.

 

“Малиот  забележан напредок во борбата против корупцијата поставува загрижувачки преседан, доведувајќи го прашањето за способноста на државните институции да постигнат суштински и постојани реформи во сите области“ –изјави Miklos Marschall Директор на Transparency International за Европа и Централна Азија.

 

Прочитај повеќе

ЕК – Македонија не ги исполни политичките критериуми

ec 05.10.2008 Македонија направи одреден прогрес, но не ги исполни политичките критериуми, се наведува во стратегијата за проширување што денеска ја објави Европската комисија.

Парламентарните избори во 2008 година не ги исполнија меѓународните стандарди, а препораките на ОБСЕ/ОДИХР треба да бидат целосно исполнети, се наведува како главна забелешка во документот на комисијата во Брисел.


Комисијата има забелешки и за недостигот на конструктивен политички дијалог меѓу главните политички партии и актери, што се одразува врз функционирањето на политичките институции, но додава дека сега се зголемени напорите за зајакнување на политичкиот дијалог.

 

Прочитај повеќе

13тата Интернационална Антикорупциска Конференција стартува на 30ти Октомври во Атина, Грција

13iacclogo 

 

 

 

 

 

 

29.10.2008 Додека светот се соочува со финансиски, енергетски кризи и кризи за храна и предизвици за владеење и одговорност за кој се зазема став, глобалната антикорупциска заедница се собира за 13тата Интернационална Антикорупциска Конференција која што почнува денес, 30ти Октомври 2008 во Атина.  

Под транспарентот : “ Глобална Транспарентност : Борба против корупцијата за долготрајна иднина“, годишната ИАК (Интернационална Антикорупциска Конференција) ќе ја испитува постојаноста како предизвик за владеење и улогата на корупцијата во некои критични реони: мир и сигурност, природни извори и енергетски сектор, климатски промени и  постојаната глобализација.

 

Прочитај повеќе

Коалицијата одржа трибини во Гостивар и Прилеп

rt15102008gost 20.10.2008 Коалицијата ,,Македонија Нулта корупција,,  ги почна своите првични активности со одржување на трибините  во Гостивар и Прилеп. Целта на овие трибини е запознавање на граѓаните со  улогата  на Коалицијата, детектирање на проблемите на корупцијата, односно охрабрување и вклучување на граѓаните во борбарта против оваа појава,   како и   други проблеми со кои се соочуваат овие граѓани во  секојдневието на заедницата во која живеат.

На трибините учествуваа околу 60 претставници од разни невладини организации, локалната самоуправа,  медиуми, како и други учесници  од регионите на овие делови на Република  Македонија.

 

 

Прочитај повеќе