Привремените објекти кријат можност за корупција

corruption_happens

06.11.2007 Повторното воведување на категоријата привремени објекти со последните предложени измени и дополнувања на Законот за градење создава непотребен извор на можна корупција. На тоа упатува и досегашното искуство, па оттаму не е препорачливо враќање на привремените објекти. Ова е ставот на Државната комисија за спречување на корупцијата, која откако го разгледа Предлог-законот за изменување и дополнување на Законот за градење, констатираше дека и покрај неговата современост, бидејќи во себе содржи начини за решавање на дел од проблемите од областа на градежништвото, сепак, неговата содржина не е приспособена на нашите прилики, што придонесува тој да создава можности за злоупотреба во практичната примена.
 

Прочитај повеќе

Мислење на ТНК за отуѓување на градежното земјиште лоцирано зад трговскиот центар Рамстор

31.10.2007 Во врска со дополнително добиените материјали од Министерството за транспорт и врски со кои се комплетира целокупната документација  која се однесува на постапката за јавното наддавање за отуѓување на градежното земјиште лоцирано зад трговскиот центар Рамстор, сопственост на Република Македонија, наменето за изградба на хотел, каде понудувачот ХЛХ МАЦ ЛЛП ДООЕЛ Скопје е избран…

Прочитај повеќе

Финансиска и Рамковна спогодба Македонија – ЕК

mac-euflag

30.10.2007 Македонија е прва земја во регионот што ќе ја потпише Финансиската спогодба со Европската Комисија (ЕК) со што ќе може да ги користи средствата од Инструментот за претпристапна помош (ИПА).

Ова го соопшти Секретаријатот за европски прашања по повод денешното потпишување на Финансиската и Рамковната спогодба меѓу македонската Влада и Европската Комисија

Прочитај повеќе

Судскиот совет избира 18 управни судии од 240 кандидати

swordwage

30.10.2007 Четиринаесетчлениот Судски совет вчера почна со изборот на 18 судии за новоформираниот Управен суд. Од списокот со над 240 пријавени кандидати, членовите во претпладневниот дел ја направија првата селекција во која се пласираа сите оние што ги исполнуваат условите и добиле најмалку пет гласа од членовите.
„Поминуваме на втората фаза од разгледување на листата. Треба да се изберат 18 судии, а за претседател дополнително ќе се распише оглас. Од потесниот круг кандидати ќе се гласа за секого одделно, а за избран судија ќе се смета оној што добил две-третини од гласовите, или 10 гласа.

Доколку се случи над 18 кандидати да имаат ист број гласови, ќе има нов круг на гласање“, објасни вчера претседателот на Судскиот совет, Бекир Исени. Тој вели дека на листата има квалитетни кандидати и се надева дека ќе изберат добри судии. По исцрпувањето на оваа точка, Судскиот совет денес ќе продолжи и со изборот на судии за Апелациониот суд во Гостивар.

Прочитај повеќе

Владата се повлече од продажбата на ТЕЦ Неготино

vlada

25.10.2007 Македонската влада нема да го потпише договорот за продажба нa ТЕЦ Неготино со конзорциумот Хач, кој победи на тендерот, бидејќи не ги исполнил сите услови.

Ваква одлука донесе Владата на последната седница, соопшти денеска вицепремиерот за економски прашања Зоран Ставревски, кој беше претседател на тендерската комисија за приватизација на ТЕЦ Неготино.

„Врз основа на извештајот на тендерската комисија и Mинистерството за економија констатирано е дека не се исполнети условите што Владата ги побара од прворангираниот конзорциум неопходни а склучување на договорот “, изјави Ставревски.

Тој појасни дека одлуката е донесена врз анализа на извештајот, во кој што биле наведени сите услови кои требало да ги исполни конзорциумот, но истите не биле доставени.

Прочитај повеќе

Дваесетина обвинители две и пол години со истечен мандат

jorm

25.10.2007  Дваесетина обвинители повеќе две и пол години работат со истечен мандат, зашто политичарите не можат да се договорат дали тие треба да бидат реизбрани или за тие места да може да конкурираат други лица.
Советот на јавните обвинители, на чие чело е обвинителот, пред десетина дена писмено побарал од Собранието да распише оглас за назначување обвинители, но до сега не е распишан.

Во Законот за јавното обвинителство од 2004 година, со кој се воведе траен мандат за обвинителите, пишува дека назначените обвинители ќе си ја вршат функцијата до истекот на мандатот, по што ќе бидат назначени на истите функции без ограничување на мандатот. Во Законот е нагласено дека постапката за назначување треба да почне шест месеци пред да истече мандатот.

Прочитај повеќе

Повторно блокиран изборот на „Семос“

tmobile

25.10.2007 Иако фирмата „Семос“ е првопласирана и при второто бодување на јавниот оглас за избор на најповолен понудувач што ќе изработи софтвер за услугата преносливост на броеви, повеќе од десет дена е блокирано потпишувањето на одлуката од надлежните во Агенцијата за електронски комуникации. Од „Семос“ стравуваат дека со ова повторно се прави обид да се одолжи спроведувањето на јавниот оглас под притисок на политички кругови, на кои не им се допаѓа тоа што еден од сопствениците на оваа фирма е и сопругата на претседателот Бранко Црвенковски.

Во Агенцијата за електронски комуникации велат дека нема каков било политички притисок, ниту обид за одолжување на јавниот оглас.

Прочитај повеќе

Компјутери ќе го одредуваат судијата

sudstvo

24.10.2007 Компјутерски ќе се „решава“ кој судија ќе суди некој случај, ако Собранието го усвои предлогот на законот за судска служба што го подготви Министерството за правда. Со овој закон судската администрација се издвојува од државната, а се уредува прашањето на платите на судските службеници, што беше причина за нивниот штрајк во мај годинава. Во Синдикатот велат дека законот не ја подобрува состојбите со платите.

 
– Со менување на статусот на судската администрација и воведување на информатичка технологија се подобруваат условите за работа што заедно со одлуката на Владата за зголемување на платите на администрацијата, сме на добар пат да добиеме ажурна, ефикасна и транспарентна судска администрација, како логистика на судиите и нивното независно и самостојно одлучување – вели Димитар Ѓеорѓиевски, директор на Државниот управен инспекторат во Министерството за правда.

Прочитај повеќе

Македонија со скок од 10 места

19.10.2007  Република Македонија остварила скок од 10 места, од 46. на 36. место на ранг-листата која "Репортери без граници" ја објавија завчера, а со која се мери слободата на печатот во 169 земји во светот за 2007 година. Со индекс од 11,50 Македонија останала меѓу првите 50 земји во светот каде што се и речиси…

Прочитај повеќе

Crown Agents за 7,5 млн. евра ќе ги зајакнува капацитетите на Царината

carina

18.10.2007  Царинската управа на Македонија дополнително ќе ги зајакнува своите капацитети со помош на консултантски услуги на специјализирана агенција.

Ова денеска во Скопје го соопшти министерот за финансии Трајко Славески, кој што во име на македонската Влада пред неколку дена потпишал договор со британската агенција Crown Agents.

„Договорот е вреден 7,5 милиони евра, а е потпишан за наредните 24 месеци“, рече Славески прецизирајќи дека износот ќе биде исплатен пропорционално од буџетите за 2007, 2008 и 2009 година.

Прочитај повеќе