Германците од РВЕ, фаворити за изградба на Чебрен и Галиште?

 hidrocentrala

20.03.2008 Стартува битката за изградба на хидроцентралите Чебрен и Галиште. Германците од РВЕ први лобисти на терен. Директно од Минхен дојдоа во Прилеп и Кавадарци, лично на локалните власти да им пренесат дека се сериозни за бизнисот тежок 500 милиони евра. Во бизнис круговите оваа компанија важи за владин фаворит. Потпретседателот на компанијата не крие дека за овој проект веќе разговарале со премиерот, вицепремиерот и претставник од ЕЛЕМ:

 
– Се надевам дека ќе биде прифатена бидејќи во минатите месеци напорно работевме за да направиме атрактивна понуда.

 

Прочитај повеќе

18 милиони евра ќе се потрошат за струјата што недостига

 dalnovod

 

 
19.03.2008 Дополнителни 18 милиони евра ќе се потрошат за да се набави дел од струјата што недостига. Избрани се четирите компании од каде ќе се купува енергијата.

Просечната цена е 86 евра за мегават час. Кој ќе го плати увозот, засега никој јавно не кажува. Ова е втор увоз за годинава.

 

Прочитај повеќе

Подмитени професори има, но нема кој да ги пријави

udripari

20.03.2008 Македонските факултети се дават во корупција, но проблемот е што студентите најчесто не го пријавуваат случај од страв за својата академска судбина. Една од причините што ја наведуваат се слабите институции и механизми за нивна заштита, затоа се плашат дека ќе имаат проблеми со другите професори, а со тоа ќе дојдат во ситуација да ја ризикуваат сопствената иднина. По зачестените апсења корумпирани функционери, каде што главен доказ се обележаните банкноти, професорите, посредниците и студентите се усовршуваат и воведуваат нови техники за трансакција на парите.

 

Прочитај повеќе

Се’ помалку атрактивно подмитувањето во Катастарот

katastar 19.03.2008 Реформите во Катастарот се движат во вистинска насока, смета мнозинството од анкетираните испитаници во истражувањето на јавното мислење што го спроведе агенцијата „БРИМА Галуп“ за потребите на Државниот завод за геодетски работи во текот на јануари и февруари годинава. Истражувањето покажува дека подготвеноста за подмитување во однос на 2006, кога 24 отсто од испитаниците се изјасниле дека се подготвени да подмитат службеник за да завршат работа во Катастарот, годинава таа е намалена и изнесува 17 отсто. Овие проценти претставуваат позитивен сигнал за понатамошно успешно реализирање на барањата на граѓаните без давање предност на личните интереси над интересите на заедницата.

 

Прочитај повеќе

Судството реформирано повеќе од 70 проценти

sudstvo 18.03.2008 Седумдесет проценти од реформите во судството, кои ни ги наложи Европската унија, ги исполнивме. Доколку работиме со забрзано темпо целосно ќе ги исполниме критериумите, вели Михајло Маневски, министерот за правда. – Ја исполнуваме владината програма, се трудиме да ги запазиме роковите и сигурен сум дека во целост ќе ги исполниме барањата на ЕУ што се однесуваат на овој сектор – истакна Маневски.

 
Оли Рен, еврокомесар за проширување на Европската унија, при последната посета на Македонија го донесе списокот задачи кои ќе треба да се сработат во судството.


Прочитај повеќе

Генерално добро, со одредени исклучоци

statedepartment

13.03.2008 ИЗВЕШТАЈ НА СТЕЈТ ДЕПАРТМЕНТОТ ЗА ЧОВЕКОВИТЕ ПРАВА ВО МАКЕДОНИЈА

Човековите права во Македонија, генерално, се почитуваат, со исклучок на некои области и случаи, е оценката која стои во Извештајот за човековите права за 2007 година, подготвен од американскиот Стејт департмент. Главни точки кои не ги задоволуваат светските стандарди се: прекумерната сила што ја користи полицијата, корупцијата во судството, министерствата за правда и за внатрешни работи, како и политичкиот притисок врз нив. Проблем, исто така, е и трговијата со луѓе и општествената дискриминација на етничките малцинства.

 

Прочитај повеќе

Барометар на корупција за месец Февруари 2008 г.

bistromatno

10.03.2008 „Тајниот“ реизбор на претседателката на Државната комисија за спречување на корупцијата (ДКСК), е најматен настан во февруари според анкетата во која гласаат главни уредници.

За февруари не беше избран позитивен настан во сферата на борбата на против корупцијата. Според критериумите на составувачите на анкетата немаше настан кој би можел да се најде на листата.

Во февруарската анкета „Бистро – Матно“ на Независната новинска агенција Макфакс и на невладината организација „Транспарентност – нулта корупција“ учествуваа главни уредници во 17 највлијателни печатени и електронски медиуми во Македонија.

 

Прочитај повеќе

Антикорупционерите во сенка на политиката

dksk2008

06.03.2008 Дали во Македонија има Државна комисија за спречување на корупцијата? Ова прашање го поставува стручната јавност која им сугерира на антикорупционерите да објаснат што работат и дали постигнаа некакви резултати за една година.

Антикорупциската комисија се изгуби во сенката на моќните политички центри, оценуваат експертите. Тие се убедени дека некој свесно се откажа од функционирањето на ова тело и дека тоа е направено со кумство на владејачката структура. Ова е поразително не само за ДКСК како институција, која по дефиниција би требало да биде независна, туку и за државата за која корупцијата е ништо повеќе од кампања.

 

Прочитај повеќе

Корупцијата во здравството – рак рана во општеството

stopcorruption 

05.03.2008 Корупцијата во здравството чини многу повеке отколку само пари. Големи средства исклучиво наменети за здравството, поради лавиринтот на сложени и матни зделки под владение на "подземните води на мафијата" никогаш не стигнуваат до вистинските корисници токму поради коруптивните дејства. Иако голем дел од здравствените работници одговорно си ги извршуваат своите надлежности, сепак бројни појави на подмитувања и измами се присутни токму во сферата на здравствените услуги. Почнуваќи од безначајни ситни кражби и изнудувања, па се до нелегални активности како средства за стекнување на голем, но валкан капитал.

 

Прочитај повеќе

CRO рангира 100 најдобри корпоративни граѓани за 2008 со нови и изменети критериуми

100-cro-logo

27.02.2008 Деветта година по ред, Корпоративната служба за одговорност ги рангира 100те најдобри Американски главни компании базирани на критериумот за корпоративни и социјални одговорности. Компаниите беа бодувани за 150 различни податоци и елементи во 8 категории. Секоја категорија беше важна за просечен тотален резултат. Категориите за Околина и Климатски промени беа оценувани како највисоки, додека новите категории како Лобирање беа оценети со најмали поени.

Оваа година, CRO измени нешто од неговата методологија за да го подобри испитувањето. CRO користеше само јавни извори “со теоријата дека транспарентноста е основниот принцип на професијата за службена одговорност”. Номинираните во 2008 вклучуваат само компании кој се во Russell 1000. Објавувачот на новите рангирања  беше  употребуван да стави најголем акцент на рангирањето за Околината, Социјалното и Раководењето. На крај, категорија Лобирање беше додадена, но без никаква важност бидејќи лобирањето само по себе не е неопходно добро или лошо.

 

Прочитај повеќе