Јавните информации зад седум катанци

plakatpi 02.09.2009 По три години од донесувањето на Законот за слободен пристап до информации институциите се уште се затворени за јавноста, покажуваат анализите на Комисијата за заштита на правото за слободен пристап до информации од јавен карактер. Експертите истакнуваат дека институциите, иако се должни, сепак вешто ги кријат информациите, па затоа ги потсетуваат дека доследно почитување на овој Закон треба да опфаќа и информирање на јавноста за секоја нова реклама, спот, за секој договор за рекламни услуги платени со буџетски пари. Исто така, посочуваат дека овој Закон ги обврзува сите јавни институции да назначат службеници чија должност е да ја дадат информацијата побарана од граѓанин, новинар, медиум, невладина организација или кој било субјект, а која се однесува на сите аспекти од работењето на институцијата. Законскиот рок за добивање информација од јавен карактер е 30 дена.
 
Прочитај повеќе

Најнетранспарентни образованието и државната власт

plakatpi
02.09.2009 Образовните и државните институции се најнетранспарентни, односно не го почитуваат законот за слободен пристап до информациите. Такви се барем податоците што вчера ги изнесе Државната комисија за заштита на слободниот пристап до информации од јавен карактер.
 
Прочитај повеќе

Професорите митаџии, студентите кукавици

corruption_happens 31.08.2009 Македонските факултети се дават во корупција, но студентите се плашат да ги пријават поткупените професори, а надлежните молчат, тврдат неколку граѓански организации што ја истражувале оваа проблематика. Тие потсетуваат дека кај нас корупцијата е се уште табу тема, додека од светските медиуми одекнува скандалот за купување докторати на четири Универзитети во Германија, а неодамна јавноста ја потресе и акцијата „Индекс“ во Хрватска, во која беа уапсени стотина корумпирани професори.
Од организацијата „Транспарентност – нулта корупција“ посочуваат дека главна причина што не се пријавуваат случаите на поткупување на професорите е стравот на студентите дека тие ќе го откријат тоа и ќе им се одмаздат.
 
Прочитај повеќе

Законот за студентски правобранител да се донесе што поскоро

 ukim
26.08.2009 Транспарентност Нулта корупција како и останатите невладини организации се согласни во едно : Корупција има, но ретко кој се решава гласно да проговори за неа.

Немањето на институција која ќе ги заштити студентите е само дел од причините зошто тие јавно не зборуваат за проблемите со кои се соочуваат во образовните лавиринти. Токму Проектот за антикорупциски мерки во образованието е иницијатор за донесување на Законот за студенстски правобранител. Од таму во специјална изјава за Антикорупција појаснуваат зошто на македонските студенти им е потребна ваква инститиција.

 

 

Прочитај повеќе

Митото оди преку пријателите на професорите

udripari 26.08.2009 Уплата на приватна жиро-сметка на професорот, плаќање на рака на негови блиски пријатели или негови асистенти, уплата во пошта или во банка со уплатница, на која пишува дека целта за која се уплаќаат парите е „донација за книга“… Ова се само некои од начините на кои студенти купуваат испити. Студенти што не сакаат да биде објавен нивниот идентитет ни зборуваа за ценовниците, за тоа колку ги чинеле испитите, како плаќале за нив. Но се плашат да ги кажат имињата на професорите, а уште повеќе да ги пријават во Министерството за внатрешни работи (МВР).

Тие самите признаваат: „Ние не сме жртви, еднакво сме одговорни за коруптивните дела колку што се и професорите и нивните посредници“.

 

Прочитај повеќе

Корупцијата во високото образование табу тема во Македонија

Транспарентност – Нулта корупција: Корупција има, но нема кој да ја пријави

 

25.08.2009 Во врска со вчерашната вест објавена на веб порталот Кирилица ( http://antikorupcija.kirilica.com.mk/antik.asp?id=30489 ) , која одекна како скандал во сите светски медиуми, за купување на Докторати на четири Универзитети во Германија, побаравме мислење од Транспарентност Нулта корупција, до каде се наоѓа Македонија во лоцирање и санкционирање на појавите на корупција во високото образование.

Според Транспарентност Нулта корупција во Македонија за жал корупцијата во образованието се уште претставува табу тема. Иако постои висок степен на перцепција за корупцијата, активностите и борбата за незјино сузбивање според нив се многу мали или подобро кажано невидливи или осетливи.

 

 

 

 

Прочитај повеќе

Ќе се зголеми транспарентноста на судовите кон граѓаните

sud-vnatre

25.08.2009 Транспарентноста во работењето на судовите, односно поголемата комуникација на овие институции со граѓаните, може да ги врати авторитетот, достоинството и угледот на судскиот систем, беше заклучокот од работната средба на претседателите на сите судови во државава.

 


 

Прочитај повеќе

Барометар на корупција за месец јули 2009 г.

bistromatno 09.08.2009 Гафот што претседателскиот кабинет го направи во врска со (не)помилувањето на поранешниот директор на ЕСМ, Ламбе Арнаудов е најматен настан во јули со 12 гласа.

Ова е резултатот од анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“, во која учествуваа 16 главни уредници на печатени и електронски медиуми во Македонија.

 

Прочитај повеќе

Финансирањето на партиите помина за неколку секунди

sobranie
29.07.2009 Пратениците не поднесоа ниту еден амандман на измените на Законот за финансирање на политичките партии, па финалната верзија вчера беше верификувана во Собранието без никаква дебата и само за неколку секунди. Поддршка на ова законско решение, што го предложи министерот за правда, Михајло Маневски, дадоа и власта и опозицијата, кои покажаа дека немаат проблем со консензусот кога се во прашање партиските донатори. Законот беше донесен со 68 гласа „за“, а немаше ниту еден против или воздржан.
 
Прочитај повеќе

Митото и корупцијата во сите пори на општеството

udripari 21.07.2009 Цариници, полицајци, високи државни службеници, директори, доктори, адвокати, професори, сегашни и поранешни градоначалници и годинава паднале во рацете на МВР откако не останале рамнодушни на мирисот на банкнотата, па за да си ја завршат должноста побарале дополнителна мотивација и „финансиска инјекција“. Да не бидат само тие оцрнети се погрижиле и неколку наши и странски државјани, кои пак убедени оти „парата го врти светот“ се обиделе моќта на банкнотата да ја искористат за да си ги решат проблемите, па понудиле поткуп.

Според статистичките податоци на МВР, во првата половина од годинава биле откриени за дваесет и пет отсто повеќе дела на примање и давање поткуп, односно вкупно 25 дела од кои во 15 случаи бил даден поткуп, седум пати парите биле употребени во спротивна насока – бил земен поткуп, а три пати било откриено и противзаконско посредување. Годинава биле откриени и четири случаи на перење пари каде што 22 лица што добиле кривични пријави испрале 170 милиони денари.

 
 
Прочитај повеќе