Вести - Транспаренси Интернешнл

Повеќе пари за судството

05.08.2010 Двојно повеќе средства до 2014 може да очекува македонското судство, најави премиерот со образложение дека на тој начин ќе се зголемат ресурсите, кадрите и опремата и ќе се придонесе за независно и ефикасно судство. Тоа дали ефектите од ваквиот потег ќе бидат правопропорционални со одлуката бара многу посериозна анализа, велат експертите, со оглед на долгогодишната позната состојба со македонското судство. Пари секогаш требаат, но на кој начин ќе се издвојуваат и каква политика стои зад тоа во наши услови се чини позначајно.

Прочитај повеќе

Државата не смее да им плаќа членарина на партиите

24.07.2010 Директорите на ВМРО-ДПМНЕ молчат, институциите си ја префрлаат одговорноста за тоа кој треба да испита дали има незаконитост во работата на државните агенции, фондови, управи и инспекторати, преку кои нивни функционери и вработени уплаќале членарина во владејачката партија.

Треба да се утврди дали уплатите се вршени од жиро-сметката на институцијата или од личната сметка на функционерите, велат упатените.

Прочитај повеќе

Публикација “Финансирање на политички кампањи”

19.07.2010 Во рамки на проектот "Подобрување на изборниот систем во Република Македонија", "Транспарентност-Нулта Корупција" ја издаде публикацијата "Финансирање на политички кампањи". Проектот беше поддржан од Амбасадата на Кралството Норвешка. finansiranje_na_politicki_kampanji 780.57 Kb

Прочитај повеќе

Барометар на корупција за месец јуни 2010 г.

19.07.2010 Најматен настан во јуни е Владата ќе вработи партиски членови, а најбистар најавеното поднесување на прекршочни пријави од Државната комисија за спречување на корупцијата за 40 функционери кои не доставиле изјави за спречување на судир на интереси, покажа последната анкета Бистро-Матно на новинската агенција Макфакс и невладината Транспарентност нулта корупција.

Прочитај повеќе

Службениците кои вршат две функции мудро си молчат

rt_dksks15072010.jsp.jpg 15.07.2010 Судирот на интереси во рамките на локалната власт станува се помасовна појава. Државната изборна комисија за спречување на корупција веќе постапуваше по неколку предмети, но службениците кои вршат две функции истовремено, не сакаат да се откажат од она што им го нудат функциите, повeќето од нив мудро си молчат.

Прочитај повеќе

Владата игнорира судир на интереси

01.07.2010 Игнорирањето на препораките од Државната комисија за спречување на корупцијата е доказ дека Владата само декларативно се бори Со корупцијата, а во суштина ја поддржува, велат експертите. По смената на раководството на Државната комисија за спречување на корупцијата, од Комисијата дојдоа неколку препораки за разрешување владини функционери поради злоупотреба на функцијата и поради кумулација на неколку функции кај еден функционер, но Владата ги игнорира овие препораки.

Прочитај повеќе

Антикорупционерите без плати?

29.06.2010 На Државната комисија за спречување на корупцијата со ребалансот и е скратен буџетот за околу 100.000 евра, токму во период кога државата треба да ја интензивира борбата со корупцијата, што е еден од битните реформски процеси кои треба да ги исполни Македонија на патот кон ЕУ. Претседателот на Комисијата, Илми Селами, предупредува дека со намалувањето на буџетот за околу 30 отсто сериозно е попречено нејзиното нормално функционирање, за вистински да се справува со корупцијата во државата. Селами апелира до владините институции да ја почитуваат Конвенцијата на Обединетите нации, каде што во членот 6 се вели дека на ваквите специјализирани тела, кои се борат против корупцијата, првенствено треба да им се овозможат соодветни услови за работа.

Прочитај повеќе

Барометар на корупција за месец мај 2010 г.

28.06.2010 Најматен настан во мај годинава е „Дали полицијата може да прислушува без налог“, а најбистар е „Инспектори и доктор во притвор поради поткуп“, покажаа резултатите од последната анкета Бистро-Матно на новинската агенција Макфакс и невладината Транспарентност нулта корупција.
Најматен настан во мај, според гласовите на 14 од вкупно 17 уредници на печатени и електронски медиуми се предложените измени на законот за електронски комуникации, според кои МВР ќе може да ги следи и прислушува сите луѓе во државава без налог од суд. Опозицијата предупреди дека согласно законот за следење на комуникации секој оператор мора да избере овластено лице кое ја врши оваа работа. Со ова де факто прислушувањето ќе се легализира не со закон предвиден за следење на комуникации туку ќе се прошири опфатот и опсегот на досега невидено ниво.

Прочитај повеќе

Корупцијата најзастапена во правосудството, администрацијата и царината

18.06.2010 „Од согледувањата од аналитиката, корупцијата најмногу се појавува во правосудството, царината и администрацијата, но сепак ја има во сите области и тоа е загрижувачки“, изјави денеска претседателот на Антикорупциската комисија, Илми Селами.
На третата годишна конференција за оценка на остварувањето на Државната програма за превенција и репресија на корупција, која што се одржа денеска во Скопје беше заклучено дека е потребно да се анимираат сите чинители во државата и општеството и активно да се вклучат во процесот на борбата против корупцијата.
Селами рече дека е потребно отварање на широк фронт против корупцијата за борбата да биде успешна.

Прочитај повеќе

Известување до медиумите во врска со поднесена претставка од Г-дин Ванчо Каргов

На 14.06 2010 до Транспарентност – Нулта Корупција со Претставка се обрати господинот Ванчо Каргов.
Транспарентност – Нулта Корупција, при постапувањето по Претставки работи непристрасно и сеопфатно, имајќи увид во рамките на доставени документи и релевантните извори на право во Република Македонија.

Од Претставката и приложената документацијата што беше доставена, видливо е дека:

Причина за поднесената претставка, се наводите во Известување добиено од Државната комисија за спречување на корупција (ДКСК), за кои најпрвин дознал од медиумите и кои според негово видување не се соодветни за ситуацијата во која се затекнал, со барање да му биде презентиран нашиот став во врска со истото.
Што се однесува до Известувањето на ДКСК доставено до господинот Ванчо Каргов, истото не содржи доволно податоци кои ја оправдуваат и прават разбирлива примената на во него посочените одредби од Закон за спречување на корупцијата (ЗСК) и Закон за спречување на судир на интереси (ЗССИ) за конкретниот случај, односно истото не е соодветно образложено и релевантно аргументирано.

Прочитај повеќе