Вести - Транспаренси Интернешнл

Петта Конференција на Конвенција на ОН за борба против корупција 25-29.11.2013 година

26.09.2013 Што претставува 5-та Конференција на државите членки на Конвенција на Oбединетите нации за борба против корупција и зошто е важна?
Претставниците од 167 држави членки на Конвенција на Обединетите нации за борба против корупција (UNCAC) ќе се состанат во Панама Сити во Ноември на 5-та Конференција на UNCAC. Овој самит кој се одржува на секои две години е главна глобална можност за проверка на прогресот под Конвенција на обединетите нации за борба против корупција и за здружени заеднички напори против корупцијата.

Преку илјада државни службеници се очекуваат да присуствуваат, заедно со претставниците од меѓувладините агенции и граѓанско општествени организации (CSO). Секретаријатот за UNCAC COSP е канцеларијата за дрога и криминал на обединетите нации (UNODC).

Прочитај повеќе

Отворено писмо до Претседателот на Собранието на РМ

17.09.2013 Здружението Transparency International – Macedonia Ве информира дека до Собранието на Република Македонија побаравме информација од јавен карактер во врска со исполнетоста на формалните услови за избор на член на Државната комисија за спречување на корупцијата, од страна на госпоѓата Љубинка Корабовска, член од составот избран на 06.04.2011 година.
Поради нецелосна информација во одговорот по Барањето поведовме жалбена постапка пред Комисијата за заштита на правото за слободен пристап до информации од јавен карактер. Комисијата на 12.07.2013 година (број 07-27) го врати предметот до имателот на информации (Собранието на Република Македонија) на повторно постапување со конкретна насока дека бараната информација е од јавен карактер.

otvoreno_pismo 801.33 Kb

resenie_komspi 1.12 Mb

baranje 664.18 Kb

Прочитај повеќе

Отворено писмо до Претседателот на Собранието на РМ

otvoreno_pismo 801.33 Kb

resenie_komspi 1.12 Mb

baranje 664.18 Kb

Прочитај повеќе

Околу 60 милиони евра за „Скопје 2014“ биле потрошени незаконски

12.08.2013 Околу 60 милиони евра, колку што се дадени за споменици и други објекти што ги градела општина Центар од 2007 до 2013 година, биле потрошени незаконски – констатирала Комисијата за ревизија на дел од проектот

Станува збор за првични наоди на Комисијата составена од Слаѓана Тасева и Драган Малиновски која во изминатите три месеци ја контролираше документацијата за изградбата на споменици и други објекти во општината, во период додека со нејзе раководеше претходниот градоначалник Владимир Тодоровиќ, а мнозинството во Советот беше од ВМРО ДПМНЕ.

„Во периодот од 2007 до 2013 година, за изведбата на спомениците и пропратните содржини од централниот буџет се префрлени на сметката на Општина Центар вкупно 3.551.068.000,00 денари или 58.023.986,00 евра, за кои нема законска оправданост“ – оценила Комисијата.

Во овој прв дел од работата на комисијата била анализирана правната рамка и процедурите по кои постапувала Општината, при што „комисијата воопшто нема дилеми“ дека се постапувало надвор од законите и дека општина Центар практично немала надлежност да постапува во овој тип споменци и да гради објекти на река Вардар.

Прочитај повеќе

Работилница во Тетово тема: „Граѓаните во борба против корупцијата“

10.07.2013 На ден 10.07.2013 година во Тетово Transparency International – Macedonia одржа Работилница на тема: „Граѓаните во борба против корупцијата.“ На настанот беа поканети НЕ Мариет Шурман (Marriët Schuurman) Амбасадор на Кралството Холандија во Република Македонија, Градоначалникот на Општина Тетово д-р Теута Арифи, Судии на Основен суд Тетово, Адвокати, Началникот на СВР Тетово, нотари, претставници на граѓанскиот сектор и други одговорни лица од институциите на локално и регионално ниво.
Работилницата со воведно обраќање ја отвори д-р Слаѓана Тасева Претседател на Transparency International – Macedonia по што на присутните им се обратија градоначалникот на Општина Тетово д-р Теута Арифи и НЕ Амбасадор на Кралството Холандија во Република Македонија г-ѓа Мариет Шурман (Marriët Schuurman) .

Прочитај повеќе

Соопштение

16.07.2013 Здружението Transparency International – Macedonia Ве информира дека на 08.07.2013 година пред Уставниот Суд на Република Македонија поднесе Иницијатива со која го бара Судот да ја разгледа согласноста на одредбата од членот 37 став 1 точка 6 од Законот за патните исправи на државјаните на Република Македонија со членот 27 од Уставот на Република Македонија.

Иницијативата ја поднесовме откако беа разгледани повеќе пријави од граѓани со сомнеж за селективно спроведување на законската одредба од страна на службени лица на гранични премини на Република Македонија.

Според Уставот на Република Македонија граѓаните можат слободно да ја напуштат и да се вратат на територијата на државата.

Одземањето на патните исправи поради тоа што граѓанинот бил депортиран од странска држава не може да биде оправдано со ниеден од со Уставот точно определените случаи и околности.

Прочитај повеќе

Купување влијание: Парите и политиката во Република Македонија

11.07.2013 Во Република Македонија постои слаба правна рамка и уште послаба практика во обезбедување на веродостојноста на финансиските извештаи на политичките субјекти кои учествуваат во изборите. Едновремено постои многу добра правна основа но изразено слаба примена на одредбите кои се однесуваат на транспарентноста и на државниот надзор над финансирањето на политиката за време на избори.

За проектот
Во период од три години (2010 – 2013) Транспаренси Интернешнл – Македонија во рамки на проектот КРИНИС – “Осветлување на парите во политиката” спроведе две истражувања и низа други активности насочени кон подигање на свеста, подобрување на легислативата и практиката во однос на транспарентноста на парите во политиката. Целта на овој проект беше да се постигне повисок степен на транспарентност и институционални промени преку вклучување на сите клучни засегнати страни и преку вреднување на практиките кои се спроведуваат при политичките финансирања.
Проектот се реализираше преку методологија утврдена од страна на Транспаренси Интернешнел, позната како Кринис методологија, која што вклучува следење на два различни вида на политичко финансирање и тоа: редовното финансирање на политичките партии и финансирањето на изборна кампања за парламентарни или претседателски избори.
Резултатите од првото истражувањето ги презентиравме во 2011 година, а резултатите презентирани во публикацијата: “Купување влијание: Парите и политиката во Република Македонија”, се однесуваат само на транспарентноста на финансирањето на политичките партии за изборната кампања на вонредните парламентарни избори во 2011 година.

kupuvanja_vlijanie_-_parite_i_politikata_vo_rm 1.41 Mb

Прочитај повеќе

Давањето поткуп сеуште е многу високо распространето низ светот, но луѓето се спремни да се борат

09.07.2013 Повеќе од едно лице од двајца мислат дека корупцијата се има влошено во последниве две години, според светското најголемо истражување за јавното мислење за корупцијта на Transparency International. Но испитаниците во истражувањето исто така цврсто веруваат дека мажат да направат промена и имаат желба да преземат акција против покупот.

Барометарот на глобална корупција 2013 е истражување кое е спроведено од 114,000 граѓани во 107 држави и ја покажува корупцијата широко распространета низ светот. 27 % од испитаниците дале поткуп кога имале пристап до јавните сервиси и институции во последните 12 месеци, откривајќи дека нема подобрување од претходното истражување.

Сеуште, приближно девет од 10 лица од истражувањето кажуваат дека тие би реагирале против корупцијата и додека две третини од нив кои биле прашани да дадат поткуп одбиле, сугерирајќи дека владата, граѓанскиот и бизнис секторот треба да направат повеќе за да ги ангажираат луѓето во борбата против корупција. Во Македонија податоците говорат дека 82% од испитаниците се спремни да се борат против корупцијата.

gcb_2013_presentation_ 1.85 Mb

Прочитај повеќе

“Граѓаните во борба против корупцијата” – тркалезна маса во Штип

26.06.2013 Транспаренси Интернешнл – Македонија организираше тркалезна маса на тема: “Граѓаните во борба против корупцијата” која се одржа на 26.06.2013 година во Штип, во Хотел Оаза.
Воведно обраќање на настанот имаше Д-р Слаѓана Тасева, Претседател на Транспаренси Интернешнл – Македонија, како и Градоначалникот на Општина Штип М-р Илчо Захариев. Потоа следеше презентација за досегашната работа на Центрите за совети и правна помош во изминатите 10 месеци, каде со посебен осврт се истакна имплементацијата на бесплатни телефонски линии за пријавување на корупција и имплементација на Законот за јавна внатрешна контрола.
Присутните граѓани во текот на дискусијата ги нагласија проблемите со корупција во правосудството и работата во управните органи.
Од тука произлезе и заклучокот дека граѓаните во борбата против корупцијата сè повеќе се вклучуваат самоиницијативно, но помошта ја бараат од канцелариите на „Транспаренси интернешнл“ – Македонија.

– Анализите говорат дека македонските граѓани сè повеќе ни веруваат и наместо кај Антикорупциската комисија, претставки доставуваат до нашите канцеларии, вели Слаѓана Тасева, претседател на „Транспаренси интернешнал" – Македонија.

Прочитај повеќе

Пријави за 26 судии кои прикриле имот

28.06.2013 Дваесет и шест судии досега добиле прекршочни пријави затоа што прикриле имот. Носителите на јавните функции во судството до Државната комисија за спречување корупција дале непотполни податоци во анкетните листови и не пријавиле промена на имотната состојба, поради што било поднесено барање за испитување на имотната состојба до Управата за јавни приходи. Станува збор за состојба која е утврдена во 2011 година, кога финансиската состојба на судиите беше на агендата на проверките на Антикорупциската комисија. Вакви проверки минатата година антикорупционерите правеа и за сите градоначалници во земјава. Според најавите, веќе идната недела на маса кај антикорупционерите треба да се најдат и финансиските извештаи на партиите што учествуваа на последните локални избори во земјава.

Прочитај повеќе