Вести

09.04.2008 Се повеќе граѓани се жалат до Државната комисија за спречување корупција за работата на правосудните органи. Минатата година се доставени 365 поплаки од оваа област, стои во последниот извештај на Комисијата. – Во континуитет се зголемува незадоволството кај граѓаните. Во 2006 година имало 212 претставки, а во 2005 година 125, што претставува значително зголемување; пишува во годишниот извештај. Во врска со овие предмети, тие поднеле три иницијативи за утврдување одговорност на носители на правосудна функција, а во 13 случаи предметите се проследени на понатамошно постапување на други органи.

03.04.2008 Германските обвинители истражуваат дали инженерската групација Сименс платила милиони долари, прикриени пари, за да го покрие подмитувањето што го користела за да добие бизнис зделки, изјави еден весник. Неколку осомничени го искажаа ова тврдење на обвинителите, изјави Sueddeutsche Zeitung во средата без да го даде изворот за оваа информација.

 Проверуваме дали постојат криминални факти. – портпаролот на Минхенската обвинителна канцеларија изјави како одговор на извештајот, одбивајќи да образложува.

03.04.2008 Од планираните 156 закони, колку што минатата година требаше да бидат усогласени со европската легислатива, Македонија усвои 126, односно малку повеќе од 80 отсто, што претставува добар процент на хармонизација на македонското со европското законодавство, истакна министерот за правда, Михајло Маневски, на научната расправа „Методи на хармонизација на националното законодавство со правото на ЕУ“ во МАНУ. „Од страна на Европската комисија беше потенцирано дека шесте политички и двата економски приоритета се главните определници на Македонија за добивање датум за преговори. Тие се однесуваат на обезбедување соодветно спроведување на обврските од Спогодбата за стабилизација и асоцијација, натамошно зајакнување на независноста на правосудскиот систем, борбата против корупцијата и создавање деловна клима, зајакнување на независноста на регулаторните тела и забрзување на правните постапки и на продолжување на регистрацијата на имотните права“, рече министерот Маневски.

01.04.2008 Одборот на Европскиот Парламент во вторникот се јави за мандатен регистер и законик за управување на претставниците од индустријата кој ги советуваат функционерите за законодавството на Европската Унија.

Критичарите велат дека 15000 лобисти во Брисел имаат премногу колебања во планирањето на законите на Европската Унија, на случаи од рангирање на црни листи со лоши хемикалии до поставување заштитни филтри за испуштање на јаглероден диоксид и носење на нови закони за застапницисте на овие услуги.

Ваквите мерки може да имаат голем финансиски удар врз компаниите со кој се соработува, односно земјите од 27 националниот блок.

02.04.2008 Управата за јавни приходи исплатувала награди во пари за дел од вработените од Регионалната дирекција во Скопје и Битола во тек на изборна кампања, констатирал Државниот завод за ревизија во извештајот за 2006 година. Станува збор за 1,6 милион денари, од кои 899.000 денари биле исплатени во тек на изборна кампања. ДЗР предупредува дека тоа е спротивно на одредбите од Законот за спречување на корупцијата каде што е пропишана забрана за вршење какви било вонредни исплати на плати, пензии, помош…

01.04.2008 Сојузот на студентите ќе подели 10.000 летоци по факултетите и по студентските домови за да ги поттикне студентите да пријавуваат случаи на корупција во високото образование на специјалниот телефонски број 32 21 350, кој го отвори неодамна. – Засега немаме добиено пријави за корупција зашто студентите се уште не се доволно информирани за овој број. Подготвивме промотивна кампања за да ги информираме студентите каде може да ги пријават случаите на корупција – изјави Самоил Малчески, претседател на ССУКМ. Исто таков телефонски број отвори претходно и Министерството за образование, но без резултат. На овој број долго време никој не одговараше и не беше пријавен ниту еден случај.

29.03.2008 Владата го одложи рокот за доставување на финансиските понудите за ХЕ „Чебрен“ и „Галиште“. Наместо до вчера, како што беше најавено, компаниите кои влегоа во тесниот круг за добивање на тендерот за изградба на двете хидроелектрани, ќе можат да ги претстават своите понуди за финансирање уште еден месец, односно до 30 април, најдоцна до 10 часот, по што ќе следува нивно отворање.

Оваа одлука Владата ја донесе завчера, на вонредна седница во доцните попладневни часови. Тоа е направено по барање на дел од квалификуваните понудувачи, се вели во официјалното соопштение на Владата, а во насока за поголема транспарентност на целата постапка и подобар квалитет на изготвувањето на понудите.

29.03.2008 Опаѓа довербата во сите институции во државата, а спласнува и оптимизмот на граѓаните. Најголема е недовербата во парламентот, претседателот на државата и Владата. Заканата е засилена со намалената доверба во политичките партии, како и помалата доверба во судството, армијата и полицијата, локалната самоуправа и банките. Ова се само некои од перцепциите за политичката ситуација во Македонија што можат да се извлечат како заклучоци од извештајот „Граѓански засновани анализи“ подготвен од БРИМА Галуп за потребите на УНДП, а презентирани вчера во Скопје. До овие сознанија е дојдено со теренска анкета, при што во периодот од 8 до 17 декември 2007 година биле интервјуирани 1.309 лица.

28.03.2008 Антикорупциската комисија да провери дали има судир на интереси во случајот на државниот секретар во Министерството за образование, Перо Стојановски, кој работел во „Акцент компјутери“, подизведувач на тендерот за набавка на 100.000 компјутери за училиштата, велат од двете невладини организации со предзнакот „Транспарентност“, кои ги следат случаите на корупција. Тие тврдат дека не се запознаени со случајот, но велат дека во вакви околности комисијата мора да ги расчисти сите сомнежи. – Комисијата да провери дали тој имал можност да влијае врз изборот на компанијата. Не мора никој да поднесува барање до нив, тие можат на своја иницијатива да го отворат случајот по пишувањето во медиумите – вели Слаѓана Тасева од „Транспарентност нулта корупција“ и поранешна претседателка на Антикорупциската комисија.

28.03.2008 Во Владата на Република Македонија вчера беше потпишан Меморандум за разбирање во рамките на проектот „Антикорупциски мерки во образованието“, кој го спроведува Секретаријатот за европски прашања на Владата, а го финансира Владата на Кралството Норвешка.