Вести

Се додека нема систематска пресметка со корумпираните структури борбата против корупцијата нема да дава резултати

14.06.2010 Препораките кои се содржани во годишните извештаи за Индексот на перцепција на корупцијата на Транспаренси Интернешнал се пренесуваат на нивната членка, во случајат во нашата земја Транспарентност нулта корупција, која понатаму има за цел препораките да ги достави до Владата.
Адриан Ауперле за Антикорупција вели дека по објавувањето на глобалниот Индекс за перцепцијата на корупцијата, главната канцеларија на ТИ сепак го мониторира напредокот на земјата, колку таа се посветува на решавање на препораките содржани во извештајот и дали ги применува.

„Извештаите за напредокот на земјите аспиранти за Европската Унија кои ги изготвува Европската Комисија, содржат независен извештај за делот за напредокот во борбата против корупцијата кој го изготвуваме ние и потоа и го предлагаме на Комисијата. Тие прават и своја независна анализа, но ги земаат предвид и нашите препораки кои ние им ги понудуваме во извештајот“, вели Ауперле за Аникорупција.

Оттаму секоја земја, особено Македонија, која е долго време земја кандидат за започнување на преговори со Унијата, треба многу сериозно да ги сваќа овие извештаи да се фокусира на подобрување на сликата за борбата против корупцијата бидејќи тоа е едно од главните патокази по кои треба да се ориентира земјата, додава Ауперле.

02.06.2010 Поради огромните економски штети кои ги предизвикува корупцијата, експертите советуваат подигање на свеста кај компаниите за штетите од корупција, но и искористување на новата генерација иновативни алатки за зајакнување на регулаторните капацитети на институциите.

Назадуваат активностите за подигање на свеста на бизнис-секторот за потребата од справување со корупцијата. Нивото на деловната култура кај македонските компании се уште е ниско и се јавува како ограничувачки фактор кој го спречува напредокот за посилен корпоративен интегритет. Бизнисот треба да сфати ризиците од корупцијата почнуваат со најмалиот поткуп и понатаму се шират со застрашувачка брзина. Корупцијата е глобален феномен кој што му штети на бизнисот и со него треба да се справуваат сите, од најмалите трговци до мултинационалните корпорации, беа главните препораки од конференција “Корпоративни бизнис  принципи и предизвиците на глобалната корупција“, во организација на Транспарентност – нулта корупција (ТНК).

23.05.2010 Образованието во Македонија, доби средна оценка од 2,98, а речиси 60 отсто од граѓаните сметат дека тоа е корумпирано.

Ова го покажа анкетата на Институтот за политички истражувања извршена на 1110 испитаници, во рамките на проектот за модернизација на образованието  кој е поддржан од Светската банка изготвена.

20.05.2010 Правото на јавно искажување е суштествено право заштитено според Уставот на Република Македонија и Европската конвенција за човековите права и трпењето на последици поради користење со него претставува негова повреда. Токму тоа му се случи на г-дин Трајче Ристов кога преку ТВ медиум и откри на македонската јавност дека тој и повеќе од 400 други лица работат на познатиот археолошки локалитет Исар Марвинци без да добијат било каков надоместок повеќе од два месеци. Реакцијата на повиканите беше повеќе од жестока па господинот Ристов следниот ден ја извести јавноста дека е избркан од работа, токму поради повикување и објавување на информацијата во медиуми.

19.05.2010 Кога лекарот ќе биде осуден за поткуп, никој освен судија не може да му изрече забрана за работа или да му ја одземе лиценцата. Иако дозволата за работа ја издава Лекарската комора, ова еснафско здружение не сака да преземе одговорност и да ја одземе во случај на забележан поткуп. Во Комората остро реагираа кога минатата година беше променет Законот за здравствена заштита и во него беше вметнат член што предвидува комората да може да им одзема лиценци на корумпирани лекари. Сега еснафот ја поздравува одлуката на Уставниот суд, кој го укина овој член од Законот. Се плаши ли комората да казнува подмитени лекари? Во развиените земји, но и во регионот, еснафските здруженија многу строго ги казнуваат своите подмитени колеги.

18.05.2010 Економски промотор, кој е платен да привлекува странски инвестиции, наместо за државата си работел за своја приватна фирма, е најматен настан за април.

 21.04.2010 Правната несигурност е најголемата пречка што им оневозможува на компаниите да инвестираат и со тоа да придонесат да закрепне македонската економија, порача бизнис-заедницата на конференцијата „Македонската економија – надминување на пречките преку користење на сопствените потенцијали“, која во организација на Европската бизнис-асоцијација се одржа вчера во Скопје.

Според претседателот на Европската бизнис-асоцијација Гинтер Офнер, Македонија подобро се справи со светската финансиска криза во споредба со соседните земји од регионот, но сега е време да се спроведуваат реформите и да се оди напред.

 20.04.2010 Кога ќе ги прашате политичките партии од каде ги добиваат парите е исто како на ѓаволот да му покажете крст. Едноставно, за парите никој не сака да зборува. 
“Ова прашање секогаш било проблематично”, вели претседателката на невладината “Транспарентност- нулта корупција”, Слаѓана Тасева. 
Особено е проблематично за политичките партии да ги дадат информациите за своите донори. “Од тоа кој, кого и како финансира, најчесто може да се носат и одредени заклучоци за тоа каква политика ќе се води, пред сè во економското работење затоа што тие луѓе кои ги поддржуваат партиите најчесто добиваат одредени погодности. Тоа сè уште се прашања со коишто нашите политичари и политичките партии не се подготвени да се соочат”, објаснува Тасева.