Барометар на корупција за месец Ноември 2007 г.

bistromatno
09.12.2007 Условните казни за полициските специјалци који ја демолираа дискотеката „Процес“ е најматен, а увидот во Катастарот најпозитвен настан во ноември годинава.

Ова се ставови на главни уредници во 18 највлијателни печатени и електронски медиуми во Македонија искажани во анкетата „Бистро – Матно“ на Независната новинска агенција Макфакс и на невладината организација “Транспарентност – Нулта корупција“.

Во „силна конкуренција“ на негативни настани во ноември најматен, со 7 гласа, е условната казна од една година за 30 припадници на Единицата за брзо распоредување (ЕБР). Тие условно се осудени иако извршија брутално насилството и упад во скопската дискотека „Процес“, при што го демолираа инвентарот и претепаа двајца припадници на обезбедувањето, во декември лани.

Прочитај повеќе

Глобален барометар за корупцијата 2007

ti_logo

06.12.2007 – Берлин. Според Глобалниот барометар за корупцијата на Transparency International за 2007,  сиромашните држави се најсилно погодени од побарувањата за мито, како во развиените, така и во земјите во развој. Истражуањето на јавното мислење, објавено денеска пред Интернационалниот Анти-корупциски ден на 9-ти декември, исто така покажа дека граѓаните во земјите низ светот продолжуваат да ги гледаат политичките партии и парламентите како институции најкорумпирани од корупцијата.

Барометарот кој испитува 63,199 испитаници во 60 земји, нуди широк спектар на информации од заедничките искуства во врска со корупцијата, вклучувајќи го и тоа, кои институции најчесто бараат поткуп, каде граѓаните гледаат најголем степен на корупција и како тие гледаат на идниот развој на корупцијата како и на напорите на нивните влади да ја искоренат.

pdf Анализа на состојбите со поткуп – ТНК 179.74 Kb

 

pdf Често_поставувани_прашања_за_ГБК_мак 154.97 Kb


pdf GCB_2007_presentation eng 294.40 Kb

Прочитај повеќе

Промовиран новиот Закон за јавни набавки

  logo-bjn

03.12.2007 Зголемена транспарентност на тендерските процедури, конзистентност со останата легислатива и зајакнување на правната заштита на учесниците на тендерите, овозможува новиот Закон за јавни набавки што на 6 ноември беше донесен во македонското Собрание, а ќе почне да се применува од почетокот на идната година.

На денешната промоција на Законот за јавни набавки присуствуваше министерот за финансии Трајко Славески кој рече дека донесувањето на законот се темели на обврските за усогласување на македонското законодавство со она на Европската унија и оти појдовна основа за изготвување на законот се Директивите на Унијата кои ја регулираат областа на јавните набавки.

Прочитај повеќе

Медијацијата може да биде лек за стопанските спорови

sudskopje
04.12.2007 Од 40 иницирани постапки за решавање спорови со помош на медијатори, 11 се успешно завршени со спогодба меѓу странките, а околу 45.000 евра се вратени во промет. Ова го покажуваат статистиките на Интернационалната финансиска корпорација (ИФЦ), која финансиски и технички го поддржува спроведувањето на Законот за медијацијата во Македонија. Во ИФЦ велат дека македонските граѓани се' уште не се запознати со овој нов, вонсудски начин на решавање на споровите, но сметаат дека досегашниот интерес за него е добар.
Прочитај повеќе

Договорот за продажба за ЕСМ утре достапен за јавноста

esm-zname

28.11..2007 Македонската влада денеска отворено изрази сомневање во договорот за купопродажба на ЕСМ, најавувајќи притоа можност од активирање на банкарската гаранција.

„Договорот за доверливост на информациите околу купопродажниот договор за ЕСМ, помеѓу македонската влада и австриски ЕВН истекнува утре, по што истиот веднаш ќе биде објавен на владината веб страна“, изјави портпаролот Ивица Боцевски.

Прочитај повеќе

Известување до јавноста

  27.11.2007 "Транспарентност- нулта корупција" одржа редовно годишно Собрание на кое беа донесени повеќе одлуки и беше избран нов претседател на организацијата. На Собранието што се одржа на ден 26.11.2007 г. членовите беа информирани за работата на организацијата за периодот ноември 2006 – октомври 2007 година , за состојбата со членството, беа избрани нови членови…

Прочитај повеќе

Потпишан меморандум за разбирање помеѓу ДКСК и UNDP за емитување на ТВ клип

stopcorruption 23.11.2007 Денес, во просториите на Државната комисија за спречување на корупција, г-ѓа Марија Луиза Солва Мехиас, постојан координатор/ постојан претставник на UNDP и г-ѓа Мирјана Димовска, претседател на комисијата, потпишаа меморандум за разбирање за отпочнување на медијска кампања за подобрување на разбирањето и свесноста на граѓаните од негативното влијание на корупцијата за ефикасно и транспарентно обезбедување на јавните сервиси.

 

Телевизискиот спот е производ на UNDP а е прифатен од ДКСК. Ќе биде прикажуван на македонски и албански јазик. Речиси сите телевизиски станици со национална концесија : Телма, Сител, канал 5, Алсат, МТВ1 и МРВ 2 обезбедија слободен медиумски простор, изразувајќи голема поддршка на оваа значајна иницијатива.  Емитувањето на ТВ спотот започнува на 26 Ноември 2007, понеделник и ќе трае до 9-ти декември 2007, светскиот ден за борба против корупцијата.

 

Прочитај повеќе

Брисел предупредува за скапите изборни кампањи, ДИК се допишува

election2006
26.11.2007 Европската комисија во најновиот извештај за Македонија предупреди дека во последната изборна кампања партиите потрошиле повеќе пари од законски дозволениот лимит и дека многу донации се од непознато потекло. И покрај тоа што од Брисел посочија на рекламирање на партиите во медиумите со драстично намалени цени, одговорните институции во државата останаа глуви и неми. Нема реакција и нема постапка. Државната изборна комисија, на чија адреса е упатена главната критика, тактизира и купува време занимавајќи се со преписки. Ваквата институционална инертност најмногу им одговара на владејачките и на опозициските партии кои имаат идентични одговори, „работиме според прописите“.
Прочитај повеќе

Десетгодишнина на Конвенцијата на ОЕСР

oecd 21.11.2007  21 ноември 2007 означува десетгодишница од усвојувањето на Конвенцијата за борба против подмитувањето на странски државни функционери во интернационални бизнис трансакции од страна на држави- членки на организацијата за економска соработка и развој (ОЕСР).

 

Општо позната како Антикорупциска конвенција на ОЕСР, Конвенцијата беше првата интернационална спогодба, којашто побара свтските водечки индустриски нации да го криминализираат подмитувањето на странските функционери. Таа стапи на сила во 1999 година.

 

Усвојувањето на конвенцијата од пред десет години беше голем исчекор напред. Меѓутоа ветувањето сеуште не е реализирано поради недостигот од политичка волја од страна на мнозинството од земјите- потписнички.

Прочитај повеќе

ТИ повикува на акција за засилување на Атикорупциската Конвенција на ОЕСР

 ti_logo

21.11.2007 Како што италијанскиот премиер Романо Проди и Генералниот секретар на Организацијата за економска соработка и развој (ОЕСР) Ангел Гуриа беа домаќини на државници од целиот свет за прославата на десет годишнината од Антикорупциската конвенција на ОЕСР денес, Транспаренси Интернешнал (ТИ) се придружува во истакнувањето на значењето на оваа конвенција. ТИ исто така повика на силни мерки за да се осигура дека мнозинството од земјите потписнички конечно започнаа да ја спроведуваат Конвенцијата, забележувајќи дека има 37 влади- потписнички на ОЕСР конвенцијата, но суштинско придржување е постигнато од 14 од нив.

 

„Ова беше најважната и пионерска интернационална конвенција насочена кон смалување на подмитувањето на странски владини функционери од страна на мултинационални компании и успех е што ја имаме“ рече претседателот на ТИ Хјуџет Лабел. Таа истакна, „Треба да ја искористиме оваа десетгодишнина да убедиме повеќе од 20 држави со мала или никаква имплементација да преземат акција. Победата ќе дојде само преку целосна имплементација.“

Прочитај повеќе