Македонија седумдесет и прва на листата Doing Bussiness

doing_business_2008 10.09.2008 Македонија е рангирана на 71 место на листата “Doing Bussiness” на Светската банка за 2009 година, што е за осум скалила подобро во однос на минатата година.Македонија, според извештајот, го подобрила бизнис опкружувањето со новиот закон за заштита на податоци, со воведување на системот за електронска распределба на случаи во судовите, како и со активирање на трговскиот суд.


Исто така се нагласува дека данокот на добивка е намален на 10 насто од почетокот на 2008 година, а реформата на Катастарот го намалила времето за регистрирање на имот од 98 на 66 денови.

 

 

Барометар на корупција за месец август 2008

bistromatno 10.09.2008 Донесувањето на измените на Законот за енергетика, дури во трет обид, и пречекорувањето на политичките партии на лимитите за финансирање на кампањите се, речиси рамноправно, најматни настани во август.

Ова е оценка на 17 главни уредници во највлијателните печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“.

Според гласањето, најбистар настан, е поднесување на кривична пријава против вработен во Фондот за здравствено осигурување, обвинет за измама.

 

Известување до медиумите

kmno0409200805.09.2005 На иницијатива на “Транспарентност – Нулта корупција, во рамките на проектот Култура на законот наспроти корупцијата 2008” на ден 04.09.2008 г. е основана КОАЛИЦИЈА МАКЕДОНИЈА НУЛТА КОРУПЦИЈА. Членови на оваа Коалиција се 18 невладини организации од целата територија на Република Македонија, кои исклучиво се занимаваат со унапредување на демократските процеси на земјата.                                                                                                                                                                                                                                                      Коалицијата има за  цел да се зајакне граѓанскиот сектор во делот на борба и превентива против корупцијата, развивање на системот на добро владеење на локално ниво, создавање на поволен амбиент за економски развој и квалитетни странски инвестиции, зајакнување на капацитетите на антикорупциското делување на граѓанското општество, остварување на соработка со соодветни ислични организации во регионот, како и подобрување на животот на граѓаните.  

Законот за енергетика може да ја чини државата стотици милиони евра

energetika 19.08.2008 Дали на Владата ќе и' се случи ОКТА по втор пат? Измените во Законот за енергетика, кои неделава треба по трет пат да се изгласаат во Собранието, можат да ја чинат државата повеќе стотици милиони евра. Како што дознаваме неофицијално, ЕВН-ЕСМ најверојатно ќе ја тужи Владата пред меѓународните судови поради измените кои ќе и' донесат финансиска штета на компанијата. Според наши извори, ЕВН-ЕСМ не седи со скрстени раце, подготовките за тужба се во тек, се чека само измените да бидат објавени во „Службен весник“ за да може потоа официјално да се реагира. Главниот адут на компанијата ќе биде прекршувањето на Договорот меѓу Македонија и Австрија за поттикнување на инвестициите, склучен во 2002 година. Бидејќи со законските измени се менуваат условите за стопанисување, што ќе и' донесе на компанијата загуби, наместо профит. Според некои пресметки , признавањето само на 11 отсто од загубите ќе и' донесе на компанијата загуби од околу 20 милиони евра годишно. На ова од ЕВН-ЕСМ предупредија уште лани есента, кога беа донесени законските измени.
 

Барометар на корупција за месец јули 2008

bistromatno 10.08.2008 Политизација на правото и борбата против корупција во случајот „Глобал" е најматен настан во јули, додека најбистри се апсењето на инспектори за примање поткуп и антикорупциските мерки во образованието".

Ова е оценка на 14 главни уредници во највлијателните печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“.

 

Македонија – борба против корупцијата

udripari 25.07.2008 Државната антикорупциска комисија покренува постапки за сите лица кои има доставено преставки или има сознанија за корупција без разлика дали се тие дел од владата, владеачката партија или опозицијата вели членот на комисијата Ариф Муса

,,Ние постапуваме така како што доаѓаат предметите. Значи, воопшто не не засега дали лицето е во опозиција или позиција, ние постапуваме како што ни налага законот."

Овој коментар на Муса догаа по обвинувањата од страна на опозоцијата дека се водат постапки само против нив.Тој тврди дека деновиве работат и на предмет повзран со граноналник кој и припага на партиите од власта:

,,Еве можеби за една недела или две ќе има иницијатици од наша страна за некои градоначалници, од опозицијата и од сегашната позиција."

 

Државата ќе може да експропира енергетски објекти

energetika 19.07.2008 Државата, доколку оцени дека станува збор за национален интерес, во иднина ќе може да стави рака врз значајни енергетски капацитети. Ова е суштината на новините во законите за експропријација, а поврзани со Законот за енергетика, кои вчера по итна постапка ги донесе Собранието, и покрај реакциите во стручната јавност дека измените се донесени тајно, без поширока расправа и засегаат во интересите на инвеститорите. За измените и дополнувањата на Законот за експропријација гласаа 67 пратеници и ниту еден против и воздржан.

 

Барометар на корупција за месец јуни 2008

bistromatno 10.07.2008 Насилството и неправилностите на предвремените избори, кои завршија со еден загинат, десетици ранети и повредени во престрелки и тепачки е најматен настан во јуни.

Ова е оценка на 18 главни уредници во највлијателни печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“.

Единаесет уредници ги избраа изборите, кои се сведоа на канибалска борба за власт, во која не се избираа средства, ниту пак беше важен угледот на државата, за најматни. Македонија со вакви избори испрати лоши сигнали за демократските процеси, загуби време и чекор во евроатланските интеграции.

 

Трибина за корупција во образованието

rteducation07072008 07.07.2008 Има согледувања дека во македонското образование има корупција, но нема многу вистински случаи за да може да се зборува за проблем со корупција онака како што е дефиниран во Кривичниот законик.

Ова денеска го изјави Слаѓана Тасева од невладината организација Транспаретност нулта толеранција на трибината „Знаењето е вистинска инвестиција – образование без корупција“, во рамките на проектот „Антикорупциски мерки во образованието“ имплементиран од македонската Влада, а финансиран од Владата на Кралството Норвешка.

 

Деведесет отсто од обвиненијата завршуваат со осуда

judge 26.06.2008 Вкупниот обем на пријавен криминал во Македонија лани се зголемил за 11,8 отсто во споредба со претходната година. Опаѓање има кај малолетните лица, додека, пак, бројот на непознати сторители пораснал за 15 проценти. Два процента е намален бројот на отфрлени кривични пријави, кој изнесува 21,6 отсто, а бројот на изречени осудителни судски пресуди се зголемил од 87,36 проценти, колку што имало пред две години, на 91 процент во 2007 година.

Мерката притвор бележи тенденција на мало намалување, па ако пред две години била изречена за 642 лица, една година подоцна тој број изнесува 609 лица. Обвинителската статистика покажува и дека биле поднесени обвиненија против 12.819 лица, што е за 98 лица повеќе од претходната година. Основните судови донеле пресуди против вкупно 12.859 лица, додека тој број во 2006 година изнесувал 12.634. Интересно е што во 91 процент судовите изрекле осудителни пресуди, и тоа за 11.781 лице.