„Бачило“ и „Оружје“ ја одбележаа 2006

 bacilo

02.01.2007  Случаите „Бачило“ и „Оружје“ ја одбележаа изминатата 2006 година во Македонија во поглед на корупцијата и борбата против.

Вака решија 19 главни уредници на национални медиуми кои учествуваа во третата годишна анкета на Независната новинска агенција „Макфакс“ и на невладината организација „Нулта корупција“.

Случајот „Бачило“, кој влече корени уште од 2004, со сета своја жестина се појави на почетокот на минатата 2006, кога стигнаа правосилните пресуди за исплата на над 700 илјади евра државни пари, на име на отштета на овчарот Иснифарис Џемаили.

Во судска постапка полна со пропусти, особено во поглед на заштита на државниот интерес, било докажано дека Македонија во 2001 му убила 900 овци на Џемаили и му уништила над 1000 канти сирење.

За овој настан како најкоруптивен во 2006 гласаа 13 од 19-те главни уредници колку што учествуваа во анкетата.

Царинската управа ќе се бори со корупцијата

bribe28.12.2006         Царинската управа ќе врши годишен надзор врз имотната состојба на царинските работници за да ја спречи корупцијата, најави директорот Ванчо Каргов на вчерашната средба со новинарите. Каргов нагласи дека Царината во иднина ќе има цел да ја штити економијата и да ја спречи нелојалната конкуренција.

– Ние не водиме политика. Ние извршуваме и ги спроведуваме законите. Цел ни е да го забрзаме протекот на стоки и услуги, да го унапредиме бизнис амбиентот, да ја сузбиеме нелојалната конкуренција преку спречување на нелегалата трговија со акцизни и други стоки – изјави тој.

Во рамките на спречување и намалување на корупцијата Царината ги интензивирала внатрешните контроли и истраги.

 

Случајот „Бачило“ во рацете на Врховниот суд

udripariИднината на предметот „Бачило“ од пред неколку дена се наоѓа во рацете на Врховниот суд, откако Јавното правобранителство побарало целосна ревизија на случајот, а Јавното обвинителство го уважило барањето за заштита на законитоста. Со тоа, од Врховниот суд зависи дали ќе се повтори судењето за случајот „Бачило“.

Од Јавното правобранителство потврдуваат дека ги искористиле сите вонредни правни лекови за да се повтори постапката за случајот „Бачило“, со оглед на текот на настаните што се случија во последниов месец. Јавното обвинителство го уважило барањето за заштита на законитоста минатата недела, па во Врховниот суд набргу ќе се донесе конечна одлука. И скопскиот Основен суд 1 и Апелацискиот суд досега ги одбија барањата за повторување на постапката за случајот „Бачило“ што ги поднесе Јавното правобранителство. Конечната одлука, по вонреден правен лек, ќе ја донесе Врховниот суд.

„ Нулта Корупција“ во борба против корупцијата

press1.jpg08.12/.2006      Борбата против корупцијата и преку воведување на анти-корупциски програми во основните училишта, е основната определба на новата невладина организација, предводена од Слаѓана Тасева и Мето Јовановски.

Организацијата која во јавноста ќе го употребува името „Нулта корупција“, е нова невладина организација која произлезе од распаднатата „Транспарентност Македонија“, откако на нелегален начин за нејзин претседател беше именуван Сашо Орданоски

Програмите и определбите на организацијата беа промовирани денеска во Скопје, при што беше нагласено дека организацијата не е членка на меѓународното движење „Transparency Internatiоnаl“, но дека има намера што поскоро да стане дел од семејството на угледната меѓународна организација.

Претседателот на организацијата Мето Јовановски истакна дека „организацијата ќе настојува да ги задоволи сите критериуми за да стане полноправна членка на „Transparency Internatioanl“.

„Ние се надеваме дека тоа ќе го постигнеме, бидејќи кај нас постои решеност да се посветиме што поцелосно на борбата против корупцијата“, додаде Јовановски.