Вести

Тетово, 06.12.2012 „Граѓаните во борба против корупција“

Регионалната канцеларија на Центарот за Совети и Правна Помош (ЦСПП) на Транспаренси Интернешнл Македонија во Тетово на ден 06.12.2012 година, организираше Тркалезна на тема: „Граѓаните во борба против корупција“ која се одржа во Општинската сала во Тетово. На присутните граѓани на Тетово и претставници на институции од Полошкиот Регион со свои излагања им се обратија Д-р Слаѓана Тасева Претседател на Транспаренси Интернешнл Македонија и Градоначалникот на Општина Тетово Проф. Др. Сади Беџети.

05.12.2012 Меѓународните негодувања против  коруптираните влади,  присили неколку лидери да заминат од функцијата, но како што се рачисти прашината околу тоа, стана очигледно дека нивоата на поткуп, злоупотреба на сила и тајни  договори се сеуште многу високи во многу земји. Индексот на перцепција на корупцијата на Транспаренси Интереншнл во 2012 покажува дека корупцијата продолжува да ги пустоши општествата низ светот.

Две третини од 176 рангирани земји во индексот на 2012 имаат оцена под 50, на скала од 0(преставува  високо коруптирани) до 100(се сметаат за многу чисти), покажува дека јавните институции треба да бидат по транспарентни како и официјални владини функционери  да бидат по одговорни.

Република Македонија се наоѓа на 69 место со вкупно 43 поени, со што повторно се вброи во групата држави кои имаат оцена под 50. Споредено со државите во регионот Република Македонија е подобро рангирана од Босна и Херцеговина, Црна гора, Бугарија, Србија и Грција, Косово и Албанија.

 prezentacija_cpi_2012 623.24 Kb

 tabela_cpi_2012 139.72 Kb

 cesto_postavuvani_prasanja 115.10 Kb

 azurirana_metodologija 91.81 Kb

 kratka_beleshka_za_metodologijata 60.97 Kb

 beleshka_na_tehnicka_metodologija 71.61 Kb

04.12.2012 Невладината организација "Транспаренси Интернешнл – Македонија" на ден 05.12.2012 (среда) ќе одржи прес- конференција со почеток во 10 часот.
Прес конференцијата ќе се одржи во просториите на Транспаренси Интернешнл – Македонија на (ул. Наум Наумовски Борче 58-спроти Светска Банка ).
  На прес- конференцијата ќе се презентираат  резултатите од Индексот на перцепција за корупцијата (ИПК) во 2012 година којшто го објавува глобалната коалиција за борба против корупцијата – Transparency International.

15.11.2012 Граѓаните стекнаа доверба во Антикорупциската комисија, за потоа, со промената на членовите, да се направи упад во независноста, критикува првата претседателка на комисијата Слаѓана Тасева.

Дури и јас лично ги работев и случајот Фершпед и случајот Бачило, од кои едниот имаше судска завршница, а другиот гледаме дека сè уште служи како паричка за поткусурување на нашиот искорумпиран политички пазар и медиумски во случајов. Немаме нешто со што би можеле сериозно да се пофалиме како резултат од работата на комисијата дека завршила со судска разрешница.Слаѓана Тасева, прв претседател на Антикорупциската комисија  .

07.11.2012 На Регионалната конференција посветена на концептот на интегритет и антикорупциските превентивни политики што вечерва започна со работа во Охрид учествуваат експерти и претставници на антикорупциските тела од регонот, на меѓународни организации, на надлежни национални и локални институции и на граѓанскиот сектор.

На средбата ќе бидат презентирани различните законски модели на концептот на интегритет во Србија, Романија, Молдавија и Словенија, разменети информации и искуства, сето во насока на утврдување на моделот што ќе биде спроведен од страна на институциите во Македонија задолжени со спроведување на тој концепт во наредниот период.

Претседателката на Државната комисија за спречување на корупцијата, Љубинка Корабоска, нагласи дека системот на интегритет на јавната администрација претставува рамка која во себе ги опфаќа елементите на превенција на корупцијата и унапредување на доброто владеење.

Биеналето на Интернационална Конференција за борба против корупција, во своето 15-то издание, ќе се одржи од  7 -10 ноември во Бразилија. Водечките експерти од најразлични дисциплини и области поврзани со борбата против корупцијата ќе разговараат во над 50 работилници и пленарни сесии за изнаоѓање на најдобриот начин за борба против корупцијата во пет клучни области: ставање крај на неказнивоста, клима на чисто управување, спречување на недозволени финансиски трансакции, политичките транзиции кои водат  кон стабилна и транспарентна власт и чисти спортови. Четиридневниот настан ќе биде отворен  од страна на Претседателот на Бразил, Дилма Русеф.