Зошто се молчи за корупцијата?

26.02.2014 Кој и зошто се плаши да зборува за корупцијата? Извршниот директор на невладината МЦМС, Александар Кржаловски и новинарот Сашо Ордановски одговараат на овие прашања.
 
 

 

Барокните фасади досега „лапнаа“ над половина милион евра

 barok.jpg26.02.2014 Центарот на Скопје до крајот на летово ќе блесне во ново барокно руво. Досега градската администрација за оваа намена потроши над половина милион евра.
Откако Советот на Град Скопје ја изгласа одлуката за утврдување на изгледот на фасадите на објекти што се дел од деталниот урбанистички план „Мал ринг“, се отворија неколку прашања околу легитимноста на постапката и финансиските импликации. Според буџетот на Град Скопје, градската администрација за реконструкција на фасадите на зградите во централното градско подрачје во следните три години ќе потроши 6,5 милиони евра. Во буџетот е наведено дека целта на таа програма е да се „овозможи свеж и обновен изглед на центарот на градот кој е особено привлечен за странските туристи“ .
 
 
 
 

Закочена правда: Им го срушиле домот без дозвола, никој не одговара

25.02.2014 Некогаш нивна куќа, а сега е атрактивен плац на кој гради поранешниот пратеник и бизнисмен Фатмир Етеми. Како преку ноќ е срушен домот на Стојан и Сузана Димовски каде што граделе живот половина век. Погледнете го видеото
 
 

 

Дозволува ли Македонија да бидете “соработник со правдата” ?

24.02.2014 Интервју со Фросина Ременски, професор на Факултетот за Безбедност: За скандалот на Факултетот за безбедност со опремување на лабаратории, за борбата против корупција и заштита на дојавувачите на корупција и криминал, популарно наречени свиркачи (whistleblowers).
 
 

 

Конкурс

ti.jpg 21.02.2014 Транспаренси Интернешнл Македонија (ТИ-М) има потреба од лица за набљудување на дел од националните медиуми во Република Македонија за период од 30 денови. Лицата ќе имаат обврска да учествуваат во процесот на набљудување на програмската содржина на медиумите, пред се во делот на информативните програми и програмите со вести на електронски медиуми, како и на текстуалните содржини во дневни и неделни весници на македонски и на албански јазик, во приближно време од 6 до 8 часа на ден. Мониторирањето е предвидено да се спроведе во периодот од крајот на март до крајот на април.
 
 
 
 

Бизнис тајните од тропските острови и Скопје 2014

20.02.2014 Ова не е приказна за Скопје 2014. Ниту за тоа дали се исплател или не. Ова е приказна за тајните кои ги кријат фирмите кои земаа голем дел од колачот наречен Скопје2014, но и други компании кои во јавноста важат за добри бизниси.
 

 

Има ли јавноста право да дојде до информациите од јавен карактер?

15.02.2014 Што е јавна, а што класифицирана информација? Како функционира Законот за право за пристап до информации од јавен каректер? Гости на Борјан Јовановски се Сабина Факиќ и Данче Даниловска

 

 

 

 

Македонија и натаму паѓа на листата на Репортери без граници

rwb.gif 12.02.2014 Нов пад, за седум места, бележи Македонија на ранг-листата на медиумската организација „Репортери без граници“ за слободата на информирањето во минатата, 2013. година. Ланската година се чинеше дека Македонија го достигна дното, откако беше рангирана на 116. место, но слободниот пад, кој трае од 2009. година, кога земјата била на респектабилното 34. место, сѐ уште трае.

Земји како Венецуела, Јужен Судан, Непал, Алжир и Мали котираат пред Македонија во однос на слободата на информирањето, а недалеку зад земјата на листата е Авганистан.

Репортери без граници го наведуваат и затворањето на новинарите Томислав Кежаровски и Зоран Божиновски.

 
 

Михајло Маневски треба да каже зошто е заташкан скандалот со Национална Платежна Картичка

st2014.jpg 11.02.2014 Слаѓана Тасева, неуморен борец против корупцијата во Македонија, во интервју за „Фокус“ проговори за најголемите афери во изминативе години, и објасни зошто мисли дека ниедна власт нема искрена волја да се справи со финансискиот криминал.
ФОКУС Да не беше Вашата неодамнешна прес-конференција, многу од луѓето немаше да знаат дека има уште еден извор на финансии за партиите од буџетот, покрај оние 15 денари од добиен глас на избори. Обичниот човек иронично би рекол: Откако партиите испокрадоа сѐ, уште овие пари им фалеа. За што се наменети тие средства?

ТАСЕВА Овој закон е донесен во 2004 година, во корпусот на антикорупциски закони. Значи, расправајќи тогаш за проблемот со корупцијата, односно за финансирањето на политиката – дојдовме до едно размислување, дека можеби е добро да се овозможи, како што има и во други држави, да се обезбеди финансирање на политичките партии од буџетот на државата. Тоа би биле пари за нивните основни, секојдневни активности и во период кога не се случуваат избори. Иницијативата за пишување на овој закон потекна од пратениците во тоа време, од Жерновски и од Шапуриќ.