Барометер на корупција за месец февруари

vaga 

11.03.2007 Ослободителната пресуда за Агим Красниќи и полициската акција против корумпирани полицајци и цариници, се случаите што оставија белег во февруари годинава, во поглед на можностите за корупција и борбата против.

За овие два настанаа гласаа најголем број од 16 уредници на национални медиуми, кои учествуваа во последната редовна месечна анкета „Барометар на корупцијата“, што ја спроведуваат НВО „Нулта корупција“ и Независната новинска агенција Макфакс.

За случајот „Ослободителна пресуда за Красниќи“ во рубриката „матно“ гласаа 11 од 16 главни уредници на националните електронски и печатени медиуми. Тие се согласни дека е донесена „експресна судска одлука“ на судијка во Основен суд 1 во Скопје за ослободување на Красниќи и осуммина други инволвирани во случајот од обвинението, како и дека се применети „различни аршини при проценка на исти докази“.
 

Корупцијата останува голем проблем за Македонија

corruption_happens 

08.03.2007 Владата генерално ги почитува човековите права на своите граѓани, сепак, во некои области постојат проблеми. Полициското малтретирање осомничени лица и натаму претставува проблем, а има и тврдења за полициско вознемирување на етничките малцинства, особено на припадниците на ромската заедница, вели американскиот Стејт департмент во делот за Македонија во својот извештај за состојбата на човековите права во 2006.

Корупцијата и политичкиот притисок во министерствата за внатрешни работи и за правда, судовите и Канцеларијата на јавниот обвинител ја спречија истрагата за некои тврдења за злоупотреба на човековите права и процесот на изведување пред суд на обвинетите. Земјата и натаму е транзитна и дестинација за жртвите на трговија со луѓе, за сексуално искористување и работа. Општествената дискриминација кон етничките малцинства, особено Ромите, и натаму претставува проблем, се вели во извештајот. 
 

Правобранител крадел предмети и доделувал земјиште

sudskopje 07.03.2007 Миодраг Стевановиќ, поранешниот заменик-јавен правобранител, украл три предмети за денационализација од своите колеги и доделил атрактивно државно земјиште од 12.000 квадратни метри во Аеродром на пет скопјани, утврдило МВР во предистражната постапка.

Заменик-јавниот правобранител Стевановиќ и архиварката Љубица Минчоровска од завчера се во истражниот затвор Шуто Оризари, откако им беше изречена мерка притвор од 30 дена. Стевановиќ се товари за злоупотреба на службената положба, а Минчоровска за помагање. Истиот заменик-правобранител ги бранеше интересите на државата во случаите „Бачило“ и „УПА Ентерпрајс“, каде што државата загуби околу два милиони евра. 

Ќе се кастрат 2.200 прописи?

 07.03.2007 Проектот Регулаторна гилотина со кој треба да се намали бројот на административни прописи се одвива одлично. Од почетокот на неговото спроведување досега се собрани 2.200 прописи што допрва ќе се ревидираат. Ова било заедничката оценка од вчерашната средба на вицепремиерот Зоран Ставрески и Марго Томасима, која го предводи Советодавното тело за странски инвестиции при…

Социјалните станови во Дебар доделени на богатите

06.03.2007 Невиден скандал е она што го направи соодветната комисија за распределба на социјалните станови при Министерството за транспорт и врски. Наместо на оние за кои се наменети, тие се дадени на началници, директори, инспектори, лица кои веќе имаат станови, нивните родители имаат трикатни куќи, па дури и на дебарчани кои работат во Скопје, обвини градоначалникот на Дебар, Аргетим Фида, на средба со новинарите. Според него, постојат непобитни докази дека оние кои добиле стан се послужиле со измама, трансферирајќи ги куќите или становите на име на нивните родители за да докажат дека немаат покрив над главата. 

„Каква е оваа правда“, со солзи во очите вели Абедин Дани, кој откако пред повеќе од две години до темел ја загуби куќата од лизгање на земјиштето во населбата Ваков, сега со старата болна мајка, сопругата и со трите малолетни деца живее кај пријател, кој му отстапува соба на кратко време. „Зошто не дојде некој од комисијата да ја види реалната состојба. На улица сум, тежок социјален случај, ако најдам работа – ќе однесам дома нешто за децата, ако не – тогаш, кажете ми, како да живеам со две илјади денари социјална помош. Ќе одиме и кај претседателот Црвенковски и кај премиерот Груевски, нека знаат како им работи администрацијата“, додава тој. 

ДИК ги доби ревизорските извештаи за партиите

election2006 

26.02.2007 Државната изборна комисија ги доби ревизорските извештаи за нерегуларностите во финансиското работење на политичките партии за време на кампањата во пресрет на парламентарните избори.
Според портпаролот на ДИК Зоран Таневски наскоро, на јавна седница членовите на комисијата ќе одлучуваат дали и против кои од партиите во Основниот суд ќе однесат прекршочна постапка, а за кои од нив ќе побараат парична казна.
ДИК уште во отомври побара оние партии кои не доставиле никакво известување за нивното финансиско работење во предизборието да платат казна од 200 до 300 000 денари. Меѓу учесниците во изборниот процес кои требаше да ги дополнат извештаите беа и клучните играчи, коалициите на ВМРО-ДПМНЕ и СДСМ, кај кои ревизорите открија повеќе нерегуларности
И директорот на Државниот Завод за Ревизија, Драгољуб Арсовски во интервју за Радио Слободна Европа потврдува дека ги известиле сите релевантни институции околу трошењето на парите за време на предизборната кампања, но истовремено предупредува и за одредени недоречености кои би можеле да бидат пречка за натамошното споведување на законските прописи.
 

МВР уапсило најмалку 26 полицајци и 9 цариници

mvr

 23.02.2007 Најмалку 26 полицајци, 9 цариници и тројца угостителски работници се уапсени во акцијата на македонската полиција спроведена на 4 гранични премини денеска.

Контролирани биле граничните премини Богородица, Меџитлија, Деве баир и Табановце, а акцијата се уште трае.
           
Според истрагата, на ГП Богородица се приведени 13 полицајци, на Меџитлија шест, на Деве баир седум полицајци и шест цариници, додека на ГП Табановце биле приведени тројца полициски службеници.
           
Уапсените биле следени со посебна опрема подолго време, при што било утврдено дека ја злоупотребиле службената должност и земале мито.
 

Имотите на функционерите останаа службена тајна

parlament2

22.02.2007 Имотната состојба на министрите, пратениците, директорите и другите носители на јавни функции и понатаму се тајна за јавноста. Државната комисија за спречување на корупцијата од технички причини не може на Интернет да ги објави податоците за тоа колку се богати функционерите.

– Не сме подготвени технички да поддржиме објавување на анкетните листови на интернет-страницата. На тој проблем интензивно работиме. Покрај тоа, уште собираме изјави за согласност од функционерите дека дозволуваат да се објави нивната имотна состојба – велат во комисијата.
Таму се надеваат дека до следниот месец овие проблеми ќе се надминат и дека најдоцна до крајот на март анкетните листови ќе бидат достапни за јавноста.

Антикорупциската комисија е единствена институција на која функционерите се обврзани да и дадат податоци за становите, куќите, автомобилите, банкарските сметки и другиот имот што го имаат тие и членовите на нивните потесни семејства. Министрите, пратениците, судиите, градоначалниците, директори на јавни претпријатија и другите избрани и именувани функционери мора да дадат отчет за имотот и кога ќе стапат на функција и кога ќе си одат од таму. Комисијата е должна да ги заштити нивните лични податоци ако некој го побара тоа. 

Со построги контроли против перењето пари

moneylaundry 

22.02.2007 Владата предлага нов закон против перење пари со кој ќе се заостри борбата против нелегалните финансиски трансакции и финансирањето на тероризмот. Новините во Законот за спречување перење пари и други приноси од казниво дело и финансирање тероризам, што завчера го усвои Владата, се во приспособување на процедурите на анализа во случај на перење пари и финансирање тероризам, потоа забрана за отворање анонимни сметки и забрана на вршење готовински плаќања со постојните европски директиви. Една од новините е и прераснување на сегашната Дирекција во Биро за спречување перење пари и финансирање тероризам.
 

Закон за јавна внатрешна финансиска контрола

22.02.2007 Собранието на Република Македонија го донесе Законот за јавна внатрешна финансиска контрола со кој треба да се постигне поголема финансиска дисциплина, заштита од неефикасно користење на ресурсите, малверзации и погрешно управување, откривање и минимизирање на значајните фактори на ризик, промовирање на економично, ефикасно и ефективно работење, придржување кон законите, подзаконските и интерните акти, како…