Барометар на корупција за месец август 2009 г.

Вести
bistromatno 13.09.2009 Одлуката на Апелациониот суд во Скопје да ја укине пресудата со која ЕВН требаше да му плати на ЕЛЕМ 200 милиони евра е најбистар настан во август.

Тоа е речиси едногласна одлука на главните уредници на електронските и печатените медиуми кои учествуваа во анкетата Бистро – Матно на Новинската агенција Макфакс и на невладина организација „Транспарентност нулта корупција". За одлуката на Апелација гласаа 12 од вкупно 14 учесници во анкетата.

Матната страна на корупцијата во август речиси рамноправно ја одбележаа два настана. Одлуката на Министерството за внатрешни работи тендерот за набавка на маици за полицијата да го додели на маркетинг агенција е на прво место со 7 гласа.
 

Независното судство зависно од буџетски пари

Вести
vaga
09.09.2009 Секоја година се одвојуваат се' помалку пари од Буџетот за судовите во Македонија, со што се доведува во прашање независноста на судскиот систем во државата. Потребни се законски измени со кои ќе се одвојат најмалку 2 отсто од парите во Буџетот за да може да се изгради независна судска власт. Ова вчера го порача Јово Вангеловски, претседател на Врховниот суд на Македонија, на работната средба со претседателите на судовите, а на која беше присутен и министерот за правда Михајло Маневски. Тие разговараа за транспарентноста во работењето на судовите, за судењето во разумен рок и за начинот на финансирање на судовите.
 

Ќорсокак во Виена – загрозеноста на Конвенцијата на ОН против корупција

Вести

ti

03.09.2009 Седум дена владини преговори во Виена не успеаја да ги решат разликите околу формирање на механизам за проверка на Конвенцијата на ОН против корупција (UNCAC). Неуспех на разговорите во Виена е голема пречка и предизвикува сериозен сомнеж врз можноста за ефективен механизам за испитување на спроведувањето на анти-корупциските обврски на самитот на 137 земји, која ќе се одржи во ноември. 

 

Јавните информации зад седум катанци

Вести
plakatpi 02.09.2009 По три години од донесувањето на Законот за слободен пристап до информации институциите се уште се затворени за јавноста, покажуваат анализите на Комисијата за заштита на правото за слободен пристап до информации од јавен карактер. Експертите истакнуваат дека институциите, иако се должни, сепак вешто ги кријат информациите, па затоа ги потсетуваат дека доследно почитување на овој Закон треба да опфаќа и информирање на јавноста за секоја нова реклама, спот, за секој договор за рекламни услуги платени со буџетски пари. Исто така, посочуваат дека овој Закон ги обврзува сите јавни институции да назначат службеници чија должност е да ја дадат информацијата побарана од граѓанин, новинар, медиум, невладина организација или кој било субјект, а која се однесува на сите аспекти од работењето на институцијата. Законскиот рок за добивање информација од јавен карактер е 30 дена.
 

Најнетранспарентни образованието и државната власт

Вести
plakatpi
02.09.2009 Образовните и државните институции се најнетранспарентни, односно не го почитуваат законот за слободен пристап до информациите. Такви се барем податоците што вчера ги изнесе Државната комисија за заштита на слободниот пристап до информации од јавен карактер.
 

Професорите митаџии, студентите кукавици

Вести
corruption_happens 31.08.2009 Македонските факултети се дават во корупција, но студентите се плашат да ги пријават поткупените професори, а надлежните молчат, тврдат неколку граѓански организации што ја истражувале оваа проблематика. Тие потсетуваат дека кај нас корупцијата е се уште табу тема, додека од светските медиуми одекнува скандалот за купување докторати на четири Универзитети во Германија, а неодамна јавноста ја потресе и акцијата „Индекс“ во Хрватска, во која беа уапсени стотина корумпирани професори.
Од организацијата „Транспарентност – нулта корупција“ посочуваат дека главна причина што не се пријавуваат случаите на поткупување на професорите е стравот на студентите дека тие ќе го откријат тоа и ќе им се одмаздат.
 

Законот за студентски правобранител да се донесе што поскоро

Вести
 ukim
26.08.2009 Транспарентност Нулта корупција како и останатите невладини организации се согласни во едно : Корупција има, но ретко кој се решава гласно да проговори за неа.

Немањето на институција која ќе ги заштити студентите е само дел од причините зошто тие јавно не зборуваат за проблемите со кои се соочуваат во образовните лавиринти. Токму Проектот за антикорупциски мерки во образованието е иницијатор за донесување на Законот за студенстски правобранител. Од таму во специјална изјава за Антикорупција појаснуваат зошто на македонските студенти им е потребна ваква инститиција.

 

 

Митото оди преку пријателите на професорите

Вести

udripari 26.08.2009 Уплата на приватна жиро-сметка на професорот, плаќање на рака на негови блиски пријатели или негови асистенти, уплата во пошта или во банка со уплатница, на која пишува дека целта за која се уплаќаат парите е „донација за книга“… Ова се само некои од начините на кои студенти купуваат испити. Студенти што не сакаат да биде објавен нивниот идентитет ни зборуваа за ценовниците, за тоа колку ги чинеле испитите, како плаќале за нив. Но се плашат да ги кажат имињата на професорите, а уште повеќе да ги пријават во Министерството за внатрешни работи (МВР).

Тие самите признаваат: „Ние не сме жртви, еднакво сме одговорни за коруптивните дела колку што се и професорите и нивните посредници“.

 

Корупцијата во високото образование табу тема во Македонија

Вести

Транспарентност – Нулта корупција: Корупција има, но нема кој да ја пријави

 

25.08.2009 Во врска со вчерашната вест објавена на веб порталот Кирилица ( http://antikorupcija.kirilica.com.mk/antik.asp?id=30489 ) , која одекна како скандал во сите светски медиуми, за купување на Докторати на четири Универзитети во Германија, побаравме мислење од Транспарентност Нулта корупција, до каде се наоѓа Македонија во лоцирање и санкционирање на појавите на корупција во високото образование.

Според Транспарентност Нулта корупција во Македонија за жал корупцијата во образованието се уште претставува табу тема. Иако постои висок степен на перцепција за корупцијата, активностите и борбата за незјино сузбивање според нив се многу мали или подобро кажано невидливи или осетливи.

 

 

 

 

Ќе се зголеми транспарентноста на судовите кон граѓаните

Вести

sud-vnatre

25.08.2009 Транспарентноста во работењето на судовите, односно поголемата комуникација на овие институции со граѓаните, може да ги врати авторитетот, достоинството и угледот на судскиот систем, беше заклучокот од работната средба на претседателите на сите судови во државава.