И Обвинителството на нишан околу пресудата за отштета на ОКТА

okta

13.09.2007 Доколку во иницијативата на поранешната влада на СДСМ до Антикорупциската комисија за преиспитување на договорот со ОКТА имаше и конкретни имиња на лица кои треба кривично да одговараат за неговата штетност и ако во изминатиот период Јавното обвинителство поведеше кривична постапка за некое лице, Македонија сега немаше да има потреба да и' плаќа на грчката компанија „Хеленик петролеум“ 53,4, односно со камати, 70 милиони долари по пресудата на Арбитражниот суд во Париз.

Со овој став на завчерашната емисија „Чуму“ на А1 телевизија се согласија вицепремиерот Зоран Ставрески, претседателката на СДСМ, Радмила Шекеринска, поранешниот министер за економија, Стевчо Јакимовски, и поранешната претседателка на Антикорупциската комисија, Слаѓана Тасева.

„Во иницијативата нема имиња на надлежни лица и нивни овластувања“, рече Тасева, која додаде дека тогашна оцена на Комисијата била дека станува збор за апсурден договор што нема никакви обврски за странскиот инвеститор.

Останува до ден-денеска нејасно, рече Тасева, зошто Јавното обвинителство, иако ги имаше сите потребни документи за ОКТА, тогаш, ниту до ден-денеска, не поведе постапка за кривична одговорност.

ОБСЕ ја започнува кампањата за почитување на владеење на правото

 oscecampaign

12.09.2007 Почитување на владеење на правото е целта на кампањата за јавна свест, започната денес од Мисијата на ОБСЕ во Скопје.

 

Кампањата е планирано да досегне до широката публика преку телевизиите, пишаните медиуми и рекламните билборди. Исто така ќе бидат вклучени семинари и работилници за ученици и студенти.

 

„Фактот дека локалните медиуми го користат своите ударни термини за емитување соопштенија од јавен карактер е доста охрабрувачки. Би го нарекол ова важна инвестиција во иднината на оваа земја“- рече Амбасадорот Џорџо Радикати, главен на мисијата на ОБСЕ.

Македонија рекордер по број на судии

sudstvo

06.09.2007 Македонија го држи рекордот во Европа, ако не и пошироко, по бројот на судии, бидејќи еден судија се паѓа на околу 3.900 жители, додека европскиот стандард е еден судија на 30 илјади граѓани.

 

Со 520 судии, колку што официјално се избрани и работат во судовите, на два милиона и триесет илјади жители, колку што брои Македонија, таа е на прво место во Европа по бројот на судии по жител. Европските стандарди, според правните експерти, се да има еден судија на дваесет до триесет илјади жители.

Барометар на корупција за месец Август 2007 г.

bistromatno

05.09.2007 Продажбата на ОКТА, што се актуелизира со пресудата на судот во Париз е најматен, а конечното објавување на имотните листови на функционерите, најбистар настан во август годинава.
Ова е оценка на главните уредници во 17 највлијателни печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – Нулта корупција“

Најматен во август, според 10 главни уредници, е случајот на скопската Рафинерија ОКТА, што повторно се актуелизира по пресудата на Арбитражниот суд во Париз, Република Македонија на Хеленик петролеум да му плати 53 милиони долари.

Владата да каже колку чини кампањата

 mkd199

04.09.2007 Владата мора да даде отчет колку пари ќе потроши за кампањата „Македонија без корупција“ бидејќи скапите спотови ги плаќаат граѓаните, бараат опозицијата и дел од невладините организации откако премиерот Груевски завчера објави почеток на нова неколкумесечна кампања без да каже колку ќе чини таа. 

 

– Една од причините зошто Македонија е на 104-то место на листата најкорумпирани држави е токму неодговорноста на Владата за тоа колку чинат владините кампањи, кои граѓаните ги плаќаат од свој џеб. Не случајно, тоа е и дел од забелешките на ЕУ. Апсурдно е што од една страна Владата ги охрабрува граѓаните да пријавуваат случаи на корупција, а од друга страна премиерот не пријавува колку ќе чини кампањата.

Информација до медиумите

  press31082007

  31.08,2007 Невладината организација "Транспарентност – Нулта корупција", во рамки на активностите за имплементација на Декларацијата Нула толеранција за корупцијата го реализира проектот за Корпоративно управување. Тимот на експерти составен од претставници на стопанските комори, јавниот сектор, универзитетски професори и претставници на медиумите и невладиниот сектор, изготви листа на критериуми врз основа на кои ќе се врши евалуација на компаниите и ја утврдија следната постапка и рокови за избор на компанија со добро корпоративно управување:

 

Конвенцијата на ОН против корупција има потреба од од ефективен механизам за преиспитување

 ti

29.08.2007 Транспаренси интернешенал (ТИ) денес, ги повика владите да и дадат приоритет на борбата против корупцијата и да постигнат консенсус за конкретни предлози за преиспитување дали земјите потписнички на Конвенцијата на ОН против корупцијата, преземаат доволно активности за да ги исполнат своите обврски.

 

„Потпишувањето на спогодби е релативно лесен чекор за повеќето земји; тешкиот дел е да се осигура дека зборовите се поткрепени со дела. Цврст механизам за преиспитување е витален доколку владините заложби се насочени кон остварување резултати,“ рече Гилијан Дел, програмски менаџер на Конвенцијата во Транспаренси Интернешенал. „Тоа подразбира правичен, отворен и ефикасен систем за проверка на активностите преземени околу обврските“.

 

Специфични предлози за структурата на процесот за преиспитување се вклучени во извештајот на ТИ поднесен до Секретаријатот за Конвенцијата на ОН против корупцијата, пред одржувањето на состанокот на внатревладината работна група во Обединетите Нации во Виена од 29-ти до 31- ви август. Во извештајот се бара владите да се приближат кон договор во врска со севкупната структура на процесот на преиспитување и задачите оклу власта и обврските.

Побарано поништување на приватизацијата на „Фершпед“

jorm

27.082007 Јавното правобранителство во петокот поднесе тужба до судот со која се бара да се поништи приватизацијата на „Фершпед“, дознава „Дневник“. Со тужбата до Основниот суд Скопје 2 против „Фершпед“, Правобранителството бара да се прогласи за ништовна одлуката од март 1991 година за издавање интерни акции за прибавување дополнителен капитал, одлука што е донесена од ЖТП ДОО „Фершпед“ од Скопје.

На судот му се предлага да утврди дека е ништовен Договорот за продажба на претпријатието на лица што го презеле управувањето и водењето на претпријатието, склучен меѓу Агенцијата за трансформација на претпријатијата со општествен капитал и продавачот Штерјо Наков, како застапник на лицата, и оти не произведува правно дејство од денот на склучувањето.

Со тужбата се бара утврдување на правото на сопственост на 51 отсто од акциите на Република Македонија како основач на ЖТО „Скопје“.

Договорот за продажба на ОКТА може да се поништи

udripari

17.08.2007  Договорот за купопродажба на рафинеријата ОКТА може да се поништи, ако се утврди дека при негово склучување имало корупција и злоупотреба на службената положба.

Ова го тврди адвокатот Драган Малиновски, поранешен претседател на Државната комисија за спречување на корупцијата, во изјава за денешен скопски „Дневник“, додавајќи дека со тоа може да се одбегне плаќање на отштета.

Државната комисија за антикорупција во поранешниот состав, во 2003 година, поднесе иницијатива за кривичен прогон, откако оцени дека договорот за купопродажба на ОКТА е „коруптивен акт“, изјави Малиновски.
Немало од никаде одговор на иницијативата, но според адвокатот договорот за купопродажба на ОКТА може и денес да се поништи, поради злоупотреба и корупција при негово склучување.

Барометар на корупција за месец Јули 2007 г.

bistromatno

08.08.2007  Инволвирање на надлежен министер за вклучување на фирма на неговиот партиски шеф во јавен проект – водовод и брана „Злетовица“, е најматен настан во јули.

Тоа е избор на 12 главни уредници на национални медиуми во месечната анкета „Бистро-Матно“ на Независната новинска агенција "Макфакс" и невладината организација "Транспарентност – Нулта корупција".

Според анкетата во која учествуваа 16 медиуми првото место на листата на бистри настани рамноправно со по седум гласови го делат два настани Тоа се: бесплатната телефонска линија на Здружението на новинари на Македонија (ЗНМ) за пријавување на можната корупција меѓу новинарите, како и Фондот за здравствено осигурување кој врати долг од 26 милиони евра.