Глобален повик за 2008 – Номинации за награда за интегритет

ti 12.02.2008 Transparency International (TI) започнува со номинации за да ги истакне извонредните индивидуалци и организации кои се борат против корупцијата.  

TI, глобалната организација за антикорупција со национални ограноци во приближно 100 земји, повикува за Номинации за награда за Интегритет.

Во чест на индивидуалците и организациите кој што демонстрираа исклучителна храброст и извонредни лидерски способности во борбата против корупција овие награди ќе се доделат.

Ова значи предизвик за институциите и индивидуалците кој што многупати поседуваат огромна моќ.   

 

Антикорупционерите тајно ја реизбраа Димовска

dkskon 12.02.2008 Државната комисија за спречување на корупцијата ја реизбрала Мирјана Димовска за претседателка пред пет дена, но во тајност. Транспарентните антикорупционери не најдоа за потребно навремено да информираат за „новината“, како што тоа во истите случаи досега било вообичаена практика. Поранешни членови на Антикорупциската комисија и претседатели на невладини организации се изненадени и скандализирани од реизборот на Димовска. Тие оценуваат дека се погазени нормите за етичко однесување и дека е нарушен духот на антикорупцискиот закон во кој јасно стои дека мандатот на претседателите трае една година.

 

 

Барометар на корупција за месец Јануари 2008 г.

bistromatno 10.02.2008  Активностите на Владата за финансирање изградба на црква на плоштадот Македонија во Скопје е најматен, а реакциите за предлог законот за енергетика, најбистар настан во јануари.

Ова е оценка на главните уредници во 17 највлијателни печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“ .

 

Кариерата – брана од партизацијата

eu-maced 07.02.2008 Македонија годинава ќе добие нов закон за државни службеници, со кој ќе се воведе системот на кариера во државната администрација. Со него, по укажувањата на Европската комисија (ЕК), ќе се напушти и досегашниот систем на работни места. Новите законски решенија ќе бидат основа за департизација и за деполитизација на државната администрација и нејзино преструктурирање во професионален и ефикасен јавен сервис на граѓаните. Во двата последни извештаи за напредокот на Македонија во евроинтеграциите, ЕК имаше забелешки на бавните реформи на државната администрација, постојаната партизација со смените на власта и слабата ефикасност. Унапредувањето на државната администрација преку воспоставување систем на кариера е и еден од осумте клучни приоритети, од чие исполнување во текот на годинава ќе зависи дали Македонија ќе премине во следната фаза од евроинтеграцијата.

 

Жалбите за предолги судења останаа во фиока

 znaknapravdata
 
05.02.2008 Македонските судови не решиле ниту еден случај во кој странките се пожалиле на предолги судења, а помина повеќе од една година откако на граѓаните со закон им се даде право таквите жалби да ги поднесуваат во домашните судови, наместо пред Европскиот суд за човекови права во Стразбур. Само во првата половина на минатата година до судовите биле поднесени 20 барања за заштита на правото на судење во разумен рок. И покрај укажувањата на Судот во Стразбур дека Македонија мора да им овозможи на граѓаните жалба на предолги судења да поднесуваат пред домашните судови, одредбата не заживеа.
 
 

Пропаднати одлуки за критични теми “главен неуспех” во борбата против корупцијата

ti 01.02.2008 Transparency International и широкото граѓанско општество против корупцијата, заклучија дека главниот неуспех на Интернационалната конференција против корупција во Бали е договорот како независно да се оценува напредокот на земјите во имплементирање на Конвенцијата против Корупција на Обединетите Нации ( UNCAC ) .

Несогласувањето на конференцијата значи дека конкретните чекори ќе се решат на следната конференција за Конвенција во 2009 година , шест години откако овој инструмент беше усвоен. Граѓанските општествени групи се плашат од неуспехот од градење на сила за забрзување и деградирање на Конвенцијата од политичките редови. Тие го карактеризираа ова како разочарување на билионите жртви од корупцијата, кој што треба да се застапуваат од националните делегации на конференцијата на ОН.

 

Судиите во пензија на 58 години

macovei
02.02.2008 Антикорупцискиот советник на премиерот Никола Груевски Романката Моника Маковеи, им предложила на Владата и на Министерството за правда пензионирање на судиите на 58-годишна возраст. Ова е прв конкретен предлог на поранешниот министер за правда на Романија, која на работното место владин советник во Македонија е дојдена во јуни годинава, под покровителство на британската амбасада.
 

Европската комисија ги прифати измените во Законот за енергетика

ec 31.01.2008 Европската комисија вчера ги одобри новите владини измени на Законот за енергетика, со кои се предвидува да нема снабдувач на големо на струја односно претпријатие Електрани на Македонија (ЕЛЕМ) да нема монополска позиција, изјави вицепремиерот Зоран Ставревски.

 

Владата го послуша Брисел, ЕЛЕМ нема да биде снабдувач на големо

energetika 28.01.2008 Владата сепак го послуша Брисел и експертите. Владата денеска го испрати Законот за енергетика  со препорачаните измени на Брисел. “ЕЛЕМ нема да има функција снабдувач на големо“,  рече вицепремиерот Зоран Ставревски.

“Предложивме измени врз основа на она што го договоривме во Брисел и денеска ги испративме“ соопшти Ставревски.

Измените на законот не биле повлечени од собрание. Пратениците ќе можат да го гласаат со предложените измени, ако Брисел даде зелено светло за предлозите на Владата.  Одговор се чека за два, три дена.

Без ригорозни извештаи за прогрес, Конвенцијата против корупција на ОН ќе остане само на мртва буква

ti 25.01.2008 Речиси 140 држави членки на Обединетите нации се упатија кон Бали да ја започнат конференцијата на 28 јануари во всрка со иднината на Конвенцијата против корупција на ОН (UNCAC), глобалната мапа за искоренување на корупцијата- Transparency International (TI) се застапува за осигурување дека владите ќе ги исполнат своите обврски и ќе ја имплементираат Конвенцијата. Претседателот на TI Хјуџет Лабел предупредува дека: „без развој на конкретен план за проценување на напредокот на земјите во имплементација на спогодбата, Конвенцијата ќе остане само мртва буква на хартија , одземајќи го најчуствителното од шансата за подобар живот“.