Партиските спонзори повторно невидливи

izbori_2009 24.04.2009 Партиските извештаи за финансирањето на изборната кампања се нереални и не го покажуваат вистинскиот извор на пари, туку се подготвени само колку да се задоволи законската обврска, предупредуваат експертите. Според нив, партиите пак избегнуваат да ги откријат своите вистински финансиери, туку извештаите ги пополнуваат користејќи ги „законските дупки“.

Според партиските извештаи што партиите ги доставија до Државната изборна комисија, ВМРО-ДПМНЕ потрошила над 1,1 милион евра иако од донации собрала над 3,3 милиони евра. СДСМ влегла во долг од околу 100 илјади евра, бидејќи од донации собрала само 43 илјади евра. Според извештаите што и двете партии ги даваат за медиумското рекламирање, неколку приватни телевизии преку попусти поголеми и од неколку милиони евра, всушност, ја финансирале нивната кампања.

 


 

Македонија до крајот на годинава може да добие визна либерализација и датум за преговори

eu-maced 22.04.2009 Македонија направи добар прогрес во исполнување на критериумите и можно е годинава да добие препорака за визна либерализација.

Ова вечерва го порача еврокомесарот за проширување Оли Рен на заедничката прес конференција со шефот на македонската дипломатија Антонио Милошоски, јави дописникот на Макфакс од Брисел.

„Земјата направи добар напредок во исполнувањето на условите за визна либерализација. Европската комисија наскоро ќе ја соопшти финалната оценка и најверојатно ќе препорача визна либерализација за земјите кои ги исполнуваат условите – изјави Рен, оценувајќи дека тој план Македонија е меѓу најподготвените.

 

 

 

 

Тројца кандидати за „Чебрен“ и „Галиште“

powerplant 16.04.2009 Германска РВЕ со словенечка ХСЕ, „Вербудн“ од Австрија и италијански ЕНЕЛ покажале се заинтересирани за учество на огласот за изградба на хидроцентралите „Чебрен“ и „Галиште“ на Црна Река, соопштија вчера од Министерството за економија.

Комисијата за огласот треба да ги оцени доставените пријави и да направи листа со компании што ги исполниле условите. Досега ова е трет оглас за изградба на хидроцентралите „Чебрен“ и „Галиште“. Првиот оглас беше одложен по барање на компаниите. При вториот, според министерот за економија Фатмир Бесими, двете компании што доставија понуди, „Вербунд“ и РВЕ, побараа да се променат условите на огласот. Тие побараа рокот за концесија на хидроцентралата „Тиквеш“, наместо 39 години како што беше предвидено во документацијата на јавниот оглас, да се продолжи на 70 години, што овој пат беше направено. Втората забелешка била во однос на учеството на државната компанија ЕЛЕМ во овој проект.

 

Ниски оценки на граѓаните за исполнување на клучните критериуми за ЕУ

press12042009 12.04.2009 Претседателката на Транспарентност-Нулта корупција Слаѓана Тасева на прес конференцијата одржана на 12.09.2009 год. (недела) ги презентираше резултатите од анкетата спроведена во рамките на проектот “Перманентен антикорупциски мониторинг на клучните приоритети во ЕУ претпристапниот процес“. Анкетата беше реализирана во месец февруари оваа година, со цел да се соберат информации за ставовите и знаењето на граѓаните за седумте клучни критериуми наведени како приоритет во Извештајот на Европската комисија од март 2008 година, а истовремено  да се види колку овие ќе се совпаднат со  оценкиате на Комисијата  кои ќе бидат претставени до крајот на месецот.

 

pdf analiza_na_rezultati_od_istrazuvanje_12042009 729.46 Kb

 

 

 

Барометар на корупција за месец март 2009 г.

bistromatno 12.04.2009 Владината „градежна офанзива” во изборната кампања е најматен, а придонесот на електронските медиуми за демократска атмосфера на изборите е најбистар настан во март.

Двата предлога добија по 11 гласа во анкетата „Бистро – Матно” на Независната новинска агенција Макфакс и на невладината организација „Транспарентност – нулта корупција”, во која учествуваа 17 главни уредници на печатени и електронски медиуми во Македонија.
 
 

ОДИХР-ОБСЕ:Изборите според меѓународните стандарди

osce-odihr 06.04.2009 Изборниот процес во вториот круг во Македонија, ги исполни повеќето меѓународни стандарди и беше подобар од првиот круг, но и покрај тоа остануваат одредени предизвици.

Ова денеска во Скопје го изјави шефот на ОДИХР – ОБСЕ Питер Ајкер во првичната оценка на вториот круг локалните и претседателски избори.

„Задоволни сме што видовме мирна средина и добро организиран изборен ден, иако некои аспекти од кампањата сериозно го намалија квалитетот на изборниот процес“, додаде Ајкер.
 
 

Оценките за изборите исти, резилот нов

izbori-makedonija
28.03.2009 Македонија организираше мирни и демократски, ама не и совршени избори. Тоа не смее да не' залаже, зашто има уште многу регистрирани недостатоци, кои треба да се отстранат заради самите нас, а не поради укажувањата од меѓународната заедница, за да стигнеме до избори какви што прилегаат на европска и демократска држава. Ова беше речено на вчерашната трибина „Избори – новиот критериум за влез на Република Македонија во Европската Унија“, организирана од „Транспарентност – нулта корупција“.
 

Судството во партиски раце

znaknapravdata 27.03.2009 Власта инсталира свој кадар во судовите, а двете најголеми партии ВМРО-ДПМНЕ и СДСМ со голема жестокост не одбираат средства за да остварат политичка доминација во судството.
Вака оценуваат дел од познавачите на оваа област, според кои и покрај напредокот во судството што го констатира Европската комисија, сметаат дека не се ни оддалеку розови. Судството заедно со полицијата и борбата против криминалот и корупцијата беа апострофирани како една од посветлите точки во извештајот на Европската комисија за напредокот на Македонија.
 
 

Македонија има капацитет да спроведе фер избори

27.03.2009 Македонија има капацитет и политичка волја да спроведе демократски избори.

Ова денеска во Скопје го изјави шефот на ОДИХР/ОБСЕ Питер Ајхер, на јавната трибина “Изборите како критериум за влез на Македонија во Европската унија“, што ја организираше Транспарентност-Нулта корупција.

“Македонија покажа дека има доволно капацитет и политичка волја да организира демократски и фер избори“, рече Ајхер, “кога власта и политичките партии имаат волја и решеност“ да го сторат тоа.
 

Известување до медиумите

24.03.2009 "Транспарентност – Нулта корупција" (ТНК) по објавените наоди во дневниот весник "Вечер", поведе постапка за испитување на евентуално постоење судир на интереси во случајот на претседателот на Советот на радиодифузија, г-дин Зоран Стефаноски. ТНК заклучи дека во овој случајнема судир на интереси.  Во прилог е интегралниот текст од мислењето на ТНК.     tnk_-_mislenje_-_srd_-_stefanoski 1012.46 Kb…