Трибина „Начин на евиденција за присутноста на учениците“

 rt25122008

25.12.2008 Отсуството на учениците од наставата во средните училишта ќе биде присутно се додека редовноста не влијае на оценката, и додека поведението нема влијание врз уписот во високото образование, се главните заклучоци од трибината на тема „Начин на евиденција за присутноста на учениците“.

На трибината, организирана од Транспарентност – нулта корупција, со цел да произлезат усогласени ставови за проблемот со  големиот број изостаноци во средното образование, дебатираа директори, наставници и претставници на родителски одбори од средните училишта во Скопје.

Беше посочено дека главна причина за големиот број изостаноци е недоследноста и непримената на законот, нефункционирањето на педагошкиот триаголник наставник – родител – ученик,  недоволниот број на педагози, психолози и социјални работници во училиштата, како и недоволната комуникација меѓу родителите и наставниците.

 

Покана до медиумите

                                       24.12.2008 Во рамките на проектот „Култура на законот наспроти корупција“, “Транспарентност- нулта корупција” организира тркалезна маса која ќе се одржи на 25.12. 2008 (четврток) во хотелот „Континентал’ во Скопје со почеток во 12 часот. На тркалезната маса ќе присуствуваат директори, наставници и претставници од родителски одбори од  средните училишта во Скопје. На тркалезната маса…

Владата подготвува нови реклами

 government
17.12.2008 Откако неодамна во медиумите излезе оглас за доделување договор за јавна набавка за дизајн и изработка на пет ТВ-спота за промоција на Македонија, во Владата има целосен молк за каква рекламна серија станува збор. Одговорот на прашањата каде ќе се прикажуваат петте ТВ-спота, кога ќе почне нивното емитување и колку пари се предвидени за оваа намена се крие како најголема државна тајна.

Така што останува мистерија каде ќе се промовира Македонија како туристички, цивилизациски и археолошки рај. Во весникот „Дневник“ пред две недели излезе огласот за изработка на спотовите за промоција на Македонија како туристичка дестинација, за промоција на Охрид, на македонското вино, на македонските цркви и манастири и за промоција на Македонија како археолошки рај, кој го распиша Генералниот секретаријат на Владата.

 

Барометар на корупција за месец ноември 2008 г.

bistromatno 14.12.2008 Нејасните зделки околу струшкиот хотел „Изгрев“ во кои влезе Македонската православна црква (МПЦ), која никако не успева од излезе од аферата, со седум гласа е најматен настан во ноември анкетата „Бистро – Матно“.

Во анкетата на Независната новинска агенција Макфакс и на невладината организација „Транспарентност – нулта корупција“, во која учествуваа 17 главни уредници во печатени и електронски медиуми во Македонија, немаше предлози за бистри настани.

 

 

Доделување на сертификати на компании со добро корпоративно управување во 2008 година

                                                                            12.12.2008 По повод Светскиот ден за борба против корупцијата – 9 декември, "Транспарентност – Нулта корупција" во соработка со Стопанската Комора на Македонија и Стопанската Комора на Северо-Западна Македонија, во рамки на активностите за имплементација на Декларацијата Нула толеранција за корупцијата, традиционално ќе се доделат сертификати на компании со добро корпоративно управување во 2008…

Известување до медиумите

logo_mkd_jpg_copy                                                   11.12.2008 Невладината организација „Транспарентност-Нулта корупција“ (ТНК) стана акредитиран национален огранок за Република Македонија на глобалната Коалиција за борба против корупцијата Transparency International (TI) со седиште во Берлин, Германија.

„Транспарентност-Нулта корупција“ договорот за акредитација со Transparency International го потпиша на светскиот ден за борба против корупцијата,  9 декември.

Акредитацијата што ја доби ТНК е признание за нејзината успешна двегодишна работа преку бројни програми и активности во борбата против корупцијата, признание кое доаѓа од најрелевантното место, Транспарентност Интернешенл.

 

Направено многу во борбата против корупцијата, но не и за имплементација на антикорупциските закони

wsu409122008.jsp 09.12.2008 Во Македонија е направено многу во однос на борбата против корупцијата. Донесени се добри закони и направени добри институции. Во оваа наредна фаза од борбата против корупцијата слабост ни е имплементацијата на законите.

Ова денеска на Светскиот ден за борба против корупцијата го изјави Слаѓана Тасева, претседателка на невладината „Транспарентност – Нулта Корупција“, која во соработка со У4 – Антикорупцискиот истражувачки центар од Норвешка организира работилница на тема „Градење на граѓанското општество за антикорупциски реформи во Македонија“. 

 

 

Пропадна тендерот за Чебрен и Галиште

powerplant 03.12.2008 Најголемата инвестиција во енергетскиот сектор е на пат да пропадне. Станува збор за изградбата на две хидроцентрали на Црна Река проект за кој беа заинтересирани две големи европски компании.

Владата го поништи тендерот за изградба на Чебрен и галиште поради пропусти во тендерската процедура. Со вакво објаснување е доведена во прашање инвестиција од околу 700 милиони евра.

За учество во проектот се пријавија германски „РВЕ“ и австриски „Вербунд“. Понудите беа отворени уште во април кога работите застанаа.

 

„Транспаренси интернешенел“: Македонија нема напредок во борбата против корупцијата

ti 01.12.2008 БЕРЛИН – Македонија заедно со уште неколку земји во Југоисточна Европа нема постигнато значаен напредок во борбата против корупцијата, тврдат од меѓународниот секретаријат на „Транспаренси интернешенел“ во Берлин. Според програмскиот координатор за Европа, Корнелија Абел, промената на позицијата на земјава на листата на меѓународната организација не ја рефлектира реалната борба со корупцијата.
 
„Политичарите често повеќе внимание му посветуваат на местото на државата на листата, што не кажува многу. Напредокот се гледа во промената во пресметаниот индекс, кој доколку не надминува 0,4 индексни поени, нема значаен напредок во борбата против корупцијата“, вели Абел. Според неа, местоположбата на земјата на ранг-листата се менува поради други фактори, како што се неуспесите на други држави или, пак, додавање нови држави на листата.
 

Коалицијата одржа трибина во Штип

rtstip28112008 28.11.2008 Коалицијата ,,Македонија Нулта корупција,,  ја продолжи својата активност со одржување на трибина  во Штип. Целта на трибината е запознавање на граѓаните со  улогата  на Коалицијата, детектирање на проблемите на корупцијата, односно охрабрување и вклучување на граѓаните во борбарта против оваа појава,   како и   други проблеми со кои се соочуваат овие граѓани во  секојдневието на заедницата во која живеат.

На трибината учествуваа околу 30 претставници од разни невладини организации, локалната самоуправа,  медиуми, како и други учесници  од регионите на овие делови на Република  Македонија.