Банкарски работници и бизнисмени измамници со кредити

whistleblowers.jpg

 06.05.2016 Кираца Трајковска од „Фершпед“, со помош на банкарски службеници во Комерцијална банка, учествувала во финансиска шема на одобрување кредити на бизнисмени, кои воопшто не ги користеле парите, но на крајот заглавиле во долгови од повеќе стотици илјади евра зашто морале да ги вратат. Во слични случаи, со кредити и позајмици биле измамени и други граѓани и сопственици на фирми, по што решиле да ги пријават случаите во „Транспаренси интернешнел“ и во МВР, поради што Јавното обвинителството сега води истрага. Во шемата со банкарските кредити се вмешани и државни институции и судството!

Организацијата „Транспаренси интернешнел“, во последните месеци примила три пријави за работењето на Комерцијална банка. Станува збор за кредити кои банката им ги одобрува на свои клиенти, а потоа се користат за перење пари. Сите случаи ги поврзува тоа што граѓани биле вовлечени во криминален систем на прикриено кредитирање, позајмици, цесии – со цел организирана група да профитира на штета на сопственици на фирми чии потписи и документација биле фалсификувани и злоупотребени. Во моментов, Јавното обвинителство презема активности за да открие кои лица и кои компании стојат зад ваквите случаи кои потврдуваат отсуство на интегритет во финансискиот сектор. Најпрвин е утврдено дека вработени во банката стојат зад нечесните зделки. Случаите се многу слични и покажуваат како „наивните“ граѓани кои со право очекувале доверба од банката биле искористени од моќни фигури и како заглавиле со огромни кредити затоа што формално тие стојат зад кредитите, но парите не ги користеле, односно тие секогаш завршувале на други сметки, повторно по налог на главните играчи.
 
 
Прочитај повеќе

Транспаренси Интернешнл и ТИ Македонија бараат одлагање на изборите и оставка од Претседателот

 

ti.jpg

Берлин/Скопје – 4 мај 2016 г. – Транспаренси Интернешнл, глобалното движење за борба против корупција и неговиот огранок во Македонија побараа оставка од Претседателот Ѓорге Иванов и одложување на закажаните избори за 5 јуни сè додека не биде пречистен изборниот список вo обид да се ограничи широко распространетата корупција што ја парализира земјата.
Македонците излегуваат на улица во протест против очигледниот потег на Претседателот да ги амнестира поранешниот Претседател на Владата, Никола Груевски, и останатите членови на Владата кои се вмешани во таканаречениот скандал со прислушувањето. 
Прочитај повеќе

ЗАКОНОТ ЗА ЗАШТИТА НА УКАЖУВАЧИТЕ СТАПИ НА СИЛА, А ИНСТИТУЦИИТЕ СЕ УШТЕ НЕ СЕ ПОДГОТВЕНИ

Невладината организација Транспаренси Интернешнал Македонија одржа работилница на тема „Нормативната и институционална рамка за заштита на укажувачите во Македонија“

 

rt11042016.jpg

11.04.2016 Законот за заштита на укажувачите стапи на сила на 18 март, но се чини дека институците  надлежни за негово спроведување се уште не се спремни да одговорат на предизвикот, бидејќи допрва ќе ги изготвуваат правилниците и ќе обезбедуваат услови за негово спроведување. Токму затоа невладината организација Транспаренси Интернешнал Македонија во понеделникот одржа работилница на тема „Нормативната и институционална рамка за заштита на укажувачите во Македонија“, на која институците можеа да дадат одговорат дали се спремни за импелментацијата на законот.


Свиркач (whistleblower), или според македонското законодавство, укажувач, е израз за храбар поединец, кој од високо морални причини одлучува, со сиот ризик по сопствената кариера, јавно да проговори за незаконските или неетичките дела направени во некоја компанија или институција.


Законот за заштита на укажувачи стапи во сила како еден од условите што мораше да се исполни според Договорот од Пржино. Со него конечно се гарантира заштитата на тие што ќе пријават сомнеж за незаконско или недозволено постапување со кое се загрозува јавниот интерес.

 

 

 

Прочитај повеќе

Јавна реакција против општиот акт за прекинување на сите кривични постапки

Јавна реакција против општиот акт за прекинување на сите кривични постапки против лица за кои се водат постапки или постојат сомневања дека сториле кривични дела поврзани со политичката криза

 

14.04.2016 Платформата на граѓански организации за борба против корупцијата упатува јавна реакција против одлуката на Претседателот на Република Македонија да донесе општ акт за прекинување на сите кривични постапки против лица за кои постојат докази и сомневања дека сториле кривични дела поврзани со политичката криза, а кои се предмет на работа на Специјалното јавно обвинителство и да помилува политичар кој служи казна затвор.

Претседателот на Република Македонија е должен да го штити интересот на граѓаните за безусловно владеење на правото и за јакнење на правната држава. Во овие услови на политичка криза јавен интерес е непречено спроведување на сите истраги за злоупотреби поврзани со изворите на политичката криза кои во овој момент ги спроведуваат СЈО но и Јавните обвинителства.

 

 

Прочитај повеќе

Мониторинг на трошењата од буџетите и политичките партии во предизборниот и изборниот процес

izbori2016.jpg

 

13.04.2016 Во рамки на проектот “Мониторинг на трошењата од буџетите и политичките партии во предизборниот и изборниот процес” кој го спроведуваат Транспаренси Интернешнл-Македонија (ТИ-М) заедно со Центарот за економски анализи (ЦЕА), во прилог е месечниот извештај за месец март 2016 година.

 

pdf mesechen_izveshtaj_mart_2016 1.25 Mb 

 

 

 

 

Прочитај повеќе

Демант

13.04.2016 Здружението Транспаренси Интернешнел Македонија ги демантира наводите изнесени во веб порталот http://www.zhurnal.mk/, во статијата насловена „Скандал: Амбасадата на Кралството Холандија и Транспарентност Интернационал, ги дискриминира Албанците и албанските медиуми во Македонија? !” објавен на ден 12.04.2016 година (авторот на статијата не е потпишан).

Демантираме дека здружението Транспаренси Интернешнел Македонија прави било каква дискриминација во однос на обраќањето до Албанската заедница во Република Македонија. Сите проектни документи поврзани со наведениот проект “Мониторинг на трошењата од буџетите и политичките партии во предизборниот и изборниот процес” ги има на Албански јазик и можат да се погледнат на следниот линк 

http://transparency.mk/sq/index.php?option=com_content&task=blogcategory&id=25&Itemid=88
 
 
Прочитај повеќе

ПОВИК ДО ДРЖАВНАТА КОМИСИЈА ЗА СПРЕЧУВАЊЕ НА КОРУПЦИЈАТА ДА ГО ПОЧИТУВА ЗАКОНОТ

platforma_logo.png

  12.04.2016 Платформата на граѓански организации за борба против корупцијата упатува јавен повик до Државната комисија за спречување на корупција да го почитува Законот за спречување на корупција врз основа на кој е формирана.  Спроведувањето на тој Закон е нејзина основна надлежност и грижа, а сѐ со цел да го заштити јавниот интерес.
Платформата ја оценува како несоодветна изјавата на претседателот на ДКСК. Неговата постапка со која на прес конференцијата одржана на 6 април 2016 година дозволи само делумен увид во анкетниот лист на поранешниот претседател на Владата на Република Македонија е без законска основа.
 
 
Прочитај повеќе

Работилница:„Нормативната и институционална рамка за заштита на укажувачите во Македонија“

whistleblowers.jpg

 
11.04.2016 Транспаренси Интернешнл – Македонија (ТИ-М) со особена чест и задоволство Ве известува дека на 11 април 2016, (понеделник) со почеток во 10 часот во Хотел „Стоун бриџ“ во Скопје, ќе одржи  работилница на тема „Нормативната и институционална рамка за заштита на укажувачите во Македонија“.

На работилницата присутните ќе имаат можност да се информираат за новиот Закон за заштита на укажувачите, додека претставниците од институции кои се надлежни за имлементацијата на законот ќе дадат краток осврт на новата правната и институционална рамка. Остварувањето на соработка помеѓу надлежни институции и граѓанскиот сектор ќе допринесе кон остварување на нашите заложби во однос на ефикасната заштита на укажувачите и остварувањето на напредокот во борбата против корупцијата во Република Македонија. 
 
 
Прочитај повеќе

СЛАЃАНА ТАСЕВА: Законот за заштита на укажувачите гарантира и силна заштита на работничките права

staseva.png

 08.04.2016 Обврските што произлегуваат од Законот за заштита на укажувачите се голем предизвик за приватниот и за јавниот сектор. Од Законот произлегуваат такви решенија што се во насока на заштита на човековите права и слободи, заштита на работничките права, етичкото корпоративно управување, но и во насока на превенирање на криминалните и коруптивните однесувања и постапувања во компаниите и државните институции. Компаниите и институциите од јавниот сектор треба да бидат свесни дека мора веднаш да започнат со применувањето на обврските што произлегуваат од овој Закон, но и да работат во насока на зајакнување на јавна свест во врска со ова прашање, со што ќе дадат пример во поширок општествен контекст, вели за Академик проф. д-р Слаѓана Тасева, една од подготвувачите на Законот за заштита на укажувачите и претседателка на Транспаренси Интернешнал – Македонија.
 
 
Прочитај повеќе

Реакција до медиуми

izbori2016.jpg

 
28.03.2016 Транспаренси Интернешнел Македонија не се согласува со Ставот на Агенцијата за аудио и аудио-визуелни услуги на Република Македонија според кој таа нема да врши надзор над изборното медиумско претставување на интернет порталите. Причините за тоа, како што се вели во ставот, се тоа што поимот „интернет портали“ не е дефиниран со ниту еден закон, што некои од субјектите не би можеле да бидат опфатени со мониторингот, и што на претходните изборни циклуси Агенцијата не добила забелешки на својата работа од страна на ОБСЕ/ОДИХР.
 
Во рамките на проектот „Мониторинг над трошењето од буџетите и политичките партии во предизборниот и изборниот процес“ ТИ-М утврди дека политичките партии во предизборниот период засилено трошат финансиски средства на интернет огласување. Тоа е знак дека партиите многу сериозно го сфаќаат овој модел на допирање до гласачите и веројатно ќе го користат уште повеќе како што ќе се наближуваат изборите. Оттука, сметаме дека е неопходно Агенцијата за аудио и аудио-визуелни услуги да ги вклучи и интернет порталите во процесот на мониторирање.
  
Прочитај повеќе