ОГЛАС ЗА ВРАБОТУВАЊЕ НА АСИСТЕНТ НА ПРОЕКТ

15.12.2015 Транспаренси Интернешнл –Македонија (TИ-М) има потреба од квалификуван кандидат кои ќе работи во канцеларијата во Скопје за следниво работно место:.

1. Позиција: Асистент на проект

Кандидатите покрај општите треба да ги исполнувааат и следните услови:
–    Диплома за завршено високо образование;
–    Познавање и употреба на англискиот јазик (говор и пишување);
–    Активно користење на MS Office;
–    Одлични комуникациски вештини;
–    Чувство на одговорност во извршувањето на поставените задачи;
–    Креативност, самоиницијативност и способност за работа во тим,
 
 
 

ОГЛАС ЗА АНГАЖИРАЊЕ НА ЗДРУЖЕНИЈА НА ГРАЃАНИ

05.12.2015 Транспаренси Интернешнл-Македонија (ТИ-М) има потреба од ангажирање на здруженија на граѓани на ниво на Република Македонија, со цел имплементација на проектот:  “Мониторинг на трошењата од буџетите и политичките партии во предизборниот и изборниот процес”, финансиран од страна на Амбасадата на Кралството Холандија во Република Македонија.
 
Проектот се реализира во соработка со Центар за Економска Анализа (ЦЕА) и има за цел да реализира мониторинг на трошењата од страна на политичките партии и јавната управа за време на изборите во Април 2016.  
 
Опис: Заинтересираните здруженија да предложат по двајца вработени:1 (еден) од областа на финансиското работење и 1 (еден) од областа на општествените науки (политички науки, правни науки, административно работење и слично) кои ќе бидат ангажирани за имплементација на предвидените проектни активности. Избраните кандидати ќе бидат обучени за спроведување на мониторингот.
 
Период: 6 месеци
 
 
 

Дрвокрадците пустошат со амин на шумарите

whistleblowers.jpg

 13.11.2015 Во екот на грејната сезона, секогаш се актуализира проблемот со шумската мафија. Тогаш повторно стануваат видливи дрвокрадците што роварат по шумите и приватните стоваришта преполни со скапи дрва, а од друга страна зјаат празни складовите во ЈП „Македонски шуми“, каде што канцелариите „крцкаат“ од превработеност.
Покрај тоа што не успева да ја изврши основната функција, претпријатието на своја адреса секојдневно добива обвинувања дека е вмешано во криминалот со дрва. На кој начин се одвива тој, сведочат жителите на струшкото село Радожда. Тие се осмелиле и пријавиле, но нема кој да ги слушне.
 Кражбата на дрва е еден од најисплатливите криминали, бидејќи, годишно, шумската мафија во Македонија заработува околу 12 милиони евра. Ако во текот на годината легално се сечат околу 700.000 кубни метри дрва, според потрошувачката, пресметките покажуваат дека на црно се обезбедуваат најмалку уште 200.000 кубни метри огревно дрво. Овие дрва потоа завршуваат на црниот пазар каде што достигнуваат цена од над 3.500 денари за еден кубен метар.
Овој криминал станува уште поисплатлив ако се има предвид дека во речиси сите случаи досега, според податоците од судовите, дрвокрадците што завршиле пред лицето на правдата добиле условни казни, па затоa се случувало и да го повторат делото, односно од судница повторно да заминат в шума.
 
 

За да заштити моќници, државата заглави во криминалниот стечај на „Медицинска пластика“

wb_logo.jpg

 16.10.2015 Во пресрет на Законот за заштита на пријавувачите на кривични дела, кој произлезе од преговорите на партиите кои се во тек, „Фокус“ пренесува сторија што им се случува во моментов на пријавувачите на криминал. Случајот со стечајниот управник од Тетово, Миодраг Ѓорѓески, е класичен пример како пријавувачите, па макар и да се работи за милионски суми криминал, немаат никаква заштита. На крајот тој останал без работа, а пријавените ги наполниле имотните листови. Неговата документација што ја предал во сите надлежни институции за гонење организиран криминал како никој да не ја прочитал. А таа потврдува дека уште пред да почне стечајната постапка во „Медицинска пластика“ од Тетово, некој го ограбил имотот

Стечајната постапка за „Медицинска пластика“ од Тетово официјално е затворена во јуни 2013 година и е потпишана од стечајниот судија Томислав Бошковски. Тоа значи дека за неколку месеци, или во јуни наредната година истекува рокот од три години, кога институциите можат да покренат судска постапка доколку имаат сознанија и докази дека е сторено кривично дело во период кога се спроведувал стечајот или, пак, годините пред да почне. Со други зборови, ако до јуни 2016 година не се отвори досие за преиспитување на стечајната постапка, таа ќе биде затворена и прогласена за легална, иако според документацијата на официјални државни органи таа е криминална и проследена со многу законски недоследности!
 
 

Странски министри летаат од работа поради корупција, а во Македонија отказот го добиваат пријавувачи

wbconf14102015.jpg

 
15.10.2015 „Транспаренси Интернешенал Македонија“ преку дводневна конференција во Скопје ја потенцираше неопходноста од донесување на квалитетен и сеопфатен Закон за пријавувачите на кривичи дела, или т.н. „свиркачи“. Во Македонија веќе се зборува за подготовка на овој закон, бидејќи ЕУ, како дел од договорот од Пржино, бара тој да биде договорен најдоцна до 20 октомври. Законот за т.н. „свиркачи“ постои во многу земји и има за цел да ги заштитат пријавувачите на корупција во јавните или државните органи.

На вториот ден од конференцијата учество зема и претставник од Државната комисија за спречување на корупција, кој што посочи дека е потребно охрабрување на граѓаните и подигнување на нивната свест за пријавување на случаи на корупција, бидејќи само на тој начин ќе се овозможи владеење на правото. Граѓаните и досега можеа да пријавуваат корупција во Комисијата, но од таму не можат да се пофалат со откриени или решени големи корупциски афери. Можеби и затоа од Комисијата како пример за „свиркач“ кој пријавил корупција беше посочен пример од далечната 2003 година кога Симо Груевски пријави корупција во компанијата во која работеше „Телеком“, афера која и ден денеска нема завршница. Исто така важно е да се потсети дека Груевски не ја доби потребната заштита, туку доби отказ од работното место.
 
 

Конференција за “свиркачи”:Имали време и капацитет за законот за пријавувачи?

wbconf14102015.jpg

 14.10.2015 Транспаренси интернешенал“ преку конференција во Скопје ја потенцира неопходноста од квалитетен и сеопфатен Закон за пријавувачите на кривичи дела. Учесниците два дена ќе дискутираат за потребите од законот, начинот како да се имплементира, да се споредат искуставата со државите кои имаат такви закони и на крајот да се дадат препораки и заклучоци.

Џон Девит од Ирска има учествувано во креирањето на законски модел за заштита на пријавувачите кој е применлив, има позитивни искуства и многу држави го преземаат. Девид е преставник на Транспаренси од Ирска и направи краток преглед на нивниот закон. -Имаме премногу случаи, но најважно е да ја имате вистината кога пријавувате. Не смеете да направите лажно пријавување затоа што и тоа го казнуваме. Не смее да се бараат скриени мотиви на пријавувачите, туку содржината на пријавата и доказите кои им се нудат на институциите. Сега кај нас е доволно „свиркачите“ да имаат добра волја и цврсти аргументи. Примачите на информациите се обврзани да преземат акција затоа што луѓето стравуваат да пријават ако отсуствува акција. Затоа во законското решение мора да се предвиди каква обврска ќе имаат оние кај кои ќе се пријави криминал, анализира Девит.
 
 

Откако не плативме рекет од 50.000 евра, Министерството за земјоделие нѐ уништи!

wb_logo.jpg

 25.09.2015 Рекетот на кој се изложени фирмите, за да можат нормално да функционираат, со години е јавна тајна. Тие ќе ја „освежат“ партијата, локалниот или државниот функционер, а потоа ќе продолжат со работата. Оние, пак, што ќе се спротивстават и ќе одбијат да платат, се соочуваат со секојдневни инспекции, глоби и притисоци, поради кои најчесто самите ставаат клуч на врата. Или ќе платиш, или ќе те нема. Шемата е добро позната, но ретко кој се осмелува за тоа да проговори јавно, или да се осмели да пријави.
Неодамна, од презентираните прислушувани разговори кои ги објави СДСМ, јавноста имаше можност да слушне како и владини функционери зборуваат за рекетот кој го вршат нивни соработници.
 
 

Call for recruiting Project assistant for communication and advocacy

16.09.2015 Transparency International Macedonia has opened the call for recruiting a Project assistant for communication and advocacy in the framework of the project “Strengthening National Integrity Systems in the Western Balkans, and tracking developments of anti-corruption efforts” which is a regional project  implemented by Transparency International in seven countries of the Western Balkans and Turkey.

 

 Expected duration of assignment: in the period of October 2015 – June 2017

 

 

 

 

Емисија 360 степени – Тема “whistleblowers”

14.09.2015 Темата на на емисијата „360 степени“ на ТВ Алсат-М се т.н. "whistleblowers“ – луѓе кои решиле да проговорат за криминал, корупција или друго незаконско постапување во средината во која работат или живеат.

Гости во се Слаѓа Тасева од Транспаренси Интернешнл – Македонија, која раководи проект токму за "whistleblowers“ и Иџет Мемети, народен правобранител на РМ. Омбудсманот ќе го прашаме и за другите препораки од Европската комисија и за тоа до каде е неговата истрага за случајот со прислушувањето. Во емисијата ќе го слушнете српското искуство на оваа тема, преку омбудсманот на Србија, Саша Јанковиќ.  

Покана за учество во Фокус група

11.09.2015 Транспаренси Интернешнл-Македонија Ве поканува да учествувате во фокус група на ден 17.09.2015 година во 16:00 часот во просториите на организацијата на ул. Наум Наумовски Борче бр.58 во Скопје.

Целта на фокус групата е  да се издвојат ставови и мислења во врска со причината која ги мотивира граѓаните да пријавуваат или да не пријавуваат корупција, случаи на незаконито и недозволиво постапување или едноставно да се обратат за помош до институциите.

Вашето присуство можете да го закажете со јавување на следниот телефонски број(02) 3217-000 или по мејл на info@transparency.mk  

Состанокот ќе биде од затворен карактер.