02.10.2008 Евроинтеграцискиот процес на Македонија зависи од напредокот што ќе се направи во имплементацијата на политичките критериуми, а кои бараат стабилни институции и гарантираат демократија и владеење на правото.
Ваква порака денеска во Брисел добил македонскиот претседател Бранко Црвеновски на средбата со еврокомесарот за проширување Оли Рен.
24.09.2008 Како да се изгради квалитетен систем на оценување на учениците со кој ќе се искоренат фиктивните оценки несоодветни на реалното знаење и вештини. Оваа негативна појава во македонскиот образовен систем е во тесна врска со корупцијата зашто истражувањата потврдуваат дека има случаи на купување високи оценки.
„Транспарентност – нулта корупција“ за овој проблем денеска организираше тркалезна маса на тема „Начин на следење, проверување и оценување“, на која претседателката Слаѓана Тасева посочи дека сите чинители вклучени во воспитно-образовниот сиситем, учениците, наставниците и родителите, треба да имаат изграден интегритет – норми и култура на однесување и етика, кои се критериуми за вистинска проверка и оценка на знаењето.
Постојаната висока корупција во земјите со низок приход достигнува до “постојана хуманитарна катастрофа“
Берлин, 23 Септември 2008 – Со земји како што е Сомалија и Ирак помеѓу оние што го покажуваат највисокиот степен на перцепирана корупција, Transparency International (TI) Индекс на Перцепција на Корупцијата (ИПК) за 2008 година, промовиран денес, ја истакнува фаталната поврзаност помеѓу сиромаштијата, неуспехот на институциите и подмитувањето. Но други значајни поместување надолу во Индексот за 2008 кој индицира дека јачината на надзорните механизми е исто така под ризик помеѓу најбогатите држави.
Методологија_на_ИПК2008 109.08 Kb
ИПК_најчесто_поставувани_прашања 165.54 Kb
22.09.2008 Невладината организација "Транспарентност – нулта корупција", контакт членка на Transparency International, на ден 23.09.2007 (вторник) ќе одржи прес- конференција во Хотелот Континентал (казино сала), со почеток во 10 часот. На прес- конференцијата ќе се презентираат резултатите од Индексот на перцепција за корупцијата (ИПК) во 2008 година којшто го објавува глобалната коалиција за борба…
20.09.2008 Македонија бележи напредок во спроведување некои од реформите неопходни за интеграција во ЕУ, но мора да работи уште на политичките критериуми, оцени Петтиот комитет за стабилизација и асоцијација меѓу Македонија и ЕУ. Претставниците на Европската комисија, предводени од Пјер Мирел, директор во Директоратот за проширување, најмногу забелешки имаа за функционирањето на политичките институции, за начинот на кој беа спроведени изборите, како и за донесувањето закони со итна постапка во Собранието.
20.09.2008 Останува тајна кој ги финансираше кампањите на политичарите за време на вонредната изборна трка. Со тенки извештаи, кои повеќе личат на сметки од бакалница, а не и на сериозен отчет, партиите јасно ставаат на знаење дека не дозволуваат влез во трага на парите. Наспроти законската обврска, во последните два изборни циклуса, 2006 и 2008, политичарите ги кријат спонзорите кои плаќаат за спектакуларни митинзи, скапи телевизиски спотови, рекламен материјал, маркетинг-агенции…
Јавноста останува без одговори кој, како и зошто инвестира во избори. Невладините тела редовно повторуваат колку е важна отвореноста. На ова потсетуваат и ОБСЕ/ОДИХР за кои молчаливоста на учесниците во изборната трка е недозволива.
10.09.2008 Македонија е рангирана на 71 место на листата “Doing Bussiness” на Светската банка за 2009 година, што е за осум скалила подобро во однос на минатата година.Македонија, според извештајот, го подобрила бизнис опкружувањето со новиот закон за заштита на податоци, со воведување на системот за електронска распределба на случаи во судовите, како и со активирање на трговскиот суд.
Исто така се нагласува дека данокот на добивка е намален на 10 насто од почетокот на 2008 година, а реформата на Катастарот го намалила времето за регистрирање на имот од 98 на 66 денови.
10.09.2008 Донесувањето на измените на Законот за енергетика, дури во трет обид, и пречекорувањето на политичките партии на лимитите за финансирање на кампањите се, речиси рамноправно, најматни настани во август.
Ова е оценка на 17 главни уредници во највлијателните печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“.
Според гласањето, најбистар настан, е поднесување на кривична пријава против вработен во Фондот за здравствено осигурување, обвинет за измама.
05.09.2005 На иницијатива на “Транспарентност – Нулта корупција”, во рамките на проектот “Култура на законот наспроти корупцијата 2008” на ден 04.09.2008 г. е основана КОАЛИЦИЈА МАКЕДОНИЈА НУЛТА КОРУПЦИЈА. Членови на оваа Коалиција се 18 невладини организации од целата територија на Република Македонија, кои исклучиво се занимаваат со унапредување на демократските процеси на земјата. Коалицијата има за цел да се зајакне граѓанскиот сектор во делот на борба и превентива против корупцијата, развивање на системот на добро владеење на локално ниво, создавање на поволен амбиент за економски развој и квалитетни странски инвестиции, зајакнување на капацитетите на антикорупциското делување на граѓанското општество, остварување на соработка со соодветни ислични организации во регионот, како и подобрување на животот на граѓаните.
19.08.2008 Дали на Владата ќе и' се случи ОКТА по втор пат? Измените во Законот за енергетика, кои неделава треба по трет пат да се изгласаат во Собранието, можат да ја чинат државата повеќе стотици милиони евра. Како што дознаваме неофицијално, ЕВН-ЕСМ најверојатно ќе ја тужи Владата пред меѓународните судови поради измените кои ќе и' донесат финансиска штета на компанијата. Според наши извори, ЕВН-ЕСМ не седи со скрстени раце, подготовките за тужба се во тек, се чека само измените да бидат објавени во „Службен весник“ за да може потоа официјално да се реагира. Главниот адут на компанијата ќе биде прекршувањето на Договорот меѓу Македонија и Австрија за поттикнување на инвестициите, склучен во 2002 година. Бидејќи со законските измени се менуваат условите за стопанисување, што ќе и' донесе на компанијата загуби, наместо профит. Според некои пресметки , признавањето само на 11 отсто од загубите ќе и' донесе на компанијата загуби од околу 20 милиони евра годишно. На ова од ЕВН-ЕСМ предупредија уште лани есента, кога беа донесени законските измени. 
