Основците учат како да се откажат од слободата!

 citizens.jpg

 

 

 

 

 

 

 

 

05.11.2014 Убаво стокмени корици со многу фотографии, примери и фино објаснета цел е првиот впечаток кога ќе го земете в раце учебникот по граѓанско образование за осмо одделение. Учениците, барем според описот во наставната програма, треба да научат како функционира современото општество, да учат за придобивките во областа на човековите права и слободи и нивната непосредна заштита.

Зборот „слобода“ дури и премногу често се спомнува во наставната програма по овој предмет – сето тоа со цел на 14-годишните идни академски граѓани да им се развие свеста што значи власта, но истовремено и што значи слободата, што значи моќта, но и како таа може да се злоупотреби.

И дотука сè е во ред, додека не стигнете до 14-та страница од учебникот, кога наидувате на дел кој во целост се коси со она што треба да значи „слобода на граѓанинот“.

Во лекцијата за „лојални граѓани“, меѓу другото, се вели дека „лојалните граѓани секогаш се подготвени да ги следат правилата и прописите во општеството и ПО ЦЕНА ДА МОРААТ ДА СЕ ОТКАЖАТ ОД СВОИТЕ СЛОБОДИ“!

 

 

Потпишана Декларација за слобода на медиумите

rt04112014-1.jpg 04.11.2014 Медиуми, невладини организации, други субјекти и поединци, потпишаа денеска Декларација за принципи за остварување на медиумската слобода во Република Македонија.
„Ние долупотпишаните претставници на медиумите и на невладиниот сектор сакаме да ја искажеме нашатa цврста определба за почитување и промовирање на принципиелни ставови во врска со медиумскиот сектор и потребата од негово реформирање, со крајна цел да се постигне посакуваната слобода на медиумите и правото на јавноста да биде информирана“ – се вели на почетокот на Декларацијата.
Документот го потпишаа шест медиуми, четири невладини организации, Самостојниот синдикат на новинари и медиусмки работници, една политичка партија и повеќе новинари поединци, како и други граѓани.
 
 
 
 

Покана

Потпишување на „Декларација за промовирање на принципиелни ставови за остварување на уставно и законски гарантираната слобода на медиумите во РМ”

03.11.2014 На 4 ноември 2014, во вторник, во хотелот Стоунбриџ во Скопје, со почеток од 11 часот, Transparency International Macedonia (ТИ – Македонија) има чест да Ве покани на потпишување на „Декларација за промовирање на принципиелни ставови за остварување на уставно и законски гарантираната слобода на медиумите во РМ”.


Оваа иницијатива е дел од проектот за поддршка на независни медиуми во РМ, што го спроведува Транспаренси Интернешнл-Македонија заедно со британската НВО ЕРИС, а е поддржан од Европската Унија, преку инструментот EIDHR.

 

 pdf deklaracija 209.15 Kb

 

 

 

Оглас за работни места во ТИ Македонија

03.11.2014 Транспаренси Интернешнл –Македонија (TИ-М) има потреба од квалификувани кандидати кои ќе работат во канцеларијата во Скопје за следниве работни места:.

1. Позиција: Координатор на проект/Правен советник – 1 кандидат

Кандидатите покрај општите треба да ги исполнувааат и следните услови:
–    Релевантна диплома по правни науки (седми степен);
–    Положен Правосуден испит
–    Искуство стекнато со работа се смета за предност.
Дополнителни особини, искуства и вештини:
–  Разбирање на културни разлики и тимска работа;
–  Одлични комуникациски вештини,
–  Искуство во донесување на одлуки – раководење и менаџирање;
–  Искуство и вештина во комуникација со граѓани,
–  Работа со претставки;
–  Работа со компјутер и самостојно користење на софтвер за пишување, табеларни прегледи,  електронска размена на информации и комуникација;
–    Способност за подготовка на извештаи, статистички прегледи;
–    Одлично познавање на англискиот јазик.

 

 

 

ТИ-М ќе го истражува системот на националниот интегритет во Македонија

1nis29102014.jpg29.10.2014 „Зајакнување на системот за национален интегритет и следење на развојот во анти-корупциските напори“ е новиот проект на Транспаренси Интернешнл – Македонија (ТИМ) кој денеска беше официјално претставен во Скопје во Делегацијата на Европската Унија(ЕУД).
Проектот е регионален и ќе го водат националните ограноци на Транспаренси Интернешнл во Западен Балкан и Турција, во соработка со централата на ТИ во Берлин, а е поддржан од Европската Унија. Тој  има за цел да го процени интегритетот на институциите и други чинители во 15 области, по што ќе следат препораки за подобрување на состојбите во секоја област одделно.
Претседателката на ТИ-М   д-р. Слаѓана Тасева, презентирајќи го проектот, истакна дека тој треба да ги открие и силните и слабите точки во целиот систем, по што извештајот со препораки треба да има употребна вредност.

 

 

Транспаренси интернешнл: Проект за зајакнување на националниот интегритет

29.10.2014 Транспаренси интернешнл почнува проект „зајакнување на системот за национален интегритет во земјите од западен Балкан и Турција и следење на развојот на антикорупциските напори“. 

 

Овој регионален проект поддржан од Европската унија опфаќа следење на институциите во една земја во однос на нивниот интегритет, транспарентност и отчетност.
 

     
IZJAVI SLAGANA TASEVA I AIVO ORAV by 24vesti

ТИ Македонија ре-акредитирана во глобалната коалиција “Transparency International”

ti.jpg
 
28.10.2014 На последниот годишен состанок на “Transparency International” оддржан во Берлин во месец Октомври 2014 година, Транспаренси Интернешнл – Македонија се стекна со  ре-акредитација за наредните три години и со тоа ги исполни сите критериуми да биде полноправна членка во глобалната коалиција за борба против корупцијата “Transparency International”.

На истиот состанок е избран и нов претседател на “Transparency International” г-дин Хозе Угаз од Перу и потпретседател г-ѓа Елена Панфилова од Русија.

 
 

ДКСК одбива да соработува со ТИ Македонија

 dksk10102014.jpg10.10.10 Транспаренси Интернешнaл – Македонија (ТИ-М) неодамна започна да го имплементира регионалниот проект "Зајакнување на Националниот систем на интегритет во земјите од Западен Балкан и Турција, и следење на развојот на анти-корупциските напори. Проектот е финансиски поддржан од страна на Европската Комисија и ќе се спроведува во соработка со Транспаренси Интернешнал – Секретаријатот, во шест земји од Западен Балкан (Албанија, Босна и Херцеговина, Косово, Македонија, Црна Гора, Србија) и Турција.


Националниот систем на интегритет (НСИ) на Транспаренси Интернешнал е алатката за проценка, на сите клучни актери во борбата против корупцијата и се однесува на нивниот интегритет, транспарентност и отчетност. НСИ проценката обезбедува детална евалуација на силните и слабите страни на овие институции во форма на сеопфатен извештај за земјата кој вклучува сет на квантитативни индикатори за секоја институција.

 

 Државната Комисија за Спрешување корупција (ДКСК) одби да соработува со ТИ Македонија за да даде придонес во насока за квалитетно и сеопфатно истражување.

 

ТИ Македонија се надева дека во иднина ДКСК ќе може  да посвети повеќе внимание и ресурси на анти-корупциските активностии кои се иницираат од невладиониот сектор.

 

 

Шести „стент“ од Брисел за излез од македонската стагнација

 mac-euflag.jpg08.10.2014 Без големи изненадувања беше дочекан годинашниот извештај на Европската Комисија за напредокот на Македонија. Политичко-експертската јавност во забелешките на ЕК гледа сериозни знаци на загриженост на Брисел за состојбите во земјата.

Аналитичарите сметаат дека со шестата по ред препорака за преговори со ЕУ, Македонија добива само уште еден „стент“ за поттикнување на суштински напредок и реформи, кои би ги оживотвориле критериумите неопходни за интеграција на земјата во европското семејство.