Оценките за изборите исти, резилот нов

izbori-makedonija
28.03.2009 Македонија организираше мирни и демократски, ама не и совршени избори. Тоа не смее да не' залаже, зашто има уште многу регистрирани недостатоци, кои треба да се отстранат заради самите нас, а не поради укажувањата од меѓународната заедница, за да стигнеме до избори какви што прилегаат на европска и демократска држава. Ова беше речено на вчерашната трибина „Избори – новиот критериум за влез на Република Македонија во Европската Унија“, организирана од „Транспарентност – нулта корупција“.
 
Прочитај повеќе

Судството во партиски раце

znaknapravdata 27.03.2009 Власта инсталира свој кадар во судовите, а двете најголеми партии ВМРО-ДПМНЕ и СДСМ со голема жестокост не одбираат средства за да остварат политичка доминација во судството.
Вака оценуваат дел од познавачите на оваа област, според кои и покрај напредокот во судството што го констатира Европската комисија, сметаат дека не се ни оддалеку розови. Судството заедно со полицијата и борбата против криминалот и корупцијата беа апострофирани како една од посветлите точки во извештајот на Европската комисија за напредокот на Македонија.
 
 
Прочитај повеќе

Македонија има капацитет да спроведе фер избори

27.03.2009 Македонија има капацитет и политичка волја да спроведе демократски избори.

Ова денеска во Скопје го изјави шефот на ОДИХР/ОБСЕ Питер Ајхер, на јавната трибина “Изборите како критериум за влез на Македонија во Европската унија“, што ја организираше Транспарентност-Нулта корупција.

“Македонија покажа дека има доволно капацитет и политичка волја да организира демократски и фер избори“, рече Ајхер, “кога власта и политичките партии имаат волја и решеност“ да го сторат тоа.
 
Прочитај повеќе

Известување до медиумите

24.03.2009 "Транспарентност – Нулта корупција" (ТНК) по објавените наоди во дневниот весник "Вечер", поведе постапка за испитување на евентуално постоење судир на интереси во случајот на претседателот на Советот на радиодифузија, г-дин Зоран Стефаноски. ТНК заклучи дека во овој случајнема судир на интереси.  Во прилог е интегралниот текст од мислењето на ТНК.     tnk_-_mislenje_-_srd_-_stefanoski 1012.46 Kb…

Прочитај повеќе

Известување

ti_m_eng 13.03.2009 Во рамките на активностите за мониторирање на претстојните претседателски и локални избори кои во Република Македонија ќе се одржат на 22 март 2009 година, претседателот на Транспарентност-Нулта корупција Доц. д-р Слаѓана Тасева оствари средба со претседателот на Советот за радиодифузија на Република Македонија,  г-дин Зоран Стефаноски.

Средбата беше одржана на 13.03.2009 год. (петок), во просториите на СРД.

Главна тема на средбата беше  следењето  на изборниот процес кој процес претставува голем предизвик на Република Македонија кон процесот на Европските интеграции.

 

.

Прочитај повеќе

Избирачки список полн со сомневања

 izbori-makedonija
10.03.2009 За петнаесетина години во Македонија речиси ќе се израмнат бројот на населението и бројот на гласачите ако продолжи трендот од последните три циклуси на претседателските избори, покажуваат статистичките податоци. Статистичарите посочуваат дека претстојните избори укажува оти на прво на глас ќе имаат дури 87,6 отсто од вкупното население за кое се води евиденција во земјава. Тоа е најголемиот процент досега забележен на изборите во Македонија. Од последната процена на Републичкиот завод за статистика дека во земјава има 2.045.177 жители, а право на глас имаат дури 1.792.082 граѓани, произлегува дека имаме само 253.095 малолетни лица. Мошне високиот процент на луѓето со право на глас е резултат на трендот на порастот на бројот на полнолетните лица од цели четири отсто, кој се забележува од изборите во 1999 година. Тогаш процентот на гласачите во вкупниот број на жители изнесуваше 79,6 отсто, а пет години подоцна тој процент беше 83,2.
 
 
Прочитај повеќе

На Владата никако да и’ тргне со „Чебрен“ и „Галиште“

cebren 10.03.2009 Наспроти последните еуфорични најави на Владата за важноста на инвестициите во енергетиката, за што до 2016 година се планираат инвестиции од околу 4 милијарди евра, повторно дојде до пролонгирање на рокот за доставување на понудите за ХЕЦ „Чебрен“ и „Галиште“. Во своето соопштение Министерството за економија информира дека повторно се направени измени и дополнувања на рокот за доставување на пријавите и наместо до 19 март 2009 година, тој се продолжува до 15 април годинава.

Нема подетални информации за причините за одложувањето на рокот. Можно е тоа да е последица на реакциите, односно на забелешките на околу 20 енергетски компании што тие неодамна ги искажаа на заедничката средба, поточно презентација во Министерството за економија. Таа беше организирана со цел да се слушнат сугестиите, забелешките и размислувањата на инвеститорите за тендерските услови за тој да биде успешен и да побуди интерес кај компаниите.

 

Прочитај повеќе

Барометар на корупција за месец февруари 2009 г.

bistromatno 08.03.2009 Владината критика врз „непатриотското“ медиумско известување и тендерот за изградба на Хидроелектраните Чебрен и Галиште се најматни настани за февруари.

Двата предлога добија по шест гласови во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“, во која учествуваа 16 главни уредници на печатени и електронски медиуми во Македонија.
 
 
Прочитај повеќе

Известување

05.03.2009 Здружението на граѓани “Транспарентност – Нулта Корупција“ (ТНК) ги известува сите граѓани на Република Македонија кои имаат притисоци од било кој облик, поврзани со гласањето на претстојните локални и претседателски избори, дека можат анонимно да пријават на телефонскиот број 02/3217-000 или на веб страната на ТНК – www.transparency.org.mk   Овие анонимни јавувања на граѓаните…

Прочитај повеќе

ОБСЕ: Загрижувачки изборни притисоци

 osce-odihr
04.03.2009 Загрижувачки обвинувања за притисоци врз поединци добила Мисијата на ОБСЕ/ОДИХР, која ќе ги набљудува претстојните избори во земјава, се посочува во преодниот извештај на Мисијата, која ја проблематизира точноста и Единствениот избирачки список.

„Особено се загрижувачки обвинувањата за закани по работното место на вработени во владини институции, за укинување на пензии или на станарини на лица што искажале поддршка за опозициски кандидати за кои ги дале своите потписи“, се посочува во извештајот кој го опфаќа периодот од 13 до 25 февруари годинава.

 
 
Прочитај повеќе