Соопштение за медиумите

Настан: Презентација на препораки од Проектот: „Проценка на ранливост од корупција во политиките и постапките за вработување, со посебен фокус на непотизам, кронизам и клиентелизам“
Место: Хотел Мериот – Скопје. 
Време: 24 септември 2020 година, 13:30 часот
Институција: Државна комисија за спречување на корупцијата 
во соработка со МИОА и НВО Транспаренси Интернешнл Македонија
Линк до настанот на ZOOM (Македонски јазик )  https://us02web.zoom.us/j/83464380195
Link to the event on ZOOM (English languaqe) https://zoom.us/j/93716083317 

Законски решенија и подзаконски акти кои оставаат простор за дискреција при регрутација на кадар во јавниот сектор, како и при унапредување и наградување на вработените, не прецизирана постапка за избор, отчетност и разрешување на директори и членови на управни одбори, не ефикасност и не ефективност на контролните механизми во постапките за вработување (издавање одобренија и согласност, образложени одлуки, запознавање на јавноста со преземените мерки односно исходите од спроведените инспекциски надзори) дисперзија во платите на вработените во јавниот сектор, диспропорција во однос на број на вработени, користење на привремените вработувања како можност за заобиколување на редовната постапка за избор на кандидати, неефикасна и не ефективна обука на вработените во јавниот сектор, користење на подзаконските акти како можност за вработување на нестручен кадар, распишување на огласи во предизборие, формирање на органи за само едно лице, се само дел од нотираните слабости или ранливи точки во службеничкиот систем во РСМ.
 
Сите препораки ви се достапни во следните ПДФ табели: 
 
 
 
 
 
 
 
Прочитај повеќе

Презентација на резултати од проценка на ранливост од корупција во постапките на вработувања


22.092020 Државната комисија за спречување на корупција и Транспаренси Интернешнл-Македонија Ве покануваат да бидете дел од настанот на кој ќе бидат објавени резултатите од проектот: „Проценка на ранливост од корупција во политиките и постапките за вработување, со посебен фокус на непотизам, кронизам и клиентелизам“, кој ќе се одржи на 24 септември 2020 со почеток во 13:30 часот.
Проектот е финансиски поддржан од Амбасадата на Кралството Холандија.  
 
Агенда за настанот : pdf agenda_na_prezentacija_24092020 678.20 Kb 
 
Настанот може да се следи на следниот линк  https://us02web.zoom.us/j/87062097582
 
 
 
 
Прочитај повеќе

Солидарност со луѓето од Белорусија

Заедничко соопштение на Транспаренси Интернешнл ограноците од Европа и Централна Азија

17.08.2020 Транспаренси Интернешнл ограноците од Европа и Централна Азија се во солидарност со луѓето од Белорусија коишто бараат крај на авторитарната власт на државата по изборите коишто меѓународната заедница ги осуди како наместени. 
 
Белорусија е често карактеризирана како последниот диктаторски режим во Европа. Автократите како претседателот Александар Лукашенко мислат дека можат да ја игнорираат волјата на луѓето и управуваат со моќта преку репресија и употребата на насилство. Моменталната политичка криза е кулминација на желбите на обичните луѓе коишто бараат промена и почит за нивните права. 
 
Напредокот, вклучувајќи го и анти-корупцискиот напредок, е невозможен без основна почит за човековите права и демократските норми, вклучувајќи и несогласувања во мислењата. Неодамнешниот развој на граѓанското општество и растот на независните медиуми – коишто се таргетирани за време на овие протести – овозможуваат надеж дека Белорусија е во последните денови како последен диктаторски режим во Европа. 
  
Прочитај повеќе

„Транспаренси интернешнел“: Македонија нема антикорупциски мерки за помошта од ММФ за ковид-19

ti.jpg

 
05.08.2020 Македонија е една од 21 држави кои не навеле никакви конкретни антикорупциски мерки и мерки за транспарентност во договорите со Меѓународниот монетарен фонд (ММФ) за финансиска помош за справување со последиците од ковид-19, наведува „Транспаренси интернешнел“ во анализа на кризните фондови на ММФ. Според „Транспаренси“, Македонија во моментов за справување со последиците од пандемијата користи 191 милион долари од ММФ, од кои 176 се добиени во април преку Инструментот за брзо финансирање.

Од 81 земја кои добиле финансиска помош од фондот на ММФ за справување со пандемијата, 57 имаат „некакви антикорупциски мерки“, 21, меѓу кои и Македонија, немаат антикорупциски мерки или мерките се немерливи и не се конкретни, а за три земји проценката била во тек на 29 јули, кога е објавена конечната анализа. Според „Транспаренси“, ММФ со 126 договори доделил повеќе од 83 милијарди долари од фондот од еден трилион долари.
 
 
Прочитај повеќе

Извештајот „Транснационални пипала – глобални жаришта на балканскиот организиран криминал“

24.07.2020 Глобалната иницијатива против транснационалниот организиран криминал (ГИ-ТОК) го објавува извештајот наречен „Транснационални пипала“ кој ги разоткрива глобалните жаришта на организираниот криминал во кој се вклучени групи од Западен Балкан.

Иако Западен Балкан често се претставува како жариште на недозволена активност, регионот е релативно мал пазар за организираниот криминал. Големите пари лежат на друго место. Овој извештај покажува зошто и како групите од Западен Балкан се вплеткал во организираниот криминал во странство, особено во Јужна Африка, Турција, Австралија, како и во некои земји од Латинска Америка и Западна Европа. 
 
 

За примерок од извештајот, кликнете овде.

 

 

Прочитај повеќе

Соопштение до медиумите и јавноста

Транспаренси Интернешнел Македонија до Основното јавно обвинителство во Скопје поднесе кривична пријава во врска со незаконските исплати од Агенцијата за филм

 

06.07.2020 Кривичната пријава е поднесена против вршителот на должност Директор на Агенцијата за филм на Република Северна Македонија за сторено кривично дело злоупотреба на службената положба, казниво по член 353 став 1 и 5 од Кривичниот законик, а во врска со член 34 од Законот за филмската дејност.

 

Информациите за овој настан се обезбедени преку медиумите, а како прилог до Јавното обвинителство се доставени електронски и отпечатени верзии на извештајот од истражувачко новинарство објавен од Радио МОФ на 25.06.2020, како и извештајот објавен на порталот Сакам да Кажам објавен на 26. 06. 2020 година:

 

https://bit.ly/2Z28gW5          https://bit.ly/2ZH7hcT

 

Кривичната пријава е поднесена од Транспаренси Интернешнел Македонија заради тоа што не добивме впечаток дека Јавното обвинителство ќе го преиспита овој случај по допрен глас, а во објавените новинарски текстови се содржани доволно информации од кои може да се согледаат незаконските дејствија на пријавениот, а објавен е и доказен материјал кој секако претставува јавна информација и не би ја загрозил идната истрага. 

   

 

 

Прочитај повеќе

Случајот Банки во Годишниот извештај на Народниот Правобранител за 2019 година

Транспаренси Интернешнел Македонија го поддржува ставот на Народниот правобранител за степенот на обезбедувањето почитување, унапредување и заштита на човековите слободи и права во постапките во Јавното обвинителство
12.06.2020 Народниот правобранител, во Годишниот извештај за степенот на обезбедувањето почитување, унапредување и заштита на човековите слободи и права за извештајната 2019 година констатира дека поплаките кои се однесуваат на работата и постапувањето на Јавните обвинителства во Република Северна Македонија се во помал број во однос на поплаките во претходната година. Сепак, забелешките во однос на долготрајноста на предистражните постапки кои се водат пред Основните јавни обвинителства и неинформирањето на граѓаните – подносители на пријави за текот на истите, останува проблем карактеристичен и за овој извештаен период.

Имено, за случајот „Банки„ или случај “Кубус” започнат по пријава на оштетениот пред МВР и од таму доставен во Основно јавно обвинителство Скопје за повеќе кривични дела, меѓу кои, „Измама“, „Злоупотреба на службената положба и овластување, како и  за кривично дело „Злосторничко здружување“, и „Перење пари  и други приноси од казниво дело“, во 2013 година, ова јавно обвинителство побара решавање на судир на надлежност пред Вишото јавно обвинителство, кое во септември 2019 година донесе решение со кое за стварно надлежно го огласи Основното јавно обвинителство за гонење на организиран криминал и корупција. 
 
Прочитај повеќе

КОВИД-19: Државите мора да обезбедат транспарентност и усогласеност со анти-корупциските одредби

uncac-coalition.jpg
 
Ефикасно спроведување на Конвенцијата на Обединетите нации против корупцијата е поважно од било кога
 
22.05.2020 UNCAC Коалицијата ги повикува владите да обезбедат висок степен на транспарентност во нивното справување со здравствената и економската криза предизвикана од КОВИД-19 пандемијата, со цел нивните заложби да бидат поефикасни и да ги намалат последиците предизвикани од корупција и измами. 
 
Транспаренси Интернешнл – Македонија како членка на UNCAC Коалицијата во повеќе наврати укажа за заложбите коишто ги презема за време на КОВИД-19 пандемијата преку јавни соопштенија преку медиумите и социјалните медиуми, како и на активностите коишто заеднички ги спроведува во рамки на Платформата на граѓански организации за борба против корупцијата. 
 
Како што многу држави мобилизираат огромни суми во своите кризни фондови со цел справување со кризата, на јавноста, граѓанското општество и медиумите мора да им биде обезбедена слобода во набљудувањето и евалуацијата на тоа како се трошат јавните ресурси. 
 
 
Прочитај повеќе