Вести

 11.07.2013 Во Република Македонија постои слаба правна рамка и уште послаба практика во обезбедување на веродостојноста на финансиските извештаи на политичките субјекти кои учествуваат во изборите. Едновремено постои многу добра правна основа но изразено слаба примена на одредбите кои се однесуваат на транспарентноста и на државниот надзор над финансирањето на политиката за време на избори.

За проектот
Во период од три години (2010 – 2013) Транспаренси Интернешнл – Македонија во рамки на проектот КРИНИС – “Осветлување на парите во политиката” спроведе две истражувања и низа други активности насочени кон подигање на свеста, подобрување на легислативата и практиката во однос на транспарентноста на парите во политиката. Целта на овој проект беше да се постигне повисок степен на транспарентност и институционални промени преку вклучување на сите клучни засегнати страни и преку вреднување на практиките кои се спроведуваат при политичките финансирања.
Проектот се реализираше преку методологија утврдена од страна на Транспаренси Интернешнел, позната како Кринис методологија, која што вклучува следење на два различни вида на политичко финансирање и тоа: редовното финансирање на политичките партии и финансирањето на изборна кампања за парламентарни или претседателски избори.
Резултатите од првото истражувањето ги презентиравме во 2011 година, а резултатите презентирани во публикацијата: “Купување влијание: Парите и политиката во Република Македонија”, се однесуваат само на транспарентноста на финансирањето на политичките партии за изборната кампања на вонредните парламентарни избори во 2011 година.

 kupuvanja_vlijanie_-_parite_i_politikata_vo_rm 1.41 Mb

 26.06.2013 Транспаренси Интернешнл – Македонија организираше тркалезна маса на тема: “Граѓаните во борба против корупцијата” која се одржа на 26.06.2013 година во Штип, во Хотел Оаза.
Воведно обраќање на настанот имаше Д-р Слаѓана Тасева, Претседател на Транспаренси Интернешнл – Македонија, како и Градоначалникот на Општина Штип М-р Илчо Захариев.   Потоа следеше презентација  за досегашната работа на Центрите за совети и правна помош во изминатите 10 месеци, каде со посебен осврт се истакна имплементацијата на бесплатни телефонски линии за пријавување на корупција и имплементација на Законот за јавна внатрешна контрола.
Присутните граѓани во текот на дискусијата ги нагласија проблемите со корупција во правосудството и работата во управните органи.
Од тука произлезе и заклучокот дека граѓаните во борбата против корупцијата сè повеќе се вклучуваат самоиницијативно, но помошта ја бараат од канцелариите на „Транспаренси интернешнл“ – Македонија.

– Анализите говорат дека македонските граѓани сè повеќе ни веруваат и наместо кај Антикорупциската комисија, претставки доставуваат до нашите канцеларии, вели Слаѓана Тасева, претседател на „Транспаренси интернешнал" – Македонија.

25.06.2013 Хрватска треба да го направи финансирањето на политичките партии повеќе транспарентно со цел да ја зајакне својата демократија со оглед на подготовките за приклучување на Европската унија (ЕУ), се вели во извештајот објавен денеска од Транспаренси Интернешнл. Во извештајот исто така, се повикуваат Албанија, Косово, Македонија и Србија да направат напредок во оваа критична област.

Извештајот: “Купување влијание: Парите и Изборите на Балканот”, предупредува дека недостигот на јавна доверба во политичките партии му се заканува на демократскиот процес на Балканот. Граѓаните во Македонија, Хрватска и Србија на политичките партии гледаат како најмногу корумпирани од дванаесетте јавни институции кои што беа тестирани, според Глобалниот Барометар на корупција за 2013 година, кој што треба да се објави ова лето.

 2013_buyinginfluence_crinisbalkans_en 621.22 Kb

21.06.2013 Ниту еден пријавен случај на корупција во анти корупциските канцеларии на факултетите. Иако постојат повеќе од 3 години, никој не влегол да се пожали дека му е побарано мито.

Јавна тајна е дека услов за полежен испите кај некои професори е купена книга, но студентите тоа го премолчуваат.

Од парламентот се свесни дека канцелариите не функционираат, поставени се на централно место во факултетот, нема дискреција, и ги разбираат колегите кои не пријавуваат од страв да не паднат на испит и изгубат година.

-Канцелариите има недостаток, студентите имаат една поинаква перцепција затао што тие с ена факултетите и  затоа што сметаат дека некој професор ќе ги види и ќе ги етикетира, како еве ги тие студенти кои пријавуваат корупција, изјави Марија Василева-орг.секретар во СПУКМ.