ТИ-Македонија денес отвори трета ALAC канцеларија во Штип

 

p1000264_-_copy.jpg

 
5.11.2012 Од денес во Штип започна да работи третата канцеларија на ТИ-Македонија во која ќе фукционира Центарот за совети и правна помош  (ALAC). 

Оваа канцеларија со канцеларијата во Тетово која беше отворена на 15.10.2012 се имплементира од страна на ТИ-Македонија додека финансиски е подржана од Амбасадата на Кралството Холандија. Првата  ALAC канцеларија беше отворена од страна на ТИ-Македонија во далечната 2003 година во Скопје.  Идејата да се има Центар за совети и правни помош  има за цел активно вклучување на  граѓаните во борбата против корупцијата, во изминатите 10 години се прошир во над 50 земји во светот.

 
 
 
Прочитај повеќе

Покана до медиуми

ti-m_-_2012.jpg

05.11.2012 година (понеделник) во 12:00 часот во Штип, Транспаренси Интернешнл – Македонија ќе одржи прес конференција по повод отворањето на канцеларија на Центар за совети и правна помош (ЦСПП) на граѓаните во градот Штип. Канцеларијата која се наоѓа во Штип на адреса „Тошо Арсов“ бр.35, трети кат, работи со финансиска поддршка на Амбасадата на Кралството Холандија во Република Македонија. На настанот ќе биде присутна НЕ г-ѓа Мариет Шурман (Marriët Schuurman) Амбасадор на Кралството Холандија во Република Македонија.
Прочитај повеќе

ДЗР ќе бара да не ги контролира политичките партии

_.jpg

25.10.2012 И додека најважната измена на законот за финансирање на политичките партии налага Државниот завод за ревизија да мора да врши редовна контрола на партиските пари, македонските ревизори ќе бараат независна ревизорска куќа да ја врши оваа работа.

Минатата година од 55 регистрирани политички партии Заводот прочешлал само 10, а во годинашната програма за работа, воопшто не е предвидена ревизија на циркулирањето на парите на некоја партија
 
 
Прочитај повеќе

Пријави Корупција достапна и како Андроид апликација на албански јазик

prijavikorupcija.jpg
 
22.10.2012 Проектот „Пријави Корупција“ кој е имплементиран од страна на организациите Транспаренси Интернешнл – Македонија и Центар за меѓународни односи од Вашингтон покрај веќе постоечките апликации на македонски и англиски јазик, ја доби и својата мобилна апликација за Андроид на албански јазик.

Апликацијата им дозволува на корисниците да ги пријават случаите на корупција, да селектираат категории, локација или пак да ги листаат веќе поставените пријави кои се прикачени на оваа страна.

Оваа апликација  е прва од ваков вид на Балканот, но и во Европа. Пријавите се  проверуваат од тимот кои работи позади овој проект, а верификуваните ќе бидат поставени на веб сајтот www.prijavikorupcija.org , како и автоматски на оваа апликација.
 
 
 
 
Прочитај повеќе

ТИ-Македонија денес отвори канцеларија во Тетово каде ќе функционира Центар за совети и правна помош

press15102012.jpg 15.10.2012 Од денес во Тетово започна да работи канцеларија на Транспаренси Интернешнл -Македонија во која ќе функционира Центар за совети и правна помош на. Во канцеларијата лично, преку телефонско јавување или електронска пошта граѓаните ќе добијат правни совети за случаите поврзани со корупција. Канцеларијата обезбедува правни совети и прима претставки кои се поврзани со корупција, а се со цел да се идентификува структурна, институционална и правна слабост.

На тој начин, тетовци ќе имаат можност да го споделат своето искуство и да кажат на другите за да на тој начин се прошири борбата против корупцијата.

 
 
 
 
 
 
Прочитај повеќе

Шлаканица од Брисел за корупцијата

ec.jpg12.10.2012 Корупцијата и борбата со организираниот криминал и понатаму останува болна точка во извештаите на Европската комисија за напредокот на земјава. Последниот извештај, кој се оценува како еден од најпозитивните во земјава, по четврти пат детектира одредени слабости во справувањето со големите корупциски скандали во земјава. Во него се укажува дека е потребна силна рамка за превенција од корупцијата, особено зголемена транспарентност во работата на јавните тела и употребата на јавните фондови. Со цел да обезбеди соодветна истрага, гонење и санкционирање на случаите на корупција, телата за спроведување на законот треба да се проактивни, добро координирани и ефикасни. За да се следи успехот на актикорупциските политики, неопходно е воспоставување веродостојна судска статистика.

Претседателката на невладината „Транспаренси интернешенел Македонија“, Слаѓана Тасева, вели дека прелистувајќи го извештајот, може да се забележи дека корупцијата и понатаму останува клучен проблем.

 
 
Прочитај повеќе

Истражување: Корупција во образованието има. Kако да се справиме со неа?

rt12102012.jpg 12.10.2012 Државната Комисија за спречување на корупцијата во соработка со ОБСЕ и Транспаренси Интернешнал Македонија спроведе истражување според кое образованието, особено високото е извор на корупција. Дури 56,2% од испитаниците сметаат дека корупцијата е распространета во високото образование 55,1% е распространетоста на корупцијата во земјава според граѓаните 56,2% или најмногу од испитаниците сметаат дека корупцијата е најзастапена на универзитетите.
Многу распространета, ова е општото мислење за нивото на распространетост на корупцијата во Македонија. Истражувањето кое го спроведе ОБСЕ во соработка со Државната комисија за спречување на корупцијата и Транспаренси Интернешнал Македонија покажува дека перцепцијата за корупцијата во земјава е над европскиот просек и изнесува 55,1%. Понегативно мислење во однос на распространетоста на корупцијата имаат етничките Албанци од кои 75% сметаат дека таа е многу распространета, наспроти 47% од етничките Македонци.
 
 
 
 
 
 
Прочитај повеќе

Презентација на резултати од работењето на веб платформата www.priavikorupcija.org

press29092012.jpg 29.09.2012 ТИ Македонија одржа прес конференција на која ги презентираше резултатите за работењето на веб платформата  и апликацијата за пријавување корупција www.prijavikorupcija.org примени во периодот 01.09.2011 г. – 28.09.2012 година.

 

Во прилог се анализата  и презентацијата од прес конференцијата.

 

pdf analiza_www.prijavikorupcija.org 506.73 Kb

 

pdf prezentacija_prijavi_korupcija 753.01 Kb

 

 

Прочитај повеќе

Покана за прес конференција

prijavikorupcija.jpg 28.09.2012 Transparency International Macedonia (ТИ – Македонија ) на 29 септември 2012 г. (сабота) со почеток во 12:30 часот во просториите на организацијата (Ул. Наум Наумовски Борче бр. 58, спроти Светска Банка) ќе одржи прес конференција на која ќе се презентираат резултатите од работењето на веб платформата и апликацијата за пријавување на корупција. Анализата содржи информации за тоа колку случаи биле пријавени и на што граѓаните најмногу се жалат.
 
 
Прочитај повеќе

Ќе се засили контролата на финансирањето пред избори

udripari.jpg 24.09.2012 Како резултат на препораките на ОБСЕ и ОДИХР, но и на забелешките на ГРЕКО во евалуациајата за Република Македонија, во собраниска процедура се најде и законот за финансирање на политичките партии
Во законот за финансирање на политичките партии се уредени начинот и постапката за обезбедување на финансиските средства, потоа располагање со средствата за тековната работа и дејствување на политичката партија, но најважно од се  се промените во начинот на контрола на финансирањето  и финансиско-материјалното работење на политичките партии.

Последниот извештај на ГРЕКО укажува дека досегашните измени и дополнувања на Изборниот законик се повеќе козметички во однос на финансирањето на предизборните кампањи и дека мал напредок е направен во транспарентното трошење на финансиските средства од страна на политичките партии за време на изборната кампања.Оттаму и предложените измени се однесуваат на редовното финансирање на политичките партии, како и во однос на потребата од државните органи да превземат поконкретни чекори за да се осигури дека се воспоставени неопходните процедури за да можат да се применат санкциите, како што е губењето на јавно финансирање.
 
 
Прочитај повеќе