Вести - Транспаренси Интернешнл

Нема кој да казнува?

25.04.2011 Финансирањето на партиите во предизборниот период треба да биде набљудувано од неколку инистуции, односно повеќе институции се надлежни, но никоја од нив нема единствена обврска да го следи финансирањето. Претседателката на невладината организација „Транспаренси Интернеjшнaл“, Слаѓана Тасева, вели дека најголемиот проблем е во тоа што во Македонија има дисперзиран систем на следење на изворите на финансирање на партиите – за тоа се надлежни Државната изборна комисја, Државната комисија за спречување на корупција, Државниот завод за ревизија, Управата за јавни приходи, Државната изборна комисија, но на крај, никоја од нив нема конкретна надлежност да изрече санкција или да поведе постапка доколку не се почитува некое правило.

Прочитај повеќе

Политиката корумпира во секој сегмент

18.04.2011 „Верувале или не“ го скенираше и „Скопје 2014“, а анализата потврди незаконски потрошени пари од државната каса. Најавивте пријава и до јавниот обвинител. Што очекувате?
Побаравме утврдување на фактичката состојба и евентуална индивидуална одговорност на лица што имале обврска да се грижат за законитоста на трошењето на буџетските пари. Очекуваме реакција од Јавното обвинителство, по примерот на европските држави, каде што институциите веднаш започнуваат постапка за проверка. За жал, досега нема многу позитивни искуства за постапување на нашето Јавно обвинителство по иницијативи од други институции, како што е Државната комисија за спречување на корупцијата и по иницијативи од граѓански организации и граѓани. Сепак, одлучивме она што го имаме да го доставиме до јавниот обвинител, а искрено, очекувам дека работите ќе почнат да се менуваат. Нашата анализа е многу детална, што ќе им ја олесни работата на обвинителите. Дополнителна околност што оди во прилог на нашиот и на општиот интерес случајот да добие правна разрешница, е тоа што за овој вид дела Кривичниот законик предвидел високи санкции, а со тоа и долги рокови на застарување.

Прочитај повеќе

Партиите предвреме јуришаат во кампања

12.04.2011 Иако во Изборниот законик политичките партии сами предложија да се дефинира терминот изборна кампања и кога таа треба да почне, партиите решија да ги заобиколат правилата и кампањата ја почнаа многу порано пред почетокот на изборната трка
Ги усвојуваат законите за да не ги почитуваат. Вака може да се опише однесувањето на партиите што влегоа во изборна кампања, независно што с` уште не се распишани изборите и што до нивното одржување има уште речиси два месеца. Електронските медиуми се преплавени со платени политички програми, во печатените медиуми секојдневно има и по неколку страници реклами, политички пораки веќе осамнуваат на билбордите, постојано има средби со граѓани, трибини…

Прочитај повеќе

Непочитување на Законската регулатива и процедура за изградба на спомен обележја-проект Скопје 2014

07.04.2011 1. Мотивирани од интересот што проектот Скопје 2014, а поточно градењето на спомениците или спомен обележја, експертскиот тим на Transparency International – Macedonia направи правна анализа на правната рамка и спроведените постапки за избор и градење на спомен обележјата во рамки на проектот Скопје 2014.

2. Анализата на правната рамка и спроведените постапки во врска со градењето на споменици во проектот Скопје 2014 покажа дека за спомениците незаконски биле трошени средства од Буџетот на Република Македонија.

analiza_na_proekt_skopje_2014 90.52 Kb

Прочитај повеќе

Покана за прес конференција

06.04.2011 Transparency International Macedonia (ТИ – Македонија ) на 07 април 2011 г. (четврток) со почеток во 10:30 часот во просториите на организацијата (ул. Наум Наумовски Борче 58 – спроти Светска Банка ) ќе одржи прес конференција на која ќе бидат презентирани аномалии во борбата против корупцијата, под наслов ВЕРУВАЛЕ ИЛИ НЕ. Настаните се засновани…

Прочитај повеќе

Уставна иницијатива на ТИ-Македонија за член 203-а од ЗКП

25.02.2011 Владеење на правото подразбира повеќе универзални принципи вклучувајќи и дека:
– законите да се јасни, објавени, стабилни, праведни, да ги заштитуваат фундаменталните права вклучувајќи ја сигурноста на лица и имот;
– со дискреционото право на полицијата и агенциите за превенција на криминалот не треба да им биде дозволено да го превртуваат законот.

Анализата на примената на правните норми во во однос на примена на мерките за обезбедување на имот во случајот Пајажина укажува на појава на правен илузионизам.

На овој начин сите институции кои се вклучени во овој процес свесно или од незнаење придонеле кон сериозна повреда на уставните принципи и загрозување на со уставот загарантираните права.

Примената на член 203-а во практиката доведува до
– правната несигурност;
– произволност; и
– процедурална и правна нетранспарентност;

ti-m_inicijativa_do_us_25022011 217.22 Kb

Прочитај повеќе

Покана за прес конференција

24.02.2011 Транспаренси Интернешнл – Македонија (ТИ – Македонија ) на 25 февруари 2011 г. (петок) со почеток во 11 часот во просториите на ТИ – Македонија (ул. Наум Наумовски Борче 58 ) ќе одржи прес конференција на која ќе бидат презентирани аномалии во борбата против корупцијата, под наслов ВЕРУВАЛЕ ИЛИ НЕ. Настаните се засновани на…

Прочитај повеќе

Без отчет на политичките сили нема демократско општество

17.02.2011 Невладината организација Транспаренси интернешнел Македонија на тркалезната маса на тема: Презентирање на проектот КРИНИС – осветлување на паритево политиката, на која учествуваа високи претставници на Транспаренси интернешнел од Берлин, како и претставници од националните ограноци на Транспаренси интернешнел од Албанија, Косово, Србија и Хрватска, политички партии и државни институции, констатираа, дека без отчет на политичките сили, нема демократско општество. Клучот и одговорот лежи во транспарентното одговорно и отчетно однесување на ситеполитички субјекти ако сакаме да успеме да воспоставиме одредени процеси во кои што ќе има и транспарентност и одговорност и отчетност, според кои ќе знаеме кој што прави и кој треба да поднесе одговорност, доколку, не се однесува, согласно законите. Самиот индекс на корупција од 4.1 е многу далеку од 10 каде што се најмалку корумпираните земји и само преку регулирање на односите во политиката и подобрување на економијата може да очекуваме и намалување на корупцијата.

Прочитај повеќе

До средствата за јавно информирање

15.02.2011 Невладината организација Транспарентност- нулта корупција, Ве поканува на тркалезна маса на тема: „Презентирање на проектот КРИНИС – осветлување на парите во политиката и објавување на акредитација на организацијата.

Во периодот од 2010 до 2013 година ќе се реализира проектот „КРИНИС-осветлување на парите во политиката“, кој има за цел користејќи ја веќе докажаната методологија на Transparency International на собирање информации од различни извори и анализа на легислативата поврзана со политичкото финансирање и нејзината примена во практиката, со што ќе се добие јасна слика за финансирање на политичките партии и на изборните кампањи. Многу појасна слика ќе се добие и за тоа на кој начин функционираат институциите за надзор и спроведување на легислативата.

Прочитај повеќе

Корупцијата не е култура на живеење

26.01.2011 Здружението на бизнис жени, Националниот Совет за Родова Рамноправност и Транспарентност нулта корупција организираа работилница на тема „Корпоративни бизнис принципи и предизвиците на глобалната корупција.“ На работилницата на која учествуваа жените од невладиниот сектор и компаниите предводени од жени бизнисмени, беа презентирани: „Деловните принципи за борбата против поткуп и можностите како да го Заштитите вашиот бизнис – приватниот сектор и антикорупцијата – Македонско законодавство и Европска перспектива“.

Прочитај повеќе