Вести Archives - Page 55 of 114 - Транспаренси Интернешнл

Законите прецизни, финансиите на партиите матни

11.03.2013 Парите во политиката и годинава се мрачната страна на изборите. Партиите меѓусебно се обвинуваат за нелегално финансирање, но кога ќе ги запрашате како се финансираат, тие ви велат дека работат според законот односно дека се финасираат од членството, од физички и правни лица и додават дека навремено и целосно ќе достават финансиски извештаи. Но кога се поставува прашањето кој сè донира пари во една изборна кампања тогаш конечен и конкретен одговор нема.

Претседателката на Транспаренси Интернешнл-Македонија Слаѓана Тасева вели дека тоа прашање е едно од најголемите непознаници, па со тоа се отвора простор за сомнеж.

Прочитај повеќе

Пријави корупција достапна и како апликација за iOS

Проектот „Пријави Корупција“ кој е имплементиран од страна на организациите Транспаренси Интернешнл – Македонија и Центар за меѓународни односи од Вашингтон ја доби и својата мобилна апликација за Ајфон.

Апликацијата им дозволува на корисниците да ги пријават случаите на корупција, да селектираат категории, локација или пак да ги листаат веќе поставените пријави кои се прикачени на оваа страна.

Прочитај повеќе

„Граѓаните во борба против корупцијата“ – Штип

На 04.03.2013 година во Штип, Транспаренси Интернешнл – Македонија одржа Тркалезна Маса на тема: „Граѓаните во борба против корупцијата“. На настанот беа поканети одговорни лица определени за соработка од институциите на локално и регионално ниво, граѓани од Општина Штип и пошироката околина.

Прочитај повеќе

Колку пари ќе чинат изборите?

05.03.2013 Партиски реклами во речиси секој медиум, од телевизија преку весник до интернет портали, митинзи во секој град и село, изборен штаб во секое маало, најмени простории, партиски химни со неколку пеjачи, изнајмени автобуси, плакати, флаери, брошури со програми и каталози. Ова се само дел од трошоците на партиите за време на изборната кампања.

Прочитај повеќе

Поткуп, Корупција и Непотизам – секојдневие за студентите!!

05.03.2013 Дури 39 проценти од студентите на Универзитетот „Св. Кирил и Методиј“ имале искуство со поткуп во форма на купување книга од професорот, со цел да се добие поголема оценка, а најголем дел од нив не пријавуваат корупција бидејќи сметаат дека нема да променат ништо, покажува истражувањето на „Младинскиот образовен форум“.

Прочитај повеќе

Грчкиот бизнисмен клучен во аферата “Телеком”

22.02.2013 Само грчкиот посредник во аферата “Телеком” наводно ги задржал оригиналните тајните документи потпишани од македонските владини функционери во 2005 година, стои во одлуката на судијата Ричард Саливан од Јужниот окружен суд во Њујорк, која датира од 08 февруари годинава. Со одлуката судијата Саливан го одбил барањето на обивентите челници на “Маѓар” и на “Дојче Телеком”, Елек Штрауб, Томаш Морваи и Анраш Балог, судот во Њујорк да се прогласи за ненадлежен во процесот во кој Американската комисија за хартија од вредност го води против нив.

Прочитај повеќе

Имиња на наши функционери во новите докази за Телеком

21.02.2013 Транспаренси интернешнел – Македонија" вчера до јавниот обвинител Мар-ко Зврлевски испрати нови документи од судскиот процес против „Маѓар телеком" во САД, во чија документацијата се наоѓаат имиња на високи македонски функционери од периодот меѓу 2005 и 2006 година. Станува збор за докази кои ги доставиле токму обвинетите Елек Штрауб, Андраш Балог и Тамас Морваи на 19 декември минатата година и тие сега се достапни на Интернет.

Тројцата беа челници во „Маѓар телеком" во периодот кога, според Американската комисија за хартии од вредност, телекомуникациската компанија ги поткупила македонските функционери со околу 5 милиони евра, со што наводно се одложило воведувањето на третиот мобилен оператор и воведувањето на повисоки давачки за операторите. Штрауб, Балог и Морваи со декемвриската претставка барале судот во Њујорк да се прогласи за ненадлежен во нивниот спор.

Прочитај повеќе

Институциите да поведат постапка за утврдување на одговорноста на Димитрис Контоминас

16.02.2013 Transparency International – Macedonia изработи Информација заснована врз релевантни и јавни документи, следејќи го отворањето на епилогот на истрагата за работењето на Маѓар Телеком во периодот од 2000 година од 2007 година.
Истрагата беше водена од американската правна куќа Вајт и Чејс по иницијатива на внатрешната ревизија во компанијата поради сомневање во законитоста на склучени и исплатени договори од кои би произлегла низа на коруптивни кривични дела, предвидени со Законот за странски коруптивни постапки Foreign Corrupt Practices Act (FCPA) на САД, односно казниви според македонското и законодавства на други држави.

prezentacija_telekom_16022013 342.86 Kb

Прочитај повеќе

Предизборните кампањи се вносна бизнис зделка за партиите и фирмите

15.02.2013 Институциите не сакаат да разговараат за финансирањето на политичките партии во време на предизборие. Тоа се покажа на денешната панел дискусија на тема „Финансирање на изборната кампања пред локалните избори“ одржана од Транспаренси Интернешенел (ТИ), на која биле поканети претставници од институциите кои се надлежни за оваа област, но кои одбиле да учествуваат со образложение дека се премногу зафатени подготвувајќи се за претстојните локални избори. Слаѓана Тасева, претседател на ТИ, изјави дека овие институции повеќе пати до сега ја потврдиле својата затвореност кон невладините организации и јавноста со тоа што во континуитет одбивале соработка.

Покани биле испратени до Државниот завод за ревизија и Државната комисија за спречување на корупција, но и двете установи одбиле, со уредно образложение дека тоа е поради зголемен обем на активности.

– Овие установи како да заборавија дека имаат општествена одговорност и обврска правилно да ги информираат медиумите и граѓаните, да им се обратат на учесниците во изборниот процес и политичките партии за тоа кои се целите на нивните законски обврски. Нивна надлежност и обврска е да го следат финансирањето на политичките кампања, а од она што до сега го видовме во нивните извештаи, не сме задоволни. Но немаме можност да разговараме со нив и да прашаме зошто има пропусти, дали поради немање технички услови за работа или немање доволно желба за правилно работење – рече Тасева, отворајќи ја дебатата.

Прочитај повеќе

Партиските финансии остануваат во сива зона

11.02.2013 Изборните пари и натаму кријат нозе

Ограничување на донациите, рокови за затворање изборни сметки, укинување трети донатори, се барањата на експертите за поголем ред во изборното финансирање

Можноста фирмите да донираат по пет проценти од вкупниот приход остварен во минатата година, правото изборните сметки да останат отворени с` до завршувањето на трансакциите и можноста за донации од трети лица и натаму остануваат најспорните прашања, врзани за финансирањето на политичките парии во изборните кампањи.

Ова го потенцираат антикорупционерите и експертите за изборни процеси предупредувајќи на последиците од ваквото однесување во пресрет на локалните избори.

Спорните решенија останаа во Изборниот законик и покрај многуте експертски барања тие да се сменат бидејќи сега не гарантираат ред во често сомнителните финансиски трансакции на партиите.

Прочитај повеќе