“Фридом хаус“: Македонија останува делумно слободна земја

freedomhouse.jpg
20.01.2012 Според нивото на демократија, Македонија е делумно слободна земја, се наведува во годишниот извештај на организацијата “Фридом хаус“. Според ова, Македонија минатата година не забележала никаков напредок во развојот на политичките права и граѓанските слободи оти и во ланскиот извештај Македонија беше сместена во групата “делумно способни“ држави. Во извештајот, исто така, се истакнува дека во земјава постои голем притисок врз слободата на медиумите.
Во последниот извештај на американската организација “Фридом хаус“, во кој е дадена оценка на политичките права и граѓанските слободи, меѓу 87-те слободни земји се Србија, Хрватска и Црна Гора, додека меѓу 60-те држави коишто се оценуваат како делумно слободни се наоѓаат Босна и Херцеговина, Македонија и Косово.
 
 
Прочитај повеќе

Maкедонија затвора очи за корупцијата

udripari.jpg 09.01.2012 Мегаскандалот што американското Министерство за правда и Комисијата за хартии од вредност го открија со коруптивната афера на „Дојче телеком“ и „Маѓар телеком“, кои со поткуп од околу пет милиони евра на високи функционери од Македонија си обезбедиле сигурна позиција на пазарот, им задава сериозен удар на декларативните заложби за борба против корупцијата и криминалот во земјава.

За експертската јавност е сосема нејасно и несфатливо како Јавното обвинителство не отвора постапка со доказите кои ги објавија американските власти, но имаат доза на оптимизам дека еден ден сепак ќе се расветли овој случај, кој правно не застарува.

 
 
Прочитај повеќе

Парите на партиите – слабост за државата

crinis28122011.jpg 28.12.2011 Оценка „нула“ доби Македонија во однос на санкциите – ниту една од политичка партија во земјава не била казнета за прекршување на Законот за финансирање партии.
Истражувањето што го спроведе „Транспаренси Интернешнл“ и повеќе универзитетски професори, според посебна методологија за државите од Западен Балкан, открива многу слабости во финансирањето на македонските партии. Индексот на транспарентност на партиското финансирање се мерело од 0 до 10. Македонија добила оценка од 4,6 што е просечна бројка, но поблиску до долната граница. Партиите лошо стојат и во однос на веродостојноста на извештаите за тоа како се финансираат.
 
 
 
 
Прочитај повеќе

Покана за прес конференција

  crinis_y1.jpg
27.12.2011 Ни причинува големо задоволство да Ве поканиме на презентирање на резултатите од истражувањето и публикацијата “Закони и пракса во финансирање на политичките партии“ дел од регионалниот проект „КРИНИС – Осветлување на парите во политиката„ имплементиран од Transparency International – Macedonia, кое ќе се одржи на 28.12.2011 (среда) во 13:00 часот во хотел Стоун Бриџ – Скопје.
 
 
Прочитај повеќе

Слаѓана Тасева избрана во Бирото на ГРЕКО

greco.jpg

10.12.2011 Слаѓана Тасева, Претседател на Транспаренси Интернешнл – Македонија, вчера беше избрана за член на бирото на ГРЕКО, меѓународната организација за борба против корупцијата основана од Советот на Европа.

Со тајно гласање со мнозинство гласови од присутните 49 членови на делегации, за нов претседател на ГРЕКО беше избран Марин Мрчела од Хрватска. Тасева беше избрана за членка на Бирото, заедно со уште четворица претставници од Албанија, Чешка, Русија и од Швајцарија.

Покрај членството во Меѓународната антикорупциска академија во Австрија, за Тасева ова е втор избор во највисоките тела на најпознатите меѓународни антикорупциски организации. ГРЕКО е основана во 1999 година од Советот на Европа, со цел подобрување на борбата против корупција и нејзни усогласување со меѓународни стандарди. 

 

 

Прочитај повеќе

ТИ-М и ЦИР го презентирааа проектот “Пријави корупција”

 

pres10122011.jpg.jpg

10.12.2011 Пријави Корупција е заеднички проект на организацијата Transparency International – Macedonia (Транспаренси Интернешнл – Македонија) и Center for International Relations (Центар за меѓународни односи) кој ќе им овозможи на граѓаните да ги пријават случаите на корупција бесплатно преку СМС мрежата на ONE, преку е-пошта, со пополнување на веб апликација, пријавување по телефон, facebook, преку twitter користејќи го #korupcijaMK.
Нашата веб страна, Prijavikorupcija.org, им овозможува на корисниците да ги прегледаат доставените пријави на сајтот, категоризирани по тип на корупција, но и самите да пријават случај. Prijavikorupcija.org е изработена со Ushahidi, алатка развиена за демократизација на информации, зголемување на транспарентноста и намалување на бариерите за физички лица кои сакаат да ги споделат своите приказни.
 
 
 
 
 
Прочитај повеќе

Покана за прес конференција

09.12.2011 По повод “Светскиот ден за борба против корупцијата 9ти декември“ Transparency International Macedonia (ТИ – Македонија ) на 10 декември 2011 г. (сабота) со почеток во 12:00 часот во хотелот Стоун Бриџ ќе одржи прес конференција, на која ќе биде презентирана новата алатка и проект “Пријави Корупција“ која оваа организација започна да ја имплементира…

Прочитај повеќе

Од корупцијата на факултетите ќаруваат и студентите

 

mof_logo.jpg

06.12.2011 Само шест проценти од испитаните студенти на универзитетот Свети Кирил и Методиј сметаат дека поткупот како облик на корупција го нема на нивните факултети. Овој податок до кој дошле Младинскиот образовен форум и Антикорупциската мрежа на Југоисточна Европа е заклучок од нивното најново истражување на тема потткуп во високообразовните институции.
Резултатите, меѓудругото, покажале дека една третина од испитаните студенти морале да имаат копија од книга на професорот за да положат испит кај него, но и дека 60 проценти од нив немаат проблем со тоа. Ова велат од Форумот, ни дава основа да се сомневаме дека корупцијата е се повеќе присутна на факултетите.
Прочитај повеќе

2011 – Криза во владеењето

  cpi_2011.jpgПротестите што ја одбележаа 2011 покажуваат љутина кон корупцијата во политиката и јавниот сектор

 

01.12.2011 (Берлин) Корупцијата продолжува да заразува премногу земји низ светот, според Индексот на перцепција на корупцијата за 2011 година на Transparency International, објавен денес. Овој Индекс покажува како владите не успеаа да ги заштитат граѓаните од корупција, било тоа да е злоупотреба на јавни средства, поткуп или донесување таинствени одлуки.
Transparency International предупреди дека протестите низ целиот свет, често поткрепени со корупција и економска нестабилност, јасно покажуваат дека граѓаните имаат негативно мислење за нивните лидери и државни институции, тие не се ниту транспарентни ниту доволно одговорни.
 

  pdf prezentacija_cpi_2011 1.03 Mb

 
 
 
 
 

 

Прочитај повеќе

Покана до медиумите

30.11.2011 Невладината организација "Транспаренси Интернешнл – Македонија" на ден 01.12.2011 (четврток) ќе одржи прес- конференција во НВО Инфо Центар (ул. Никола Тримпаре бр. 18-1/5), со почеток во 11 часот. На прес- конференцијата ќе се презентираат  резултатите од Индексот на перцепција за корупцијата (ИПК) во 2011 година којшто го објавува глобалната коалиција за борба против корупцијата…

Прочитај повеќе