Вести Archives - Page 61 of 119 - Транспаренси Интернешнл

Прикриена корупција кога општините продаваат државно градежно земјиште?

01.02.2013 Изминаа 18 месеци откако стапи во сила новиот закон за градежно земјиште, но, од 84 општини во Македонија засега само 42 добиле право за управување и продажба на државното градежно земјиште.

Најголем проблем за општините се четири критериуми за префрлање на државното градежно земјиште во нивна надлежност: да имаат усвоена едногодишна програма за работа заради располагање со земјиштето и потребен број вработени лица со соодветно овластување, да основале комисија за спроведување постапки за јавно наддавање, како и тоа да воспоставиле електронски систем за јавно наддавање на градежното земјиште во сопственост на Република Македонија.

Прочитај повеќе

Слободата на печатот во слободен пад

30.01.2012 Следејќи го опасниот пример на Унгарија и Италија, Македонскиот парламент се подготвува да воведе „легална цензура“ во земјата. Ова дел од описот за состојбата во Македонија во извештајот на „Репортери без граници“ во кој земјава бележи пад од 22 места на скалата со која се проценува слободата на печатот. Како причини за ваквиот пад во извештајот се наведени одземањето на лиценци за работа на неколку медиуми и влошувањето на условите за работа за новинарите. Македонија е на 116-то место, пред нас на 115 место е Нигерија, а по нас Венецуела.

Хрватска и Србија бележат подем, првата за 4 места со што се позиционира на 64-тото место, додека втората за 17 места при што сега е на 63-то место. Пад од 6 места бележат Албанија која што стигна на 102 и Црна Гора која е на 113-тото место.

Прочитај повеќе

Истражување – Антикорупциска не си ја врши работата

29.01.2013 Власта ја запоставува борбата против корупцијата и нема политичка воља за силни антикорупциски институции кои ќе ги контролираат народните пари – е заклучокот од истражувањето на Институтот за демократија. Актуелната комисија во 2011 не сработила ништо, а лани се занимавала со гонење на корупција од средно ниво- утврдила анализата на институтот.

Прочитај повеќе

Реакции по објавата дека ДУИ се финансира на незаконски начин

29.01.2013 Не стивнуваат рекациите во објавата во медиумите дека партијата ДУИ се финасирала од пари на министерства ,јавни претспријатија и општини.

Денеска Министертвото за земјоделство посочи дека не исплаќало пари,туку дека нивни вработени кои биле членови на ДУИ, лично доставиле трајни налози за одбивање на донации од нивните плати што било исто и како плаќање рата од кредит

Претседателката на „Трансапренси Интернешнл-Македонија”, Слаѓана Тасева смета дека и по ваквите тврдења на земјоделие сепак останува можноста дека раководителите членови на ДУИ би можеле на вработени членови на ДУИ да им исплаќаат финасиски награди, а овие пак парите преку банкарски транскации да ги исплаќаат во партиската каса,што би значело илегално финасирање од државниот буџет.

Прочитај повеќе

ТИ: 2/3 од владите немаат адекватна заштита од корупцијата

29.01.2013 Повеќе од две третини од земјите, вклучувајќи ги и најголемите трговци со оружје, немаат адекватна заштита против корупцијата во сферата на одбраната, покажува истражувањето на британската канцеларија на „Транспаренси итнернешнл“.

Германија и Австралија се единствени земји од 82-те, вклучени во истражувањето, за кои е оценето дека имаат силни антикорупциски механизми, покажува индексот на организацијата, со кој се мери како владите се борат против корупцијата во секторот на одбраната.

Според истражувањето, објавено на сајтот на организацијата, Франција, Италија, Аргентина, Бразил, Јапонија и Бугарија се меѓу земјите со умерен корупциски ризик.

Прочитај повеќе

Македонија е последна на Балканот според буџетската транспарентност

23.01.2013 Македонија, според последната ранг листа на Иницијативата за буџетска транспарентност (OPEN BUDGET INITIATIVE), се најде во претпоследната група земји кои обезбедуваат минимални информации за буџетските документи и буџетскиот процес. Со вредност на индексот од 35 поени, земјата е рангирана на 68 место од 100 земји.

Со ваков резултат, Македонија е заедно со Ангола, Буркина Фасо, Доминиканска Република, Еквадор, Либан, Малезија, Мароко, Сао Томе и Принципе, Србија, Сиера Леоне, Тајланд, Тимор-Лесте, Тринидад и Тобаго, Венецуела. Споредено со балканските земји, Македонија лани има најниска вреднoст на индексот. Со неа во претпоследната група е само Србија.

Прочитај повеќе

Судијата Саливан треба да реши што понатаму во случајот Телеком

19.01.2013 Телеком во Македонија и во Црна Гора, биле разгледувани аргументите на двете страни за надлежноста на судот во Њујорк.

Во новото рочиште во судскиот процес за коруптивните активности на Маѓар Телеком и на Дојче Американската Комисија за хартии од вредност, која го покрена процесот против тројцата поранешни директори во Маѓар Телеком, Елек Штрауб, Андраш Балог и Тамас Морваи, докажува дека Јужниот окружен суд во Њујорк има надлежност во процесот, поради тоа што Т-Мобајл е компанија која дејствува и на американскиот пазар, а дел од комуникацијата која ја воделе обвинетите менаџери поминала низ САД.

Прочитај повеќе

Фридом хаус – Македонија, делумно слободна земја

17.01.2013 Македонија, во најновото издание на „Слобода во светот“, годишен извештај на невладината организација за човекови права со седиште во Вашингтон, Фридом хаус, е во групата на делумно слободни земји. Во извештајот се констатира дека генерално има пад во почитувањето на слободите во светот.

Во извештајот во кој се оценува состојбата со почитувањето на човековите права и на политичките слободи во 195 земји во светот во текот на минатата година, Македонија се најде во групата на делумно слободни.

Во неа, меѓу другите се и Ерменија, Босна и Херцеговина, Грузија, Косово, Украина и Пакистан. Како слободни земји од Балканот, се оценети Србија, Црна Гора и Хрватска.

Прочитај повеќе

ТИ-Македонија го одбележа светскиот ден за борба против корупцијата

По повод 09 Декември светскиот ден за Борбата Против Корупцијата, на 08.12.2012 година Transparency International – Macedonia организираше кампања под мотото „Приклучи се и ти во борбата против корупцијата -Повлечи Црвена Линија “. Кампањата се одвиваше во три градови Скопје, Штип и Тетово каде ТИ-Македонија има свои канцеларии.

Во Скопје кампањата се одвиваше на локација каде има голема фреквениција на граѓани. Беа опфатени двете пешачки зони на приземјето на влезот на Градскиот Трговски Центар-ГТЦ. Граѓаните, преку поставениот штанд и банери, понатаму преку делење на флаери и разговор беа информирани за работата на ТИ-Македонија и нејзините активности. Имаше граѓани , кои особено беа заинтересирани за кампањата “Повлечи црвена линија” и како функционира www.prijavikorupcija.org. На нив им беше демонстрирана целата процедура од пријавување на случај до разгледување на веќе поставени пријави според локација и категории.

Погледнете го видеото

Прочитај повеќе

Одбележан 9-ти декември – Меѓународниот ден за борба против корупцијата

__._____.png

Скопје 07.12.2012, Со конференција на која првпат на една маса седнаа претставници на Државната комисија за спречување на корупцијата, на невладиниот сектор, на Министерството за правда, приватниот сектор и меѓународните организации ОБСЕ и УНДП, денеска беше одбележан Меѓународниот ден за борба против корупцијата, 9. декември.

Македонија, како што истакнаа ученсиците на конференцијата, напреднала во борбата против корупцијата, но се укажува на имплементација на законите.

Врз основа на истражување направено од ОБСЕ и ДКСК за перцепцијата на корупцијата во областите образование и спорт, јавна администрација, медиуми и граѓанско општество, општ е впечатокот дека корупцијата е многу присустна. – Но на прашањето како ја ценат корупцијата во трите области споредено со претходните четири години, поголем е пронцетот на тие што велат дека е нешто намалена, изјави Мира Димовска, член на ДКСК. Тоа, според неа, значи дека тоа е позитивен тренд што треба да го задржиме.

Прочитај повеќе