Вести

05.09.2005 На иницијатива на “Транспарентност – Нулта корупција”, во рамките на проектот “Култура на законот наспроти корупцијата 2008” на ден 04.09.2008 г. е основана КОАЛИЦИЈА МАКЕДОНИЈА НУЛТА КОРУПЦИЈА. Членови на оваа Коалиција се 18 невладини организации од целата територија на Република Македонија, кои исклучиво се занимаваат со унапредување на демократските процеси на земјата.                                                                                                                                                                                                                                                      Коалицијата има за  цел да се зајакне граѓанскиот сектор во делот на борба и превентива против корупцијата, развивање на системот на добро владеење на локално ниво, создавање на поволен амбиент за економски развој и квалитетни странски инвестиции, зајакнување на капацитетите на антикорупциското делување на граѓанското општество, остварување на соработка со соодветни ислични организации во регионот, како и подобрување на животот на граѓаните.  

25.07.2008 Државната антикорупциска комисија покренува постапки за сите лица кои има доставено преставки или има сознанија за корупција без разлика дали се тие дел од владата, владеачката партија или опозицијата вели членот на комисијата Ариф Муса

,,Ние постапуваме така како што доаѓаат предметите. Значи, воопшто не не засега дали лицето е во опозиција или позиција, ние постапуваме како што ни налага законот."

Овој коментар на Муса догаа по обвинувањата од страна на опозоцијата дека се водат постапки само против нив.Тој тврди дека деновиве работат и на предмет повзран со граноналник кој и припага на партиите од власта:

,,Еве можеби за една недела или две ќе има иницијатици од наша страна за некои градоначалници, од опозицијата и од сегашната позиција."

19.07.2008 Државата, доколку оцени дека станува збор за национален интерес, во иднина ќе може да стави рака врз значајни енергетски капацитети. Ова е суштината на новините во законите за експропријација, а поврзани со Законот за енергетика, кои вчера по итна постапка ги донесе Собранието, и покрај реакциите во стручната јавност дека измените се донесени тајно, без поширока расправа и засегаат во интересите на инвеститорите. За измените и дополнувањата на Законот за експропријација гласаа 67 пратеници и ниту еден против и воздржан.

10.07.2008 Насилството и неправилностите на предвремените избори, кои завршија со еден загинат, десетици ранети и повредени во престрелки и тепачки е најматен настан во јуни.

Ова е оценка на 18 главни уредници во највлијателни печатени и електронски медиуми во Македонија, во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“.

Единаесет уредници ги избраа изборите, кои се сведоа на канибалска борба за власт, во која не се избираа средства, ниту пак беше важен угледот на државата, за најматни. Македонија со вакви избори испрати лоши сигнали за демократските процеси, загуби време и чекор во евроатланските интеграции.

07.07.2008 Има согледувања дека во македонското образование има корупција, но нема многу вистински случаи за да може да се зборува за проблем со корупција онака како што е дефиниран во Кривичниот законик.

Ова денеска го изјави Слаѓана Тасева од невладината организација Транспаретност нулта толеранција на трибината „Знаењето е вистинска инвестиција – образование без корупција“, во рамките на проектот „Антикорупциски мерки во образованието“ имплементиран од македонската Влада, а финансиран од Владата на Кралството Норвешка.

26.06.2008 Вкупниот обем на пријавен криминал во Македонија лани се зголемил за 11,8 отсто во споредба со претходната година. Опаѓање има кај малолетните лица, додека, пак, бројот на непознати сторители пораснал за 15 проценти. Два процента е намален бројот на отфрлени кривични пријави, кој изнесува 21,6 отсто, а бројот на изречени осудителни судски пресуди се зголемил од 87,36 проценти, колку што имало пред две години, на 91 процент во 2007 година.

Мерката притвор бележи тенденција на мало намалување, па ако пред две години била изречена за 642 лица, една година подоцна тој број изнесува 609 лица. Обвинителската статистика покажува и дека биле поднесени обвиненија против 12.819 лица, што е за 98 лица повеќе од претходната година. Основните судови донеле пресуди против вкупно 12.859 лица, додека тој број во 2006 година изнесувал 12.634. Интересно е што во 91 процент судовите изрекле осудителни пресуди, и тоа за 11.781 лице.

25.06.2008 Водите се ризичен сектор за корупција поради голем прилив на јавни пари. Милионските инвестиции во изградба на системи за наводнување, хидроцентрали и брани можат да бидат основа за развивање корупција во планирањето. Комплексноста на проектите што ги опфаќаат водите ги прават набавките профитабилни, а манипулациите тешко можат да се откријат.

Ова, меѓу другото, го нотира претседателката на „Транспарентност – нулта корупција“, Слаѓана Тасева, на вчерашната прес-конференција, кога го презентираше глобалниот корупциски извештај за 2008 посветен на корупцијата во управувањето со водните ресурси на „Транспаренси интернешенел“.

25.06.2008 Корупцијата во водниот сектор ги става животите и егзистенцијата на билиони луѓе на ризик. Како што покажува Глобалниот корупциски извештај за 2008 година, почетокот на климатските промени и зголемената важност  за обезбедување на вода низ целиот свет ја прави борбата против корупцијата во овој сектор, поургентна отколку било кога. Без зголемена поддршка за да се спречи корупцијата во секторот за вода, ќе се случат високи трошоци по економскиот и човечки развиток, уништување на виталните екосистеми, и зголемување на социјалната тензија, дури и конфликт за овој неопходен ресурс. Овој извештај јасно покажува дека предизвикот на корупцијата мора да се препознае во многу глобални политички иницијативи за еколошка стабилност, развој и сигурност кој што се поврзани со водата.