Конкурс за истражувачки стории на тема – корупција

platforma_logo.png
  usaid_pgu.jpg
 
 
 
 
13.11.2017 Платфомата на граѓански организации за борба против корупција во која членуваат вкупно 15 граѓански организации ги поканува сите новинари кои работат во областа на истражувачкото новинарство, да изразат заинтересираност за учество на серија работилници која ќе се организират во престојниот период, во рамки на проектот „Јакнење на Платфромата на граѓански организации за борба против корупција“ поддржан од Проект на УСАИД за граѓанско учество.
 
Прочитај повеќе

Презентирани наодите од анализите на кривичните предмети „Отпад” и „Музеи на Македонија”

press06102017.jpg
06.10.2017 Транспаренси Интернешнл – Македонија во соработка со Зелена Лупа одржаa прес-конференција на која беа презентирани наодите од анализите на кривичните предмети „Отпад” и „Музеи на Македонија” подготвени од страна на експерти во рамки на проектот „Сите заедно по патот до правдата“ поддржан од страна на програмата ЦИВИКА МОБИЛИТАС. 
 
На настанот присуствуваа експертите кои ги изготвија анализите на наведените предмети, како и претставници на македонските медиуми. Во воведниот дел на прес конференцијата Д-р Слаѓана Тасева, Претседател на ТИ – Македонија, ги презентираше досегашните активности во рамките на проектот и посочи дека граѓаните пристапија до ова тело за да ги преиспитаат постапувања на надлежните органи со цел да се оцени дали биле почитувани законите и дали надлежните се раководеле согласно приципите пропишани во законите. Во овие анализи се констатирани неправилности во постапките, а најчестите се дека судот не обезбедил доволно докази или пак немало основа да се утврди постоењето на кривичното дело, како и редица други неправилности.
 
 
 
 
Прочитај повеќе

Собранието на РМ да донесе измени во Законот за пратениците и да донесе Кодекс за етика на пратеници

Собранието на Република Македонија да донесе измени во Законот за пратениците и да донесе Кодекс за етика на пратениците заради отстранување на проблемот со наплатата на нереално високи надоместоци за патни трошоци на пратениците


22.08.2017 Транспаренси Интернешнл – Македонија и Центарот за економски анализи изразуваат длабоко незадоволство поради игнорирањето на препораките на Државниот завод за ревизија кои се однесуваат на воспоставената практика на пратениците за себе да прибавуваат финансиски надоместок за користење на приватно возило во службени цели кој не соодветствува со нивните реални трошоци. Поради тоа  го повикуваме Собранието на Република Македонија да направи измени во Законот за пратениците и подзаконските акти согласно препораките од извештаите на Државниот завод за ревизија.

Законот за пратениците предвидува право за членовите на Собранието на РМ да примаат надоместок за користење на автомобили во лична сопственост за службени цели, во висина од 30% од продажната цена на еден литар гориво, според изминатиот километар за возилото кое се користи. Државниот завод за ревизија во извештаите за извршена финансиска ревизија од 2008, 2010 и 2016 година препорачал да се преиспита висината на надоместокот во насока на нејзино намалување со оглед на тоа што овие расходи се нереални и опфаќаат значителен дел од вкупните расходи на Собранието на РМ. И покрај тоа, Собранието сè уште нема постапено по препораките на Државниот завод за ревизија и понатаму на пратениците им исплаќа нереално високи надоместоци за патни трошоци со што значително го оптоварува својот буџет.
 
 
Прочитај повеќе

Годишниот извештај на ДКСК да се врати на доработка

platforma_logo.png

29.06.2017 Платформата на граѓански организации за борба против корупција упати допис до членовите на Комисјата за политички систем и односи меѓу заедниците на Собранието на Република Македонија со кој ги повика да донесат Заклучок и на Собранието ќе му предложат да не го усвои Годишниот извештај за работа на Државната комисија за спречување на корупција (ДКСК) во 2016 г. Платформата побара Годишниот извештај да се врати на дополнување.

 Платформата на граѓански организации за борба против корупција смета дека овој документ не дава сеопфатна слика за активностите кои биле или не биле преземени во 2016 г., Како поткрепа на овие тврдења се истакнуваат податоците објавени во Кварталниот извештај бр. 1 од следењето на работата на ДКСК во периодот од октомври до декември 2016 г., којшто го подготви Македонски центар за меѓународна соработка (МЦМС) и податоците што редовно ги собира Транспаренси Интернешнл – Македонија.

 

 pdf dopis-do-sobranie-platoforma 330.32 Kb

 

 

Прочитај повеќе

Работилница на тема “ГРАЃАНИТЕ БАРААТ ПРАВДА – СТОП НА НЕПРАВДИТЕ”

rt_12062017_1.jpg
12.06.2017 Траспаренси Интернешнл – Македонија (ТИ-М) заедно со Здружението за истражувања, анализи и развој ЗЕЛЕНА ЛУПА одржаа работилница на тема “ГРАЃАНИТЕ БАРААТ ПРАВДА – СТОП НА НЕПРАВДИТЕ”, која се одржи во Хотел Дувет во Скопје.
На работилницата беа презентирани заклучоците и препораките од анализите на кривичните предмети: Фаланга, Ликвидација, Мигранти, Детонатор и Аполон, кои беа подготвени од страна на експерти во рамки на проектот кој воедно е поддржан од страна на програмата ЦИВИКА МОБИЛИТАС.
 
 
 
Прочитај повеќе

Институтот за демократија е новиот Секретаријат на Платформата за борба против корупција

platforma_10042017.jpg

 
10.04.2017 На четвртата седница на Собранието на Платформата на граѓански организации за борба против корупција, што се одржа на 7 април 2017 година, Институтот за демократија „Социетас Цивилис” – Скопје (ИДСЦС) е избран за домаќин на Секретаријатот на Платформата во траење од три години.

ИДСЦС ќе ја замени Асоцијацијата за демократски иницијативи (АДИ) од Гостивар која до сега ја имаше улогата на Секретаријат на Платформата. Членовите на Собранието му се заблагодарија на АДИ за досегашната успешна работа, и му посакаа ИДСЦС уште подобри резултати.
 
 
Прочитај повеќе

Реакција

Неказнивоста на злоупотребите на службената положба и политичката заштита над прекршителите на законот мора да престане

16.03.2017 Транспаренси Интернешнл – Македонија (ТИ-М) изразува загриженост во врска со активностите на г-н Кире Николоски, кој во својство на директор на СОУ „Мирче Ацев“ пред учениците изнесува свои политички ставови и ги повикува на учество во политички активности, како и за другите случаи во кои директори на училишта ја злоупотребуваат својата положба со цел да издејствуваат одредени политички активности од децата.
 
Имајќи предвид дека г-н Кире Николоски со своите дејствија го прекршил чл.7 ст.1 од Законот за средното образование и чл.12 ст.4 од Законот за заштита на деца, Транспаренси Интернешнл – Македонија поднесе иницијативи за вршење на инспекциски надзор до Државниот просветен инспекторат и Министерството за труд и социјална политика, а побара постапување и од Народниот правобранител на Република Македонија.
 
 
Прочитај повеќе

Објаснување како се пресметуваат резултатите за секоја земја поединечно на ИПК

ti.jpg

 27.01.2017 Транспаренси Интернешнл, глобалната антикорупциска организација, на 25 јануари 2017 година го објави 22-от годишен Индекс за перцепција на корупцијата. Индексот рангираше 176 држави и територии според перцпецијата за нивото на корупцијата во јавниот сектор. Индексот за перцепција на корупцијата е водечки глобален индикатор за корупцијата во јавниот сектор, давајќи годишен преглед на релативниот степен на корупција преку рангирање на земјите ширум светот.
Република Македонија беше рангирана на 90-то место со резултат 37, упатувајќи на сериозен проблем со корупцијата во земјата.
Транспаренси Интернешнел и нејзиниот огранок во Република Македонија целосно ги поддржуваат наодите од Индексот за перцепција на корупцијата за 2016 година.
 
 
Прочитај повеќе

ИПК 2016: Магичниот круг на корупцијата и нееднаквоста мора да биде прекинат

press_23012017_1.jpgpress_23012017_2.jpg

 
 
 
 
 
 
 
 
 
 
 
 
 
 
25.01.2017 2016 година покажа дека системската корупција и социјалната нееднаквоста се засилуваат меѓусебно секаде во светот, водејќи до разочарување на народот од политичкиот естаблишментот и создавање на плодна почва за подем на политичари-популисти.
69 проценти од 176 земји опфатени со Глобалниот индекс за перцепција на корупцијата имаат скор помал од 50, на скала од 0 (перцепција за високо ниво на корупција) до 100 (перцеприција за ниско ниво на корупција), покажувајќи ја масивноста и сеприсутноста на корупцијата во јавниот сектор во целиот свет. Годинава повеќе земји паднаа на индексот отколку што напредуваа, укажувајќи на итна потреба од мерки.
 
 
 
 
 
 
Прочитај повеќе

РМ не ги исполни препораките од Четвртата оценка од ГРЕКО која ги опфаќа собранието, судството и ЈО

17.01.2017 Транспаренси Интернешнел Македонија (ТИ-М) ја известува јавноста дека иако Извештајот од четвртиот круг на евалуација на ГРЕКО (земји за борба против корупцијата) е усвоен на 62-от пленарен состанок на ГРЕКО одржан на 6 декември 2013 година, Република Македонија сè уште нема преземено активности во насока на имплементирање на дел од препораките наведени во извештајот, а за тоа дава неиздржани изговори.
 
Република Македонија на 26 јуни 2015 година доставила информации до ГРЕКО во врска со имплементацијата на препораките од извештајот од евалуацијата. На 1 јули 2016 бил усвоен извештајот за оценката на имплементацијата, а бил објавен на 12 октомври 2016 година. Од неговата содржина може да се утврди дека ова е најслабиот извештај на ГРЕКО за Република Македонија до сега. Препораките од претходните извештаи најчесто беа навремено спроведувани, при што РМ добиваше оценка дека задоволително или делумно се спроведени сите препораки, или дека се спроведени сите освен една до две препораки. Со последниот извештај, кој се однесува на борбата против корупцијата во Собранието на РМ, судството и јавното обвинителство, е утврдено дека РМ на задоволително ниво спровела само три од вкупно деветнаесет препораки, десет се делумно спроведени а дури шест воопшто не се спроведени.
 
 
Прочитај повеќе